তেওঁ দুখত আমাৰ সান্ত্বনা, নিৰাশাত আমাৰ আশা আৰু দুৰ্বলতাত আমাৰ শক্তি। তেওঁ প্ৰেম, দয়া, সহানুভূতি আৰু ক্ষমাৰ উৎস। যিয়ে মাতৃক হেৰুৱাই পেলায়, তেওঁ অবিৰাম আশীৰ্বাদ আৰু সুৰক্ষা প্ৰদান কৰা এক নিৰ্মল আত্মা হেৰুৱায়।

্ৰকৃতিৰ প্ৰতিটো বস্তুৱেই মাতৃৰ কথা কয়।  সূৰ্য্য হৈছে পৃথিৱীৰ মাতৃ আৰু তেওঁ ইয়াক উষ্ণতাৰ পুষ্টি প্ৰদান কৰে। সাগৰৰ গীত আৰু চৰাই আৰু নৈৰ গীতৰ উমত পৃথিৱীখনক শুৱাই নিদিয়ালৈকে তেওঁ ৰাতি কেতিয়াও বিশ্বব্ৰহ্মাণ্ড এৰি নাযায়। আৰু এই পৃথিৱীখন হৈছে গছ-গছনি আৰু ফুলৰ মাতৃ। তেওঁ ইহঁতক উৎপন্ন কৰে, পুষ্টি দিয়ে আৰু পোষণ প্ৰদান কৰে। গছ-গছনি আৰু ফুলবোৰ নিজৰ ফল আৰু বীজৰ দয়ালু মাতৃ হৈ পৰে।  আৰু সম্পূৰ্ণ জীৱজগতৰ মাতৃ হৈছে সৌন্দৰ্য্য আৰু প্ৰেমেৰে ভৰা সনাতন আত্মা।

[ খলিল জিব্ৰানৰ 'Broken Wings' ৰ পৰা উদ্ধৃত, ১৯১২ ]