Embedded Files
ເວັບໄຊສ໌ເວທີການຮຽນຮູ້ ສຳລັບ ຜະດຸງຄັນລາວ ສະໜອງແຫຼ່ງຂໍ້ມູນການຮຽນຮູ້ ສຳລັບ ການປະຕິບັດຕົວຈິງທີ່ອີງໃສ່ຫຼັກຖານ (EBP), ເພື່ອປັບປຸງມາດຕະຖານການເບິ່ງແຍງສຸຂະພາບ.
ການຈັດຕັ້ງປະຕິບັດຕົວຈິງທີ່ອີງໃສ່ຫຼັກຖານ (EBP)
ການຈັດຕັ້ງປະຕິບັດຕົວຈິງທີ່ອີງໃສ່ຫຼັກຖານ (EBP)
ການນຳໃຊ້ການຄົ້ນຄວ້າໃນປະຈຸບັນ ເຂົ້າໃນການປະຕິບັດຕົວຈິງ ແມ່ນຫຼັກການໃຈກາງດ້ານຈັນຍາບັນຂອງຜະດຸງຄັນ.
ສະຫະພັນຜະດຸງຄັນສາກົນ (ICM) ກ່າວວ່າ;
“ຜະດຸງຄັນ ນຳໃຊ້ຄວາມຮູ້ວິຊາຊີບທີ່ອີງໃສ່ຫຼັກຖານຂໍ້ມູນທີ່ທັນສະໄໝ ເພື່ອຮັບປະກັນການຊ່ວຍເກີດທີ່ປອດໄພ ຢູ່ໃນທຸກສະພາບແວດລ້ອມ ແລະ ວັດທະນະທຳ (ປັບປຸງ ແລະ ຮັກສາມາດຕະຖານຄວາມອາດສາມາດ)”
“ຜະດຸງຄັນ ພັດທະນາ ແລະ ແລກປ່ຽນ ຄວາມຮູ້ດ້ານຜະດຸງຄັນ ໂດຍຜ່ານຂະບວນການທີ່ຫຼາກຫຼາຍ ເຊັ່ນ ການປະເມີນການເຮັດວຽກຈາກເພື່ອນຮ່ວມງານ ແລະ ການຄົ້ນຄວ້າ”
(ກົດຈັນຍາບັນ ສຳລັບ ຜະດຸງຄັນ ຂອງ ICM)
ຮຽນຮູ້ເພິີ່ມຕື່ມ ກ່ຽວກັບ EBP (ລິ້ງທາງນອກ) (PDF: ແປເປັນພາສາລາວ)
ຄວາມໜ້າເຊື່ອຖື ຂອງ ຂໍ້ມູນ
ຄວາມໜ້າເຊື່ອຖື ຂອງ ຂໍ້ມູນ
ອິນເຕິເນັດ ເປັນປະໂຫຍດສຳລັບການເກັບກຳຂໍ້ມູນ. ແຕ່ວ່າ, ເນື່ອງຈາກທຸກຄົນສາມາດເຜີຍແຜ່ຂໍ້ມູນທາງອິິນເຕີເນັດໄດ້, ດັ່ງນັ້ນ ຈຶ່ງມີຄວາມສຳຄັນທີ່ຕ້ອງໄດ້ປະເມີນເວັບໄຊສ໌ດັ່ງກ່າວ ກ່ອນນຳໃຊ້ຂໍ້ມູນ. ວີດີໂອນີ້ ນຳສະເໜີວິທີການ ເພື່ອປະເມີນວ່າເວັບໄຊສ໌ດັ່ງກ່າວ ມີຄວາມໜ້າເຊື່ອຖື ຫຼື ບໍ່.
(ອ້າງອີງ: https://www.youtube.com/watch?v=FxyKHp47EnQ&t=14s ເຮັດໂດຍ Oregon Association of School Libraries )
ແຫຼ່ງຂໍ້ມູນ
ແຫຼ່ງຂໍ້ມູນ
ແຫຼ່ງຂໍ້ມູນລຸ່ມນີ້ ອາດເປັນປະໂຫຍດແກ່ທ່ານ ເພື່ອເກັບກຳຂໍ້ມູນທີ່ມີຄຸນະພາບ, ໃໝ່ ແລະ ກ່ຽວພັນກັບວຽກງານຜະດຸງຄັນ.
ທ່ານ ສາມາດເຂົ້ານຳໃຊ້ເອກະສານສື່ສິ່ງພິມ (ພາສາ ລາວ, ໄທ ແລະ ອັງກິດ) ແລະ ປຶ້ມແບບຮຽນ (ພາສາ ລາວ) ກ່ຽວກັບ ວຽກຜະດຸງຄັນ. ກົດບ່ອນນີ້.
ຖານຂໍ້ມູນທາງດ້ານວິຊາການທີ່ເປີດກວ້າງສຳລັບການເຂົ້າເຖິງ ຊ່ວຍໃຫ້ທ່ານ ນຳໃຊ້ເອກະສານ ໂດຍບໍ່ເສຍຄ່າ. ເວັບໄຊສ໌ນີ້ ແນະນຳຖານຂໍ້ມູນທີ່ເປີດກວ້າງສຳລັບການເຂົ້າເຖິງ ຢ່າງກວ້າງຂວາງ (ພາສາ ອັງກິດ ແລະ ໄທ). ກົດບ່ອນນີ້.
ເຄື່ອງມືຊ່ວຍດ້ານພາສາ
ເຄື່ອງມືຊ່ວຍດ້ານພາສາ
ໃນເວລາທີ່ ທ່ານ ຮູ້ສຶກມີຄວາມຫຍູ້ງຍາກ ໃນການອ່ານຂໍ້ມູນເປັນພາສາຕ່າງປະເທດ, ແອັບແປພາສາ(Translation Apps) ອາດຊ່ວຍທ່ານໄດ້.
Google Translate ແມ່ນແອັບ ຫລື ໂປແກຼມ ແປພາສາ ທີ່ ທ່ານ ສາມາດນຳໃຊ້ ຢູ່ຄອມພິວເຕີ້ຕັ້ງໂຕະ, ແທັບເລັດ ແລະ ໂທລະສັບທັນສະໄໝ.
- ສຳລັບ ຄອມພິວເຕີ້ຕັ້ງໂຕະ (PC) - ໂດຍການຕິດຕັ້ງ Google Translate extension, ໃນເວລາທີ່ທ່ານທ່ອງເວັບໄຊສ໌, ທ່ານສາມາດແປທັງໝົດໜ້າ ຫຼື ກົດດ້ານຂວາໃສ່ຂໍ້ຄວາມເພຶື່ອແປ.
- ແທັບເລັດ ຫຼື ໂທລະສັບທັນສະໄໝ - Google Translate App ຊ່ວຍໃຫ້ສາມາດ ກົດເພື່ອແປ. ກອບປີ້ຂໍ້ຄວາມຈາກແອັບຕ່າງໆ ແລະ ຈາກນັ້ນຕົວຊ່ວຍແປພາສາຂອງເຈົ້າ ຈະເຕັ້ນຂຶ້ນມາ.
Google Sites
Report abuse