لە ژێر چاودێری دکتۆر( ئارام محمد قادر ) وەزیری خوێندنی باڵا و توێژینەوەی زانستی لە هەرێمی کوردستان- عێراق، کۆلێژی یاسا و کۆلێژی کارگێری و دارایی لە زانکۆی نۆلج هەڵدەستن بە  بەستنی دووەمین کۆنفرانسی نێودەوڵەتی لە ژێر ناونیشانی(ئاسۆکانی نوێ بوونەوە و داهێنان) لە زانکۆی نۆلج له‌ پارێزگای هەولێر- هەرێمی کوردستان – عێراق لە رێکەوتی ٢٣ و ٢٤ / ٥ / ٢٠٢٣ و بانگهێشتی هەموو توێژەرانی تایبەتمەند لە بواری زانستە کارگێری و یاساییەکان دەکات بۆ پێشکەش کردنی به‌رهه‌مه‌ زانستیەکانیان لە پێناو پاڵپشتی کردنی زانست و توێژینەوە له‌ زانكۆكان.

سەرۆکی کۆنفرانس

پ.ی.د كيهان زرار غفور

سەرۆکی زانکۆی نۆلج

سەرپەرشتیارانی کۆنفڕانس:

پ.ی.د خالد عبدالحميد عبدالمجيد

کۆلێژی زانستە کارگێڕی و داراییەکان

پ.ی.د.شاری خالد نانەکەلی 

 کۆلێژی یاسا

د. شوان عمر خليل

ڕاگری کۆلێژی یاسا

د. كامران رقيب مفتي

ڕاگری کۆلێژی زانستە کارگێڕی و داراییەکان

 ئامانجه‌كانی كۆنگره: 

1- هەوڵە زانستی و توێژینەوەییه‌کان بخرێتە خزمەتی کۆمەڵگا. 

2- ئاڵوگۆڕی بۆچوون و بیرۆکە و ئامۆژگاری لە چوارچێوەی تەوه‌ره‌كانی کۆنفرانسدا. 

3- فراوانکردنی بواری بەشداریکردنی توێژینەوەیی بۆ سوود وەرگرتن لە شارەزایی زانستی (ناوخۆیی و نێودەوڵەتی).  

4- هاندانی ئەو مامۆستایانەی کە پسپۆڕ و توێژەرن و ئاواته‌خوازن بۆ بەشداریکردن بۆ سوودوەرگرتن لە کارامەیی و ئەزموونە  بەردەستەکان بە مەبەستی په‌ره‌پێدانی کارامەییان و زانیارییه‌ زانستییەکانیان.  

5- گونجاندنی شارەزایی زانستی (ناوخۆیی و نێودەوڵەتی) و گواستنەوەی بۆ واقیعێکی زیندو و بەرجەستە.  

6- چەسپاندنی فەلسەفەی داهێنەرانه‌ له‌ میانه‌ی دروستکردنی ژینگەیەکی زانستی كه‌ توانای نوێبوونەوە و داهێنانی هەبێت.

7- به‌هێزكردنی ڕۆڵی زانکۆکان لە خزمەتکردنی  کۆمەڵگادا.