Poetry - شاعری

خود سے شناسائی کی، تھی کبھی آرزو یا جستجو ؟

نہ کوئی تجھ کو سمجھ پایا، تو کیوں حیراں ہے تو ؟  

وہ سوزِ جاں  ہے کہاں ، زر کو جو کندن کرے 

طلبِ تحسینِ عالم میں ، اب کیوں پریشاں ہے تو ؟

پوشیدہ ہے عالمِ دروں ،  دیدہ کش عالمِ بیروں 

انگنت اس دنیا میں گم، پھرکیوں پشیماں ہے تو ؟

تحولِ نفس ہے مقصد ، تغی٘رِ غیر سے کیا حاصل 

باغبانِ جاں بنا جہاں گیر، یہ کیوں امتحاں ہے تو ؟

مٹا دے طلبِ تسکینِ غیر ، سوزِ جاں ہی کافی ہے

نہ فکرِعالم، نہ شوقِ پہچاں، اب خود جہاں ہے تو !

وہ یاد ہے کہ بس اک خواب ہے ؟

کوئی گواہ سوا اس فراموش کار کے ؟

کیا کبھی ہم بھی زندہ تھے ؟

جو عزم تھے وہ مدتوں سے پنہان

یہ دل منتظر ہے کسی احساس کا

کون کہہ سکے ہم زندہ تھے !

اب تو حسرتیں بھی راہ بھٹک گئیں

میری روح کہے مجھے نہ آزما

نہیں ، ہم نہ زندہ تھے

چھوٹا سا بِلّا، سنبھالے بہن کو ، میرے پاس آیا

پہلے وہ گھر میں، پھر میرے من میں، کیسے سمایا !

ناراض وہ لگتا ، لیکن اصل میں ، دل کا وہ پیارا

پہلے تو ڈرتا ، مگر جلد ہی تھا ، گھر کا سیّارا

ملنسار وہ ایسا، کہ ملنے سبھی سے، بھاگا ہوا آتا

یا پھر مستی میں ، اپنی بہن کی ، گھات وہ لگاتا

نرم خو وہ اتنا، کبھی بھی کسی پر ، نہیں وہ غرّاتا

ہاں اگر ہم ، گھر سے جو جاتے ، وہ خفگی دکھاتا

سوتا یہاں بھی، سوتا وہاں بھی، جہاں بھی وہ چاہتا

جس سے بھی ملتا، اس کے دل میں، وہ جگہ بناتا

مہر دل، مہرباں، اپنی بہن سے ، یوں الفت دکھاتا

پہلے وہ پیار لے، پہلے وہ کھا لے، پھر پاس آتا

کیسے رہیں گے، بنا یار تیرے ، اب ہم سب اکیلے

مگر یہ دعا ہے، کہ تو جہاں ہے، خوشیوں سے کھیلے