Жусупова Даанагул Ымамидиновна доцент

           Жусупова Даанагүл Ымамидиновна 1969-жылы 17-апрелде Ош областынын Ноокат районуна караштуу Кыргыз-Ата айылында педагогдун үй-бүлөсүндө төрөлгөн.

Билими:

1.1986-1991-жылдары Бишкек шаарындагы В.В.Маяковский атындагы кыргыз кыз-келиндер педагогикалык институтунун «Чет тилдери» факультетин ийгиликтүү бүтүргөн жана «Англис жана немис тилдери окутуучусу» квалификациясын алып, жогорку билимге

ээ болгон. Диплом УВ-I № 162909

2. 2018-жылы Ош мамлекеттик университетинин “Педагогика (башталгыч билимберүү)” багыты боюнча бакалавр даражасына ээ болгон. Диплом № ШБ 180236056

3.  2022-жылы Б.Сыдыков атындагы Кыргыз-Өзбек Эл аралык университетинин магистратура бөлүмүнүн “Педагогика” багытын аяктап, магистр даражасына ээ болгон. Диплом № УМ 230199215 (Артыкчылыгы менен)

Эмгек жолу:

1991-1996-жж. Ноокат районундагы «Кашкалдак»  орто мектебинде англис тили окутуучусу болуп эмгектенүүдөн баштаган. Талыкпаган эмгектин натыйжасында 1995-жылы Биринчи категориядагы  окутуучулукка педагогикалык кеңештин чечими менен сунушталган.

1996-1998-жж. Англис тили жана математика сабактары боюнча тереңдетилип окутулуучу Борко лицейинде чыгармачылык менен үзүрлүү иштеп, жогорку категориядагы окутуучулукка жетишкен.

         1998-2000-жж. Кыргыз-Өзбек университетинин «Чет тили» кафедрасынын англис тили окутуучусу  жана усулдук кеңештин башчысы;

2000-2005-жж. «Чет тили» кафедрасынын ага окутуучусу;

2001-2003-жж. «Чет тили» кафедрасынын улук окутуучусу жана кафедра  башчысынын орун басары;

2003-2009-жж. «Чет тили» кафедрасынын башчысы жана 2006-жылдан кафедранын доценти; 2007-жылы  Кыргыз Республикасынын Билим Берүүсүнүн отличниги;

2009-2012-жж. «Герман филологиясы жана чет тили» кафедрасынын доценти;

2012-2017-жж. Кыргыз-Өзбек университетинин Социалдык колледжинин «Педагогикалык сабактар» бирикмесинин  башчысы болуп эмгектенген.

2017-2018-окуу жылынан тарта  «Тил сабактары» бирикмесинин окутуучусу.

2018-2022-жж. Кыргыз-Өзбек университетинин Тарых филология фак. , Чет тилдери кафедрасынын  кафедра башчысы, доцент

2022-2024-жж. Б.Сыдыков атындагы КӨЭА университетинин Тарых филология фак. англис филилогиясы кафедрасынын доценти кызматында эмгектенди.

2024-2025-окуу жылынан тартып Б.Сыдыков атындагы КӨЭА университетинин Гуманитаодык педагогикалык факультетинин “Мектепке чейинки жана башталгыч билим берүүнүн усулу” кафедрасынын доценти кызматын аркалап келүүдө.

Илимий наамы:

Кыргыз Республикасынын Жогорку аттестациялык коммиссиясынын чечими менен (протокол № 6дц-2/24) 2012-жылдын 28-июнунда «Тил илими» адистиги боюнча ДОЦЕНТ окумуштуулук наамы берилген;

Сыйлыктары:

1. 2007-жылы КРнын билим берүү министрлиги тарабынан КРнын билим берүү мыктысы;

2.     2015-жылы үзүрлүү эмгеги  үчүн Кыргыз-Өзбек университетинин алкышы берилген;

3.     2016-жылы Кыргызстандын Аялдар кеңеши тарабынан Ала-Тоо айымдары

төш белгиси берилген.

4.     2019-жылы РФтин“European scientific and industrial consortium-Socrates” уюмунун сунушу менен мыкты илимий эмгектери үчүн Сократ төш белгиси

менен сыйланган.

5.     2020-жылы жаштарга берген татыктуу тарбиясы жана жигердүү эмгеги  үчүн Б.Сыдыков атындагы Кыргыз-Өзбек Эл аралык университетинин Ардак грамотасы менен сыйланган;

6.     2021-жылы КРдин Ош облусу билим, илим кызматкерлеринин профсоюзунун областык комитетинин сунушу менен Ардак грамота ыйгарылган.

7.     2024-жылы КРдин билим жана илим кызматкерлеринин  кесиптик бирлигинин борбордук комитети тарабынан КРдин билим жана илим кызматкерлеринин  кесиптик бирлигинин мыктысы төш белгиси менен сыйланган.

 Квалификациясын жогорулатуу:

         Билимин өркүндөтүү, жаңы ыкмаларды окутуу курстары боюнча бир нече көп кырдуу сертификаттардын  ээси.

         Балдарды коргоо уюмунда 2016-жылдан2021-жж. «Мектепке чейинки билим берүү уюмдарынын педагогдорунун усулдук окутуусу» аттуу курсунун  эл аралык тренери.

2018-2019-жж. «Балдардын эрте жаштагы өсүп-өнүгүүсү (БЭЖӨӨ) жана тынчтык куруучулук (ТК) » тренинг семинарынын тренери жана 1-улуттук форумдун катышуучусу (ЮНИСЕФ).

Басылмалардан чыккан илимий эмгектери:

Көп жылдык илимий-педагогикалык ишмердүүлүгүнүн натыйжасында КРдеги өзбек тилдүү мектептеринин 2,3,4,5,6-класстары үчүн «Англис тили» окуу китептерин авторлоштору менен жазган. Ошондой эле 8 окуу-усулдук колдонмолору, окуу-усулдук комплекси, 45 тен ашуун илимий макалалары, илимий эмгектери жарыкка чыккан.