ຖານຂໍ້ມູນ ແມ່ນ "ການເກັບມ້ຽນຂໍ້ມູນຈຳນວນມະຫາສານ ຢູ່ໃນລະບົບຄອມພິວເຕີ້ ໃນລັກສະນະທີ່ສາມາດເບິ່ງ ຫຼື ປ່ຽນແປງໄດ້ງ່າຍ." (ວັດຈະນານຸກົມ Cambridge). ດັ່ງນັ້ນ ໂດຍນຳໃຊ້ຖານຂໍ້ມູນ, ເຈົ້າ ສາມາດເຂົ້າເຖິງຂໍ້ມູນທີ່ກ່ຽວຂ້ອງ ແລະ ທັນສະໄໝ ຢ່າງງ່າຍດາຍ. ຖານຂໍ້ມູນລຸ່ມນີ້ ແມ່ນເສັ້ນທາງເຂົ້າສູ່ສູນລວມຂອງເອກະສານວິຊາການທີ່ດີ.
(ສຳລັບ ຂໍ້ມູນ ເປັນພາສາ ອັງກິດ)
Global Health Media ໄດ້ຈັດເຮັດວີດິໂອສັ້ນໆທີ່ໜ້າສົນໃຈ ເຊິ່ງເປັນວິທີ່ແກ້ບັນຫາທີ່ລຽບງ່າຍແລະມີປະສິດຕິພາບ ເພື່ອຊ່ວຍໃຫ້ພະນັກງານສາທາລະນະສຸກ ແລະ ຊຸມຊົນໄດ້ຮັບຄວາມຮູ້ແລະທັກສະພື້ນຖານທີ່ຈະສາມາດຊ່ວຍຊີວິດຄົນອື່ນໄດ້ ໂດຍສະເພາະຢ່າງຍິ່ງໃນສະພາບແວດລ້ອມທີ່ມີສັບພະຍາກອນໜ້ອຍ
ວີດີໂອເປັນພາສາລາວ: https://globalhealthmedia.org/videos/videos-lao/
PubMed ປະກອບມີຫຼາຍກວ່າ 29 ລ້ານ ເອກະສານອ້າງອີງ ດ້ານຊີວະການແພດ ຈາກ MEDLINE, ວາລະສານວິທະຍາສາດຊີວິດ, ແລະ ປຶ້ມອອນລາຍ. ເອກະສານອ້າງອີງ ອາດລວມມີທັງ ລິ້ງ ເພື່ອເຂົ້າເຖິງເນື້ອໃນທັງໝົດ ຈາກ ສູນກາງ PubMed Central ແລະ ເວັບໄຊສ໌ຂອງບັນດາຜູ້ຈັດພິມ.
ScienceDirect ແມ່ນແຫຼ່ງຂໍ້ມູນແນວໜ້າຂອງໂລກ ດ້ານການຄົ້ນຄວ້າວິທະຍາສາດ, ວິຊາການ ແລະ ການແພດ. ສຶກສາເບິ່ງ ວາລະສານ, ປຶ້ມ ແລະ ບົດຄວາມຕ່າງໆ.
ຫໍສະໝຸດ Cochrane ແມ່ນການລວບລວມຫຼັກຖານທີ່ເປັນເອກະລາດ ແລະ ມີຄຸນະພາບສູງ ສຳລັບການຕັດສິນບັນຫາດ້ານການເບິ່ງແຍງສຸຂະພາບ. ທີທັງໝົດ 6 ຖານຂໍ້ມູນຫຼັກ ລວມທັງ ຖານຂໍ້ມູນ Cochrane ຂອງການທົບທວນຢ່າງເປັນລະບົບ ແລະ ການລົງທະບຽນການທົດລອງທີ່ຖືກຄວບຄຸມ.
POPLINE® ປະກອບມີ ການລວບລວມເອກະສານດ້ານປະຊາກອນ, ການວາງແຜນຄອບຄົວ ແລະ ພົວພັນກັບສຸຂະພາບຈະເລີນພັນ ແລະ ການພັດທະນາ ທີ່ຄົບຖ້ວນທີ່ສຸດຂອງໂລກ. ໃນຖານະທີ່ເປັນແຫຼ່ງຂໍ້ມູນສາກົນ, POPLINE ຊ່ວຍໃຫ້ຜູ້ບໍລິຫານແຜນງານ, ຜູ້ຕັດສິນບັນຫາ ແລະ ຜູ້ສະໜອງບໍລິການ ຢູ່ປະເທດທີ່ມີລາຍຮັບຕ່ຳ ແລະ ປານກາງ ແລະ ອົງກອນ ແລະ ອົງການຈັດຕັ້ງ ທີ່ສະໜັບສະໜູນການພັດທະນາ ໃນການເຂົ້າເຖິງບົດຄວາມວິຊາການ, ບົດລາຍງານ, ປຶ້ມ ແລະ ເອກະສານທີ່ບໍ່ໄດ້ຖືກຈັດພິມ .
ການເບິ່ງແຍງສັງຄົມອອນລາຍ ແມ່ນຖານຂໍ້ມູນອອນລາຍທີ່ໃຫຍ່ທີ່ສຸດຂອງສະຫາລາດຊະອານາຈັກອັງກິດ ກ່ຽວກັບທຸກຂົງເຂດຂອງສັງຄົມສົງເຄາະ ແລະ ການເບິ່ງແຍງສັງຄົມ. ປະກອບມີ ນິຕິກຳ, ເອກະສານຂອງລັດຖະບານ, ຄູ່ມື ແລະ ການປະຕິບັດຕົວຈິງ, ການທົບທວນເປັນລະບົບ, ສະຫຼຸບຫຍໍ້ ກ່ຽວກັບ ການຄົ້ນຄວ້າ, ເອກະສານ UK grey (ເຊິ່ງຈັດພິມແບບບໍ່ເປັນທາງການ), ແລະ ບົດຄວາມຈາກວາລະສານ. ຖານຂໍ້ມູນ ແມ່ນມີການປັບປຸງທຸກໆມື້ ແລະ ປະກອບມີຫຼາຍກວ່າ 160,000 ລາຍການ ຕັ້ງແຕ່ປີ 1980s ເປັນຕົ້ນມາ.
ສະໜອງວິທີທາງທີ່ງ່າຍດາຍ ເພື່ອດຳເນີນການຄົ້ນຫາເອກະສານວິຊາການຢ່າງກວ້າງຂວາງ. ຈາກບ່ອນໜຶ່ງ, ເຈົ້າສາມາດຊອກຫາໄດ້ກວມທຸກຂົງເຂດວິຊາ ແລະ ແຫຼ່ງຂໍ້ມູນ: ບົດຄວາມ, ວິທະຍານິພົນ, ປຶ້ມ, ບົດສັງເຂບ/ສະຫຼຸບຫຍໍ້ ແລະ ຄຳເຫັນຂອງສານ, ຈາກຜູ້ຈັດພິມຂອງມະຫາໄລ, ສະມາຄົມນັກວິຊາຊີບ, ສະຖານທີ່ອອນລາຍ, ມະຫາວິທະຍາໄລ ແລະ ເວັບໄຊສ໌ອື່ນໆ.
PLOS ແມ່ນຜູ້ຈັດພິມ, ນັກປະຕິຮູບ ແລະ ອົງການໂຄສະນາຊຸກຍູ້ ທີ່ເປີດໃຫ້ທຸກຄົນເຂົ້າເຖິງຂໍ້ມູນໂດຍບໍ່ຫວັງຜົນກຳໄລ, ເພື່ອພັກດັນຄວາມຄືບໜ້າດ້ານວິທະຍາສາດ ແລະ ການຢາ ໂດຍນຳພາການຫັນປ່ຽນການສື່ສານການຄົ້ນຄວ້າ. ສະໜອງການເຂົ້າເຖິງການຄົ້ນຄວ້າທີ່ບໍ່ເສຍຄ່າ ແລະ ບໍ່ຈຳກັດ.
CORE ຈັດແບ່ງຜົນຂອງການຄົ້ນຄວ້າທີ່ເປີດກວ້າງທັງໝົດ ຈາກແຫຼ່ງເກັບມ້ຽນ ແລະ ວາລະສານ ຈາກທົ່ວໂລກ ແລະ ເຮັດໃຫ່ທຸກຄົນສາມາດເຂົ້າເຖິງໄດ້. ດັ່ງນັ້ນ, ຈຶ່ງສາມາດສະໜອງການເຂົ້າເຖິງທີ່ບໍ່ເສຍຄ່າ ແລະ ບໍ່ຈຳກັດ ໃຫ້ທຸກຄົນ.
(ສຳລັບ ຊອກຂໍ້ມູນ ເປັນພາສາໄທ)
ວາລະສານໄທອອນລາຍ (ThaiJO) ແມ່ນລະບົບລວມສູນຖານຂໍ້ມູນວາລະສານເອເລັກໂຕນິກ ຢູ່ ປະເທດ ໄທ. ເຊິ່ງແມ່ນແຫຼ່ງຂໍ້ມູນວາລະສານດ້ານວິຊາການ ທີ່ຈັດພິມຢູ່ໃນ ປະເທດ ໄທ ສຳລັບ ທຸກຂົງເຂດການສຶກສາ ລວມທັງ ວິທະຍາສາດ/ເຕັກໂນໂລຢີ ແລະ ມະນຸດສາດ ແລະ ວິທະຍາສາດສັງຄົມ.
OpenBase.in.th ແມ່ນສາງຂໍ້ມູນ. ປະກອບມີທຸກປະເພດຂອງເອກະສານທີ່ພົວພັນກັບ ປະເທດໄທ ເຊິ່ງຈະເປັນປະໂຫຍດ ສຳລັບ ການຊອກຫາ, ອ້າງອີງ ແລະ ນຳໃຊ້ ຂໍ້ມູນ.
ສະໜອງວິທີການທີ່ງ່າຍດາຍ ຈົນເຖິງການຊອກຫາທີ່ກວ້າງຂວາງ ສຳລັບເອກະສານວິຊາການ ເປັນພາສາໄທ. ຈາກບ່ອນໜຶ່ງ, ເຈົ້າສາມາດ ເຈົ້າສາມາດຊອກຫາໄດ້ກວມທຸກຂົງເຂດວິຊາ ແລະ ແຫຼ່ງຂໍ້ມູນ: ບົດຄວາມ, ວິທະຍານິພົນ, ປຶ້ມ, ບົດສັງເຂບ/ສະຫຼຸບຫຍໍ້ ແລະ ຄຳເຫັນຂອງສານ, ຈາກຜູ້ຈັດພິມຂອງມະຫາໄລ, ສະມາຄົມນັກວິຊາຊີບ, ສະຖານທີ່ອອນລາຍ, ມະຫາວິທະຍາໄລ ແລະ ເວັບໄຊສ໌ອື່ນໆ.