Il-Brevjar
Il-Liturġija tas-Sigħat bil-Malti
Il-Liturġija tas-Sigħat bil-Malti (Brevjar), bl-għażla ta' diversi ċelebrazzjonijiet għal kuljum, hekk kif insibu fl-Ordni għaċ-Ċelebrazzjoni tal-Liturġija tas-Sigħat (Ordo).
Link għas-sit laikos.org jagħti l-qari tal-Quddiesa tal-jum.
Xi istituti reliġjużi jistgħu jagħżlu menus tagħhom mill-paġna Settings.
Storja tal-App
Tħajjart nibda naħdem fuq din l-App meta bdejt nara patrijiet anzjani jisfurzaw biex jaqraw il-Brevjar u jilmentaw għax isibuh tqil wisq biex iżommuh f'idejhom. Għamilt l-ewwel pass għall-ħabta tas-sena 2014 imma fil-fatt anqas bdejt. Il-Proġett tallum bdejtu fl-2016 bħala sussidju għalina l-Patrijiet Minuri għat-talba tal-Brevjar. Kelli nikseb diversi ħiliet li ma' kellix u nitlob l-għajnuna diversi drabi għax waħdi ma' kontx nasal.
Illum nista' ngħid li naf iktar kif inhi msawra din it-talba tal-Knisja u, nittama, nitlobha aħjar!
Inrodd ħajr lid-diversi voluntiera li matul is-snin għenuni f'parti jew oħra ta' dan il-proġett. Niżżi ħajr lil Alla li wasalt sal-punt li nista' noffri din l-App għall-pubbliku.
Sliem u Barka!
p. Walter Vassallo OFM
Gwida għall-Użu tal-App
Mistoqsijiet?
Jekk xi ħadd jixtieq jagħmel xi suġġerimenti jew għandu xi mistoqsijiet jista' jibgħatli email.