Wüñol tripantu
Famngen mew itrofill mongen ka mapu wengeketuy, wüño newentukey, femngechi felekey ta itrofill mongen wüño‑wüñoleketuy. Mapuche ka kimniekey famngen mew ñi müleal ti zoy alüwtuchi pun, Ngaw poñü zoy wilüfkelu tati, feymu pu mapuche ngünezuamkeyiñ azkintuleken mew ta kallfü wenu ka itrofill mongen fey elkunuy tüfachi antü, ñi we tripantu. Pewmangen küme we tripantu ngepe may!
En ésta época, la naturaleza y la tierra se renuevan, así es la naturaleza siempre está volviendo a su ciclo. Los Mapuche también conocían que en este tiempo se produce la noche más larga, ya que las Pléyades brillan con mas intensidad, por eso observando el cielo y la naturaleza también se fijo este día como el nuevo ciclo. Esperamos que sea un buen nuevo ciclo.
Ngaw poñü
----
Kuyfi mew pu Mapuche niekelafuiñ ta rakiantükawe kam kalendario, welu azkintukefiiñ ta kallfü wenu, fey femngechi kimkefuiñ ñi püllepan ta Wüñol Tripantu. Wangülen mew ta kimkeiñ, fey Ngaw zoy wilüfkey püllepan ta Wüñol tripantu. Ka küyen mew ta rakiniekeyiñ tunten amulen ta antü.
Antiguamente los Mapuche no teníamos calendarios, pero miránbamos el cielo y de esta forma sabíamos que se acercaba el Retorno del Ciclo. Mediante los astros se sabí aesto, porque las Ngaw Poñü o Pléyades (llamas las siete cabrillas también) brillan con más intensidad, cuando se acerca el Retorno del Ciclo. La luna también servía para contabilizar el tiempo.
Lewfü mew muñetukeiñ!
----
Wüñol Tripantu mew, pu Mapuche puliwentu müñetumekey lewfü mew, newentuam weke newen mew.
En el cambio de ciclo, los Mapuche vamos al río o estero al amanecer a bañarnos para fortalecernos con nuevas energías.
Epe wün ngellipun
----
Zew rupachi pun, epe wün pu mapuche llellipupakey, fey mañumayam ka ngillatuam kom fillem mew, ka mapu ka che ñi newentuam.
Pasada la noche, y antes del amanecer los mapuche realizan su oración para agradecer y pedir por las distintas cosas, también para que se fortalezca la tierra y las personas.
Wallpa kütral
----
Mapuche reñma trawülekey, wallpa kütral mew ta ngütramkalekeyiñ, zewmakangekey yiwíñ kofke mate engu ta ingekey, fillke ngütram ta tukulpangekey, ka ayekalekeyiñ, ayiwkülen mew tati, akulu wüñol tripantu.
La familia mapuche se reúne entorno al fogón, conversando y preparando pan freído en grasa, acompañándolo con mate, distintas conversación se trae al recuerdo y se ríe ya que es un momento de alegría con la llegada del nuevo ciclo.
Üngümküleyem we tripantu, pu püchikeche püñeñkantukey ka kulliñkantukey mülewechi masan mew.
Esperando el cambio de ciclo, los niños y niñas juegan a hacer figuras de personitas y animales con la masa sobrante.
Alka trekan mew
----
Famngen mew pu Mapuche pepikal-lekeyngün fey üngümnefiel mew ta Wüñol Tripantu. Zew akukelu ta We Tripantu, fey ti antü alhütuwkey. Kiñe trekan alka ta amulekey. En esta época los Mapuche se preparaban para esperar el Nuevo Ciclo.
Una vez que llega el Nuevo Ciclo, los día comienzan a alargarse, se dice que avanza a un paso del gallo.
San Kuan kam We tripantu? 21 kam 24 antü Kunio küyen mew?
Mapuche feyentun mew ka ñi azümnielchi küyen mew, fey mew feyti chi zoy alhütuwchi punh mew ta We tripantu kam Wüzam Tripantu pikefuyem taiñ pu kuyfikecheyem. Welu fantepu mew San Kuan piletuiñ, welu tüfachi kawiñ Mapuche nu tati, pu wingka pu katóliko ñi küpalchi zungu, fey zeyülkünufingün Mapuche zungu engu, fey ka kizuengün ñi antü mew ta trawülkünufingün 23 antü kunio küyen mew feyti chi antü mew fey choyülu ta Kuan Bautista fey fawtizafilu ta Kesus. Mapuche ñi We tripantu 21 antü kunio küyen mew fel, femngechi azkünufali tüfachi wingka kalendario mew, fey rupachi mew ti zoy alhütuwchi pun ti antü kiñe treka alka wüñoleketulu tati, welu kiñeke lof 21, 22, , 23 ka 24 antü mew ta niekeyngün ñi We Tripantu, feyngün ñi femngechoi azkünufielengün, welu fantepu mew kümeafuy ta We Tripantu, Wüñol tripantu, Wüzam Tripantu taiñ feypial may, kümeafuy famnetuafel feyti chi San Juan.
¿Es San Juan o We tripantu? ¿Es el 21 o el 24 de junio?
En la creencia Mapuche y de cómo entendían los meses, la noche más larga nuestros antepasado la llamaron Nuevo Ciclo o División del Ciclo. Pero en la actualidad algunos dicen dicen San Juan, siendo que esta fiesta no es propia del Mapuche, sino de los españoles o los católicos que trajeron esta fiesta, y que luego la mezclaron con la Mapuche. Inclusive, la fiesta original de ellos, llamada San Juan, la mezclaron con el 23 de junio ya que ese día nació Juan el Bautista, el que bautizó a Jesús. El Nuevo Ciclo Mapuche debería ser el 21 de junio con el actual calendario, donde pasada la noche más larga se considera que los días comienzan a alargarse a un paso del gallo, pero en algunos lof se realiza el We Tripantu el 21, 22, 23 o 24 ya que es como ellos los han determinado, pero en la actualidad deberíamos comenzar a decir We Tripantu, Wüñol tripantu, Wüzam Tripantu y comenzar a dejar de lado “San Juan”.
Entuaymi feytachi
chillka kolotuam
chillka kolotuam
Descarga un libro para colorear con motivos de Wüñol Tripantu