នេះហ្នឹងនិទានអំពីគ្រួសារតូចមួយ ដែលមានប្ដីប្រពន្ធមួយគូ មានកូនប្រុសស្រីពីរនាក់ ព្រមទាំងមាន ជីដូនចាស់ម្នាក់នៅជាមួយផងដែរ។ លោកយាយ គឺជាម្ដាយរបស់ស្ត្រីជាប្រពន្ធនោះ។ ថ្វីបើលោកយាយនៅតែផ្ទះ មិនមានចំណូល ពីការធ្វើការងារក្ដី តែលោកយាយមិនដែលបង្កផលលំបាកដល់កូនៗនិងចៅៗនោះទេ។ លោកយាយជាអ្នកធានាអនាម័យគ្រួសារ។ លោកយាយជាអ្នកទប់ស្កាត់ជម្លោះរវាងចៅៗ និងម្ដងម្កាល កូន និងកូនប្រសារគាត់។ លោកយាយដែលរស់នៅស្ងប់ស្ងៀមអស់ពេលជិតម្ភៃឆ្នាំតែក្នុងផ្ទះនេះ ហាក់ពុំទទួលបានភាពកក់ក្ដៅសោះខាងផ្លូវចិត្ត។ ម្ដងទៅ ចៅស្រីស្រែកដាក់គាត់។ ហើយម្ដងទៅចៅប្រុសគំរោះដាក់គាត់។ មិនថាតែចៅៗនោះទេ សូម្បីកូន និងកូនប្រសារគាត់ ក៏មានពាក្យធំតូចដាក់គាត់ម្ដងម្កាលផងដែរ។ ពេលខ្លះលោកយាយសំងំអង្គុយនៅក្នុងផ្ទះបាយ ហូបបាយសម្រក់ទឹកភ្នែកម្នាក់ឯង។ មានថ្ងៃខ្លះ កូនៗ និងចៅៗរបស់គាត់ទៅដើរលេងខាងក្រៅរហូតដល់យប់ជ្រៅទើបត្រឡប់មកផ្ទះវិញ។ នេះ គឺពិតជាមិនបានផ្ដល់ភាពកក់ក្ដៅឱ្យគាត់ទាល់តែសោះ។

ភាពស្និទស្នាលរបស់សមាជិកគ្រួសារមួយនេះ ប្រៀបដូចជាជនចំណាកស្រុកមកនៅភ្នំពេញ មានបន្ទប់ជិតគ្នា តែមិនស្គាល់គ្នាទៅវិញ។ គ្រួសារតូចមួយនេះ មិនខុសពីគ្រួសារដទៃទៀតទេ ដែលមេគ្រួសារ ឬមនុស្សពេញវ័យ ត្រូវចេញទៅធ្វើការដើម្បីរកកម្រៃមកចិញ្ចឹមគ្រួសាររបស់ខ្លួន ហើយកូនៗតូចត្រូវទៅសាលារៀន។ ប្ដីប្រពន្ធមួយគូនេះ ព្រឹកចេញ ល្ងាចចូល រីឯកូនៗប្រុសស្រីរបស់គាត់ក្ដី ក៏ព្រឹកចេញ ល្ងាចចូលដូចគ្នា។ គ្រួសារនេះ អាចនៅជុំគ្នាបានតែថ្ងៃឈប់សម្រាក ឬចុងសប្ដាហ៍តែប៉ុណ្ណោះ។ គ្រួសារមួយដែលមានការមមាញឹកយ៉ាងដូច្នេះ ជួបមុខគ្នាភាគច្រើនតែពេលយប់ ហើយទំនាក់ទំនងរបស់ពួកគេទៀតសោត គឺមិនសូវជាស្និទស្នាលនោះទេ។ នេះក៏ដោយសារតែភាពរវល់រហូតដកឃ្លាពុំរួចនេះហើយជាដើមហេតុចម្បង។ វាក៏ផ្សំផងដែរនូវភាពប្រងើយកន្តើយ មិនយកចិត្តទុកដាក់រវាងទំនាក់ទំនងគ្រួសារ។ ពេលហូបបាយម្ដងៗ ពួកកូនៗ និងចៅៗ ចូលចិត្តទិញម្ហូបស្រាប់ៗ ហើយមិនសូវបានហូបបាយជុំគ្នាជាមួយម្ដាយ ជាមួយយាយជាជីដូននោះទេ។

ចំពោះលោកយាយចំណាស់វិញ ដែលម្ង៉ៃៗនៅតែផ្ទះ រហូតដល់ភ្លេចនិយាយ ព្រោះពុំមានមនុស្សនិយាយជាមួយ។ មិនធ្លាប់ចេញក្រៅ ព្រោះត្រូវចាំផ្ទះ។ មិនតែប៉ុណ្ណោះ បានឃើញមុខកូនៗនិងចៅតែពេលយប់ និងថ្ងៃសម្រាកតែប៉ុណ្ណោះ។ជូនកាលទៅទៀត មិនបានទទួលការសួរនាំអីសោះពីសុខទុក្ខរបស់គាត់។ មិនយូរប៉ុន្មាន បន្ទាប់ពីទទួលរងនូវភាពឯកោដ៏គួរឱ្យសង្រេងនេះមួយរយៈពេលធំ លោកយាយក៏លាចាកលោកនេះទៅ។

************

បន្ទាប់ពីបូជា និងធ្វើបុណ្យរួចហើយ នៅយប់ថ្ងៃទី៧ ព្រលឹងលោកយាយក៏មកមើលកូនចៅគាត់ជាលើកចុងក្រោយ។ វិញ្ញាណដែលជាព្រលឹង ពុំមានរូបសោះ បែរជាអាចចម្អិនម្ហូបអាហារពេញតុ រៀបចំយ៉ាងស្អាត ទុកនៅលើតុម្ហូប។ 

នៅពេលទាំងអស់គ្នាត្រឡប់មកពីធ្វើការ និងសាលាវិញ ក៏មានការភ្ញាក់ផ្អើល ហើយចោទសួរគ្នាថា តើនរណាជាអ្នករៀបចំម្ហូបថ្ងៃនេះ? ប្ដីគិតថាប្រពន្ធមកដល់ផ្ទះមុន រីឯប្រពន្ធគិតថាប្ដីមកដល់ផ្ទះមុន។ ពួកគេគិតថា ចុម! ប្រពន្ធអញ និងចុម! ប្ដីអញ ទិញម្ហូបច្រើនម្ល៉េះ? នរណាហូបអស់ទៅ? ផ្ទុយទៅវិញ ពេលមកជុំគ្នាទើបមានការភ្ញាក់ផ្អើល។ រំពេចនោះ លោកយាយក៏បង្ហាញខ្លួន ហើយឈរសម្លឹងមកកូនៗ និងចៅរបស់គាត់ជាលើកចុងក្រោយ។ គាត់ពោលថា៖ ម៉ែមកលើកនេះ ជាលើកចុងក្រោយហើយ មុននឹងយមទូតមកយកម៉ែទៅនាពេលបន្តិចទៀតនេះ។ ម៉ែសុំពេលពីពួកគេ ដើម្បីបានមកចម្អិនម្ហូបឱ្យពួកឯងហូបជាលើកចុងក្រោយ។ ហើយម៉ែសូមកូនៗ និងចៅៗ ឈប់ឈ្លោះគ្នា ចេះស្រលាញ់គ្នា និងយកចិត្តទុកដាក់ចំពោះគ្នា។ កុំឧស្សាហ៍ចេញទៅហូបម្ហូបខាងក្រៅច្រើនពេក ហើយចំណាយពេលនៅជាមួយគ្នាឱ្យបានច្រើន។ និយាយរួច លោកយាយក៏រលាយបាត់ទៅ។ កូនៗ និងចៅៗ ក៏ស្រែកទ្រហោរយំ និងសោកស្ដាយចំពោះទង្វើរបស់ពួកគេកន្លងមកជាពន់ពេក។

តើអ្វីជាតម្លៃអប់រំនៃរឿងខ្លីនេះ?

ស្រី សំឆៃយ៉ា, ២៤ ធ្នូ ២០១៩

ភាពចាស់ទុំរបស់យើង ផ្ដុំឡើងដោយ ភាពឈឺចាប់ និងការខ្វះខាត។ ហេតុអ្វី?

នោះដោយសារពេលជួបការលំបាក មនុស្សអាចរៀនពីអ្វីដែលពុំមានសរសេរក្នុងសៀវភៅ ពីអ្វីដែលគ្រូមិនបានណែនាំ ហើយនោះគឺជាតម្លៃនៃបទពិសោធន៍។

ពេលបានស្ដាប់បទពិសោធន៍របស់មនុស្សម្នាក់ នោះប្រសើរជាងអានអត្ថបទរាប់រយរបស់គេ។ នោះដោយសារការនិយាយរៀបរាប់បានការពន្យល់ណែនាំ ដើម្បីអ្នកស្ដាប់បានយល់។

ខ្ញុំលើកទឹកចិត្តឱ្យស្ដាប់ឱ្យបានច្រើន!!!

People placed the plant at the full scale of water drops from the top roof drainage. The owner of the plant will spend less time supplying water on the tree. That is a good idea for a couple of days. Living automatically grows. The owner of the small tree feels relaxed and cool. This is a short-term concept.

But, folk, a life requires movement and a nonstop motive. Health requires exercise. To reach the destination required traveling. To speak to far-living friends required phone calls. To see change required adjustment—to deliver a report on time required a combination of competency, time management, convincing skills, collaboration, and commitment to the arts of each.

This concept is only how the total involved stakeholders require challenges but understanding of each other. Positioning yourself second highest with the team is required. A standalone will collapse with no protection. People need care and support—live like a mirror; it will revert back. Chasing is out of date. It expired when you feel positive and see hidden meaning behind unspoken stories.

If you plant a tree, you must invest your time to supply it with water daily to see it grow.

This is leadership quality.

https://t.me/SreySamchhaiyaNote/5846