相傳佇三國時期諸葛亮tshuā兵仔去拍南蠻，想袂到伊咧渡江的時陣水位雄雄漲起來矣！致使伊的軍隊無法度通過。

所以，諸葛亮就下令負責tshuân飯菜予軍隊的廚子用米抑是麵當做皮，共烏牛白馬ê肉包入去lāi-té做餡，閣共遮的麵粞捏成人頭和牲禮等各種無仝的造型。接紲伊閣叫軍隊愛共香案排好，將tú-tsiah捏好的『米人』提來祭江。

    　無想著，原本漲起來的江水真緊就降落來矣！諸葛亮𤆬的軍隊嘛總算會使順利渡江繼續in的行軍之路。

因為這个thuân-suat，後代的人就將諸葛亮稱做『捏麵祖師』。

　　Lia̍p-mī-ang-á原本對中國的北爿開始發展，以mī-hún做主要材料製作mī-tshè，用手捏出各種造型。

        當時攏是一寡餅店的做餅師傅和賣藝的販仔咧製作、傳承，因為遮的人佇彼陣身份地位較低，所以人攏無用師傅稱呼in，顛倒是叫in『捏麵人』，這嘛是華語『捏麵人』三个字的由來。

尾仔『捏麵人』傳到中國的南爿，江南出名的是『江米』(就是現此時的秫米)，因為這種米的黏性真懸，所以就予人加入去做材料，所以創作lia̍p-mī-ang-á的人，嘛予人號做「江米人」。