Arlyn Kerr, 80-jaraĝa, forpasis la 23-an de junio 2025. Ŝi mortis pace hejme. Ŝi estis antaŭmortita de sia filino Julie. Ŝin postvivas ŝia edzo de 58 jaroj, Les Kerr; filo David Kerr el Seatlo; bofilino Merissa Goldstein; genepoj Natalie/Nell kaj Allison; kaj ŝia frato Howard Meisner.

Arlyn naskiĝis la 8-an de marto 1945 en Jersey City, Nov-Ĵerzejo. Ŝi ricevis diplomon pri matematiko de Douglass College (Universitato Rutgers) en 1966. Ŝi studis komputikon ĉe Universitato Cornell, kie ŝi renkontis sian estontan edzon, Les.

Arlyn translokiĝis al la Seatla regiono en 1970. Ŝi estis programisto/analizisto por IBM kaj la urbo Bellevue, emeritiĝante en 1994.

Arlyn estis delonga volontulo por Fred Hutchinson Cancer Research Center, kie ŝi helpis pacientojn de ostmedola transplantado kaj iliajn familianojn, multaj el ili venantaj al Seatlo el eksterlando. Arlyn estis gvidanto de Campfire kaj volontulis kun lernejdistriktaj komitatoj, Group Health Community Volunteers, Community Services for the Blind, kaj Friends of the Library.

Arlyn kaj Les havis fervoran intereson pri la internacia lingvo Esperanto, kiun ili komencis lerni en 1985. Ili ĉeestis kvar internaciajn konferencojn kaj faris du longajn vojaĝojn en Eŭropo kiel "aĝulaj nomadoj", irante de unu Esperanta kunveno al alia kaj loĝante kun Esperantistoj en dekdu landoj dum ili vojaĝis de urbo al urbo.

Arlyn kaj Les ĝuis kajakadon dum multaj jaroj. Ili loĝis parttempe en domboato kaj posedis 28-futan boaton, kiun ili vaste uzis por krozi tra la Saliŝa maro.

Arlyn estis fondinta membro de Tuesday Trekkers, virina migrada grupo kiu ĵus festis sian 33-an datrevenon. Interesoj de Arlyn inkluzivis veganan kuiradon kaj bakadon (ŝi estis vegana dum 27 jaroj), piklpilkon, sekularan humanismon, stebkovriladon kaj tabulludojn. Arlyn estis fervora leganto kaj fidela subtenanto de bibliotekoj. Ŝi ŝatis solvi krucvortenigmojn (plurajn ĉiutage), puzlojn, kaj vortludojn. Ŝi estis fanatikulo pri la virinaj teamoj de softbalo kaj flugpilkado ĉe Universitato de Vaŝintonio.

Memordonacojn oni povas sendi al FareStart.