il partage avec vous quelques documents qui l'ont aidé à réussir leur concours du baccalauréat 

بين مجرد الحلم و التحقيق طريق طويل مليء بالعراقيل و الخوف و الإحباط ..فحافظ على عنادك و إصرارك و تفاؤلك و حسن ظنك بالله عزما على إكمال المشوار .

Nsii7aa mnii rakzou ala kol chyyy w ma tkhaliw hta matière w a3tiw kol matière 7a9haa ..El philo wl arabyaa lezm kool ma taqraa l cours rwh la5souu w raj3ou..his géo kif kif zeda la5souu ala qad ma taqdrouu w a7fthou w ekhdmou dovwarat qdima bch tchoufou kifh tji dovwarat..l islamia wl option wl ang wl fr zeda lzmhom barchaaa khdma: dovwarat w qawe3d w 7fathaa w chwy ta5dim mo5..e tala5iis li amaltouhom lemouhom kol matière fi portefeuille w ma t5afouch juste twaklou ala rabii w ekhdmouuu bqodrett rabii tjibouha

 هذايا حبيت نحط فيه تلاخيص متاعي لدروس الباكالوريا آداب لكل و شويا حاجات تنجم تنفعكم.

طريقة التلخيص تتغير من حد لحد و لي شيقرى باش يلقى إختلاف بين أول تلاخيص و تلاخيص وسط و آخر العام، خاتر خطوة خطوة تفهم أنت فاش ترتاح و كيفاه تلخص و عادي راو تلخيص متاع صفحتين يشدك 5 سوايع تخافش.

أنا ناخو ال cours  و وراق ال études و معاهم تلاخيص من بارشا بلايص نقراهم لكل و ناخو بالعنصر بالعنصر نحررهم على طريقتي الخاصة بمصطلحاتي.

مهم بارشا انك متقارنش مع حد آخر ، راو التلخيص لازم يعاونك انت و تاو تعرف ب les notes هل الطريقة ناجحة ولا.

نقطة مهمة انو تلخص كل درس دوب متكمل تقراه ، و تلخص دروس لكل مغير إستثناء و متطيح حتى شيئ ، نعطيكم مثال أنا في الجغرافيا لخصت محور البرازيل بالقداه علخر و لكن نعرفش علاه في période de révision مركزتش معاه و جاء في الباك و خترتو خاتر نرتاحش مع التفاوت رغم أنا مريفزتهاش عندي شهر، لكن تفكرت تقريبا كل شيئ خاتر خادم عليه بالقداه في وسط العام.

بالنسبة لل pratique كل مادة كيفاه نخدمها، ال français لحقيقة خدمت كان الباكات لكل من أوت و في وسط العام نخرج كان des exemples littéraires لكل محور، ال anglais  خدمت كان آخر العام الباكات لكل و بالنسبة للمواد لخره كنت نخدملها ديما ، في أول العام كنت نحرر لكن مبعد وليت نعمل تخطيط كهو .

نأكد و نعاود الخدمة في أي باك لازم تكون à jour و ما فما حتى  excuses  باش متخدمش ، أنا كي تعبت رتحت 4 أيام لا مشيت لل lycée لا études  و مقريت شي باش رجعت في فورمة .

القراية كل يوم تخليك توصل في شهر ماي كملت كل شيئ و ميقعدلك كان الحفيظة ولا الباك lettres مهاش حفاظة لازمك منهجية خاتر هاكي شطر ال note  و المعلومات هي ال plus و المعلومات ترقاهم في الكتب المدرسية على عجلت أقراهم و خوذ أمثلتك من غادي خير في العريبة و الفلسفة.

التاريخ و الجغرافيا محلاهم بااااااارشا محاور  الجغرافيا خاصة كان عندك ثقافة عامة باش تعاونك علخر و التاريخ نعاودو كي الحكاية و نتفرج في  des vidéo و  des documentaires  تعمل جو و تكتشف بالحق حاجات ياسر intéressantes  على تاريخنا و تاريخ العالم خاصة في الدروس الأخيرة.

نقطة أخيرة  note  وسط العام هي وسيلة باش تحفزك تخدم أكثر ، أنا كانت عندي مشاكل في الفلسفة جبت  11,5. و بعد 11,5 و بعد 11 و نوحت علخر أما سلمتش و كي جبت 13,5 ترشقت بالبكا و في التفكير الإسلامي جبت 9 و عديت في الباك موضوع على نفس المحور رغم النص ساهل بارشا أما خذيت الموضوع و جبت 16  ملخر تخدم تلقى و راو حتى note  الباك  info و الباك sport  مهمين خاتر معندكش sources de note  بخلافهم يعني حتى هوما تخدملهم و ال option كيف كيف مهما كانت.

الباك lettres محلاها علخر و شتبدل نظرتك لبارشا حاجات، أعطاها حقها و راو نهارت الي يعطيوك ال choix لول متاعك تو تنسى التعب الكل و تتفرهد، و راو الnote متجيبهاش بتخبيت الأوراق، عاونوا بعضكم.ن راو تنفع غيرك و أنت تتنفع عمرها ما كانت شكون عندو أكثر تلاخيص و ترا شنيا.

ما تخافوش و استمتعوا.ن بعامكم.ن و أعملوا.ن جو في قرايتكم راو لغة القراية متوصلش قالوها لي مقراوش ، شجع روحك ديما بحاجات صغار و مرة في الجمعتين  ولا في الشهر أخرجوا و في الباك  blanc  أخرجوا و قبل الباك  principal بنهار زادة تسكر كل شيئ متخافش ما كش شتنسى كان خدمت و برا تفرهد

خليوها رحلة مزيانة توفا بفرحة مزيانة

هاذوما التلاخيص منظمين و فيهم الخرائط و المصطلحات :