Sa dami ng iba’t ibang trabaho ngayon, madalas na hindi binibigyang-pansin ang mga nagsasagawa ng ating mga simpleng gawain. Ang mga gawaing-bahay tulad ng pagluluto, paglalaba, paglilinis ay bahagi ng ating araw-araw na pamumuhay, ngunit masyado itong nababalewala at minamaliit. Kaya, maraming kasambahay sa ating bansa ay hindi iginagalang ng may respeto at kadalasang itinuturing bilang mababang tao.

Narito ay ang aming pananaliksik tungkol sa isyung ito.

Pananaliksik - OUR RESEARCH -

Sino ang mga Kasambahay?

"Domestic worker or “Kasambahay” refers to any person engaged in domestic work within an employment relationship such as, but not limited to, the following: general househelp, nursemaid or “yaya”, cook, gardener, or laundry person, but shall exclude any person who performs domestic work only occasionally or sporadically and not on an occupational basis."

BATAS KASAMBAHAY (RA10361)

Ito ay nasa ilalim ng sektor ng paglilingkod na nakatutok sa serbisyo sa bahay. Kadalasan ang kanilang pinagtatrabahuan ay isang pribadong pagmamay-ari ng ibang tao o pamilya. Ang mga domsetic worker sa Pilipinas ay karaniwang tinatawag na mga ”Kasambahay” dahil ang karaniwang ginagawa ng mga domestic worker ay ang pagluluto, paglalaba, paglilinis, pag-aalaga ng ibang tao, at iba pang gawaing-bahay at pamilya.

Sitwasyon sa Pilipinas

Isa sa mga pinakamalaking distributors o pagmumulan ng mga kasambahay at domestic workers ay ang Pilipinas.

Marami rin mga kasambahay na Pilipino ay nagtratrabaho bilang isang OFW sa ibang bansa. Sinusuportahan din ng pamahalaan ang migrasyon o pagiging OFW ng mga kasambahay dahil nakakatulong ito sa ekonomiya ng bansa. Ngunit, sa kabila nito, ang mga kasambahay o domestic worker ng Pilipinas, OFW o hindi, ay isa sa mga trabahong may pinakamababang suweldo at kadalasang nakakaranas ng mga kaso ng pang-aabuso.

Ayon sa isang survey ng DOLE, ang average salary ng mga domestic workers na nakatira sa Pilipinas ay P4,141, ito ay maaaring magbago depende sa minumum wage ng iba't ibang rehiyon sa Pilipinas. Mula pa noon, isa sila sa mga manggagawa na may pinakamababang suweldo sa bansa. Bagama't ang pangangailangan ng pagkain at tirahan ay karaniwang sakop ng kanilang employer o amo, maraming mga kasambahay ang pinagsasamantalahan at hindi pinoprotektahan ng mga benepisyong panseguridad.

Exploitation / Pagsasamantala sa mga Kasambahay

Ang isyung ito ay binigyang-diin sa dami ng kaso ng pang-aabuso na kumalat sa bansa at iba pang mga social media na plataporma. Pinakita ng isang survey na isinagawa sa Hongkong (J.T.K. Cheung, 2019) na maraming mga kasambahay ang nakakaranas ng pisikal o mental na pang-aabuso, kabilang dito ang depresyon, kawalan ng sahod, at mahabang oras ng trabaho. Sa mga sumagot sa survey, 20.5% ang nakaranas ng physical abuse at 34.4% ang nakaranas ng mental abuse. Marami sa mga biktima ay kinabibilangan ng mga babae at bata pa lamang.

Hindi lang ito makikita lamang sa Hongkong, sapagka’t, mayroong din mga kaso sa mga bansa ng Middle East at sa Pilipinas. Sa mga pinakita ng International Labor Organization, 33% ng mga kasambahay ay nagtratrabaho ng 9-10 na oras, at 20% ay may trabaho ng 11 o higit pang oras sa bawat araw. Dagdag din ito sa mga amo na hindi nagbibigay ng day-off o araw para sa pahinga. Kasabay ng mababang sahod ng mga kasambahay, marami ay nakakaranas ng mga malupit na kondisyon sa pagtatrabaho na kailangan. Kahit na ang kanilang trabaho ay binubuo ng mga simpleng gawain tulad ng mga gawaing bahay, ang pagkakaroon ng mahabang oras ng trabaho ay maaaring makaapekto sa kanilang pisikal at mental na kalusugan.

Solusyon ng Pamahalaan

Sa mga suliraning ito, noong taong 2013, pinatupad ng pamahalaan ang Republic Act No. 10361 na may layunin protektahan ang kapakanan ng mga kasambahay, tinatawag din itong “Batas Kasambahay”. Kabilang sa iba’t ibang patakaran na pinatupad ng Batas Kasambahay ay ang pagkakaroon ng mga rest hours at rest days, social security benefits, at karapatan sa isang ligtas na trabaho malaya sa anumang uri ng pang-aabuso.

Ngunit, ayon rin sa pinakitang survey ng DOLE, ang mga resulta nito ay nagpapakita na ang pagpapatupad ng batas na ito ay hindi isang tagumpay. Maraming din patakaran sa ilalim ng batas ay hindi sinisundan ng mga employer. Sa taong 2020, pitong taon pagkatapos ng pag-papatupad ng Batas Kasambahay, 83% ng mga domestic workers sa Pilipinas ay hindi pa nakarehistro sa anumang social security benefits tulad ng SSS o Philhealth, at 36% ay nagtratrabaho ng 7 araw kada linggo, na walang araw para sa pahinga. Panghuli, 41% lamang ng mga domestic worker ang nakakaalam sa Batas Kasambahay, pinapakita nito ang kanilang mababang kamalayan tungkol sa kanilang mga kasalukuyang karapatan at pribilehiyo.

Panahon ng Covid 19

Sa panahon ng pandemya ng COVID-19, mas lalong naging mahirap ang sitwasyon para sa mga kasambahay. Ang pandemya ay nagresulta ng maraming pagbabago sa ating ekonomiya, kung saan maraming pamilya ang nawalan ng trabaho at nahihirapan sa pagbabalanse ng kanilang pera o salapi. Dahil dito, maraming pamilya ang kinailangang tanggalin ang kanilang mga kasambahay at katulong sa bahay na nag-iwan ng maraming walang trabaho at walang pinagkukunan ng kita. Higit pa rito, sa maraming mga domestic workers na nanatiling nagtatrabaho sa kanilang amo, marami sa kanila ay nadagdagan ng mga tungkulin, at karagdagang mga responsibilidad tulad ng pag-aaral ng mga bata, at pag-aalaga sa mga matatandang miyembro ng pamilya. Nahirapan din kumuha ng access ang mga kasambahay sa kanilang mga serbisyo at suporta kung saan sila ay karaniwang umaasa. At higit sa lahat, dahil sa dating pinatupad na travel restrictions, marami ang hindi nakabalik sa kanilang mga dating na tahanan at pamilya. Ito ay mas lalong marahas sa mga OFW at mga taong natanggal sa trabaho kung saan marami sa kanila ay naiwan.

Ang Mga Maaring Solusyon

Upang malusunan ang mga problemang ito, maraming tao ngayon ang kumikilos sa iba't ibang paraan. Marami ay nagsisimula sa pamamagitan ng pagpapalakas ng edukasyon at kamalayan ng mga domestic worker tungkol sa kanilang mga karapatan at benepisyo sa trabaho. Magagawa ito sa pamamagitan ng pagpapakalat ng impormasyon sa mga kasambahay sa pamamagitan ng mga plataporma sa social media. Ngayong parami nang parami ang gumagamit ng internet, ang pagsasagawa ng mga information campaign ay isang simple at epektibong paraan ng pagpapalaganap ng impormasyon.

Sa kasalukuyan, maraming organisasyon at grupo sa Pilipinas ang nag-aalok ng mga serbisyo sa edukasyon sa mga kasambahay tungkol sa kanilang mga karapatan at pribelehiyo sa trabaho. Kailangan ding pagtuunan ng pansin ang mga isyu hinggil sa sahod at oras ng pagtatrabaho ng mga kasambahay. Makakatulong ang pagtutupad ng mga batas at regulasyon sa paggawa upang maprotektahan ang mga kasambahay laban sa hindi magandang kondisyon sa pagtatrabaho. Ang mamamayan ay may kakayahan na gamitin ang kanilang boses upang maimpluwensya ang mga desisyon at pamantayan ng pamahalaan.

REFERENCES / SANGGUNIAN

Page updated

Google Sites

Report abuse