Tanggalin ang VAT at excise tax sa gasolina at kuryente.

Itaas ang basic needs and prime commodities discount ng mga senior citizen at PWD mula sa ₱125 limit per week. 

Magtayo ng mga food stores gamit ang NFA at Kadiwa para sa abot-kaya at masustansyang pagkain.

Gawing patas ang presyo ng mga “pink”/women-branded na produkto.

Magna Carta for Renters (para sa mas abot-kaya, lisensyado at malinis na mga apartments/dorms).

Libreng Sakay (Service Contracting) sa mga jeep malapit sa mga paaralan, para maging abot-kaya rin sa mga driver ang jeepney modernization na gawang-Pinoy.

Bawat barangay, may nars at gamit (kasama ang Magna Carta for BHWs at BNS).

Palakasin ang PhilHealth para kasama ang libreng checkup, pa-confine, dentista, gamot, pa-opera, lab test, feminine products, at psychologist sa bawat bayan.

Libre sa lahat ng lengwahe at networks ang 1553 mental health hotline ng National Center for Mental Health. 

Tutukan ang women’s health issues tulad ng polycystic ovarian syndrome (PCOS), breast/ovarian cancer, at teenage pregnancy prevention.

Ipasa ang Neurodivergent Peoples’ Rights Act, at siguraduhin ang kapakanan kapakanan at inklusyon ng lahat ng mga PWD sa lahat ng sektor at pasilidad.

Unahin ang mga Commuter at Pedestrian:

• Ipasa ang Dignity in Commuting Act;

• Ayusin ang mga sidewalk at pedestrian lanes;

• Palakasin ang pamumuhunan sa mga public transport tulad ng tren, bus at river ferry.

Payagan ang 4-day workweek system sa ilalim ng Labor Code.

Sa panahong lahat ay madaling magiba at mawasak, mula man sa gobyerno na nasasabit lagi sa substandard na mga proyekto dahil sa katiwalian, hanggang sa bulsang madaling butasin ng mahal na bilihin at de-endo na trabaho, panahon na para siguraduhin nating panatag ang ating mga pamilya sa isang bayan: 

Hindi nakakapagod maghanap ng trabahong ang sweldo tinutumbasan ang pinaghirapan, at sigurado ang kalusugan at kasiyahan (₱650+ National Daily Minimum Living Wage).

Hindi nakakatakot tumupad ng mga pangarap na negosyo, imbensyon o sining.

Hindi na kailangan pang mag-abroad para sa maginhawang buhay.

Kaya nating tumindig sa sarili nating lakas-tao at likas-yaman. Dito na natin gawin sa ating sariling bayan ang lahat ng materyales na kaya naman nating malikha, gawin nating kumpleto at tunay ang repormang agraryo para ang mga mismong magsasaka na ang kumita at magpalago, at gawing pakinabang hindi lang ang padalang kita mula sa mga OFW, balik-Scientists at mga BPO kundi mismong ang kanilang husay para sa ating bayan mismo. 

Gamitin ang mga Negosyo Centers, the National Development Company (NDC), and other grant-giving bodies and GOCCs bilang dynamic micro-macro incubators para sa mga startups.

Palakasin ang industriyalisasyon sa Pilipinas sa pamamagitan ng pag-process ng mga materyales at parte dito mismo sa ating bansa, at paglalagay sa ating research and development budget sa katumbas ng 3% ng ating GDP.

Sa ating likas na yaman mula sa Inang Kalikasan nanggagaling ang ating mga produktong pagkain, bakal, pati na rin ang ating masiglang turismo mapa-dagat o bundok. Mapapalago lang natin ito kung ito ay protektado laban sa malawakang sakunang dulot ng walang-patawad na polusyon at deforestation, at pondado ito ng mas malaking pamumuhunan sa pagproseso at pagbebenta sa merkado natin at sa mundo. 

Itatag ang Department of Fisheries and Aquatic Resources at Philippine Agriculture and Fisheries Extension Agency.

Isabatas ang Magna Carta for Young Farmers.

Ipatupad ang Agricultural Land Conversion Ban.

Padamihin ang mga post-harvest and mechanization facilities and programs sa lahat ng sakahan.

Hindi matatawaran ang kakayahan ng tao bilang pinakamahalagang yaman ng ating ekonomiya na kayang magdesisyon para sa kanyang sarili.  Ang konsepto ng “just transition” ay katumbas ng nakabubuhay na sahod para sa isang malusog at maginhawang pamilya, proteksyon laban sa pang-aabuso, at ang kalayaang mag-organisa ng unyon para sa pagkakaisa at karapatan ng mga manggagawa. 

Gawing nationwide, at hindi regional, ang minimum wage (currently at ₱650+ per day).

Isabatas ang Freelance & Online Workers Rights Law.

Payagan ang paid menstrual leave at 4-day work setup.

Suportahan ang mga care workers, at sa mga family carers/caregivers na kasabay ng kanilang dayjob.

Tutukan ang Occupational Safety and Health, kasama ang mental health at physical environment.

Isabatas ang Comprehensive Anti-Discrimination Bill at ang Magna Carta para sa mga BPO at Informal Workers. 

Protektahan ang mga yamang-dagat, at ang soberanya natin laban sa pananakop ng China at ng Big Oil, para sa sapat na pagkain para sa atin at sa export.

Gawing matatag ang agri-agro sector, kasama ang mga organic and vegan food para sa ating food sovereignty. 

Lumikha ng maraming trabaho sa renewable energy at sa manufacturing ng mga kakailanganing parte nito, pati sa iba pang green materials.

Itatag ang Department of Culture,  Arts and Sports upang matutukan ang pambansang pagpopondo, pagpaplano at pagpapanalo sa ating creative sectors tulad sa South Korea.

Palawakin ang mga insentiba at pondo para sa mga atleta, filmmakers, manunulat sa lahat ng rehiyon.

Dagdagan ang pondo para sa archiving at heritage sites restoration.

Unti-unting i-sentro sa mga local clients ang ating BPO sector, pati ang IT manufacturing. 

Siguraduhing ang mga bakal at mineral na mula sa Pilipinas ay gagawing mga semiconductor at iba pang mga produkto dito mismo sa Pilipinas.

Gawing 6% ng GDP ang budget sa lahat ng aspeto ng edukasyon at gawing highest priority ito base sa nakasaad sa Konstitusyon.

Palakasin ang ladderized lifelong education sa pamamagitan ng Tech-Voc (TESDA) para sa mga industrial at SME jobs, at ang pagpropromote ng Philippine Qualifications Framework at ETEEAP, bilang alternatibo sa pagdiretso sa kolehiyo.

Ipanalo na ang STRAW Bill + Interns’ Rights Bill na protektado rin ang SHS Immersion Program.

Gawing Open Access ang lahat ng Research Journals online sa pamamagitan ng pondo ng gobyerno.

Bigyang-prayoridad ang Values Education sa EDCOM II at pagaralan ang Moral Recovery Program noon, at ang Parent Effectiveness Service sa ilalim ng RA 11908.

Tasaan ang pondo ng mga public library, pati na rin ang pagbili ng mga libro para sa mga reading center sa bawat barangay sa ilalim ng RA 7743.

Taasan ang Budget ng UP Project NOAH at PAGASA para sa ating kahandaan sa mga bagyo.

Isabatas ang Rights of Nature Law at ang Natural Infrastructure Stewardship and Dev’t Act (NatISDA) para sa mga River Basins, Mangroves at Forests, kesa sa cement-centered flood control projects.

Ayusin na ang mga kakulangan ng PhilSys National ID program, at siguraduhing tatanggapin ang mga Digital National ID sa ilalim ng batas.

Gawing batas ang mga National Artificial Intelligence rules upang malabanan ang mga deepfakes, copyright infringement, at job displacement na maaring idulot ng AI.