ئه‌و مه‌رجانه‌ی پێویسته‌ له‌ توێژینه‌وه‌كاندا هه‌بێت:

• پێویسته‌ توێژینەوەکە لە چوارچێوەی ناوونیشان و ته‌وه‌ره‌كانی کۆنفڕانس بێت.   

•  نابێت توێژینەوەکە پێشتر لە گۆڤاره‌ زانستییه‌كان یان له‌ کۆنفرانسەکاندا پێشکەش کرابێت یان بڵاوکرابێتەوە.

• نابێت ژماره‌ی لاپەڕەکانی توێژینه‌وه‌كه‌ لە (25) بیست و پێنج لاپەڕە زیاتر بێت، لەگه‌ڵ پابه‌ند بوون به‌ مه‌رجه‌كانی نووسینی توێژینه‌وه‌ی زانستی.

•  توێژینەوەکان بە هه‌ر سێ زمانی کوردی و عەرەبی و ئینگلیزی وه‌رده‌گیرێن.

•  پابه‌ند بوون به‌ میتۆدۆلۆژی توێژینەوەی زانستی.

•  پێویسته‌ توێژینه‌وه‌كان ناوی توێژینه‌وه‌كه‌، ناوی سیانی توێژه‌ر یان توێژه‌ران، نازناوی زانستی، شوێنی کارکردن، ژماره‌ی مۆبایل و ئیمێلی تێدا نوسرابێت.

 پوختەی توێژینەوە :

پێویسته‌ پوخته‌ی توێژینه‌وه‌كه‌ له‌ (100-150) ووشه‌ تێپه‌ڕ نه‌كات، كه‌ پوخته‌كه‌ ناوه‌ڕۆكی توێژینه‌وه‌كه‌ له‌خۆ بگرێت به‌ شێوه‌یه‌كی ئه‌وتۆ له‌ كاتی خوێندنه‌وه‌ی‌ پوخته‌‌ ڕه‌نگدانه‌وه‌ی هه‌بێت‌ له‌سه‌ر ناوه‌ڕۆكی توێژینه‌وه‌كه، و پێویسته‌ پوخته‌كه‌ نوێكاری زانستی سه‌رده‌مییانه‌ له‌خۆ بگرێت و (3-5) كلیله‌ توێژینه‌وه‌ی تیادا نوسرابێت.