Terms and Conditions

Sadiqabad Computer Market Online par kisi bhi kism ki product ki inquiry, khareed-o-faroakht, ya services hasil karne ke liye darja-zail sharaitt (Terms and Conditions) ka manna lazmi hai. Hamara maqsad shaffafiyat aur customer ki behtareen rehnumai hai.

1. Service Nature: Hum aik service-based affiliate platform hain jo customers ko Sadiqabad Computer Market ke vendors se jorta hai. Hum kisi bhi product ke direct manufacturer nahi hain.

2. Stock Verification: Hamari team sirf stock ki physical condition aur initial performance check karti hai. Product ki internal reliability aur lambi muddat tak chalne ki mukammal zimmedari manufacturer ya vendor ki hogi.

3. Pricing Policy: Market mein qeematain rozana ki bunyaad par tabdeel hoti hain. Website par di gayi qeemat sirf aik andaza hai, final qeemat wahi hogi jo order confirmation ke waqt market mein maujood hogi.

4. Order Confirmation: Order tab hi confirm samjha jaye ga jab customer WhatsApp par verification video dekhne ke baad apni razi-mandi zahir kare ga.

5. Advance Payment: Khusoosi orders ya market se unit uthane ke liye aik makhsoos raqam bataur advance li ja sakti hai, jo ke non-refundable hogi agar customer order se piche hat-ta hai.

6. Delivery Timeline: Hum koshish karte hain ke order jald az jald pohanche, lekin courier company ki takheer ya kisi nagahani surat-e-haal (weather, strikes) ki wajah se late delivery par hamari zimmedari nahi hogi.

7. Delivery Charges: Delivery ke akhrajaat aur insurance (agar customer chahe) mukammal taur par customer ki zimmedari honge.

8. Inspection Policy: Customer ko product ki video aur pictures bheji jati hain. Parcel milne ke baad "Change of mind" (pasand na aane) ki bunyaad par exchange ya refund nahi hoga.

9. Refund Policy: Refund sirf us surat mein hoga agar product description ke mutabiq na ho aur ye masla parcel milne ke 24 ghante ke andar report kiya jaye.

10. Hardware Warranty: Warranty sirf un products par hogi jin ka zikr vendor ne kiya ho. Warranty claim karne ke liye customer ko product khud vendor tak pohanchana hoga.

11. Software Issues: Windows, Drivers, ya kisi bhi software ki wajah se hone wale technical masail hardware warranty mein shamil nahi honge.

12. Damage during Shipping: Hum parcel ko nihayat mehfooz pack karte hain. Courier company ke dauran-e-safar kisi bhi kism ke nuqsan (Damage/Loss) ki zimmedari courier company par hogi.

13. Used/Refurbished Products: Used products naye jaisi nahi hotiin. In mein mamuli scratches ya wear-and-tear ho sakta hai, jis ki bunyaad par claim qabul nahi kiya jaye ga.

14. Battery Health: Used laptops mein battery backup sirf aik andaza hota hai. Battery ki backup timing par koi mukammal guarantee nahi di ja sakti.

15. Repairing Services: Repairing ke dauran agar koi purana component (jo pehle se kamzoor ho) mazeed kharab ho jata hai, to hamari team us ki zimmedar nahi hogi.

16. Data Loss: Repairing ya hardware upgrade ke dauran data ki hifazat customer ki apni zimmedari hai. Hum data loss ke zimmedar nahi hain.

17. Third-Party Links: Hamari website par mojud links ya kisi aur vendor ki advertisement par amal karne ki zimmedari customer ki hogi.

18. Legal Jurisdiction: Kisi bhi kism ke tanaze (dispute) ki surat mein Sadiqabad Computer Market ke local qawaneen aur faislay hi qabil-e-qubul honge.

19. Order Cancellation: Hamare paas ye haq mehfooz hai ke hum kisi bhi order ko technical maslay ya stock ki kami ki wajah se cancel kar sakain.

20. Acceptance of Terms: Website ka istemal ya WhatsApp par order dena is baat ka saboot hai ke aap ne hamari tamam Terms and Conditions parh li hain aur un se ittefaq karte hain.

21. Actual Condition vs Digital Media: Digital camera aur lighting ki wajah se product ka rang ya texture asal mein thora mukhtalif ho sakta hai. Is bunyaad par exchange ya return qabil-e-qabul nahi hoga.

22. Transit Insurance: Parcel ki insurance optional hai. Agar customer insurance ke paise ada nahi karta, to raste mein honay walay kisi bhi hadsay ya chorri ki zimmedari customer ki apni hogi.

23. Warranty Claim Logistics: Warranty claim karne ke liye product ko wapas hamare address tak bhejne aur phir wapas mangwane ke tamam delivery charges customer ko ada karne honge.

24. Power Supply and Voltage: Ghar ki purani wiring ya voltage ke utaar-charhao ki wajah se agar laptop ka adapter ya motherboard jalta hai, to ye warranty mein shamil nahi hoga.

25. Screen Dead Pixels: Used laptops ya LCDs mein 1 se 3 dead pixels tak market standard ke mutabiq normal samjha jata hai aur ye claim ka hissa nahi hota.

26. Compatibility Responsibility: Koyi bhi accessory ya hardware khareedne se pehle uski apne system ke sath compatibility check karna customer ki zimmedari hai. Galat selection par wapsi nahi hogi.

27. Verification Time Limit: WhatsApp par bheji gayi verification video par faisla karne ke liye customer ke paas 4 se 6 ghante ka waqt hota hai, uske baad woh unit market mein kisi aur ko sale kiya ja sakta hai.

28. Refund Processing Time: Refund ki manzoori ki surat mein raqam wapas karne mein 7 se 10 working days lag sakte hain, taake market vendor se raqam wapsi ka process mukammal ho sake.

29. Unboxing Video Requirement: Parcel milte hi usay kholte waqt video banana lazmi hai. Baghair unboxing video ke kisi bhi kism ke physical damage ya missing item ka claim tasleem nahi kiya jaye ga.

30. Force Majeure: Hukoomati pabandiyon, internet bandish, ya market ki tawil bandish ki surat mein orders ya services mein hone wali takheer par Sadiqabad Computer Market Online kisi harjanay ka zimmedar nahi hoga.