У XIX стагоддзі пры царкве было адкрыта вясковае вучылішча.Па звестках архіва: “1863 год - Дзерачынкоўскае вясковае вучылішча пры прыхадской царкве. Вучняў — 20, з іх: мужчынскага полу — 20, жаночага — няма. Святар Аляксандр Пігулеўскі”. З першага верасня 1875 года пасаду кіраўніка Дзерачынкоўскага народнага вучылішча выконвае Соф’я Мікалаеўна Крэчэўская. У 1882 годзе колькасць вучняў народнага вучылішча налічвае 50 чалавек.У 1911 годзе кіраўнікамі Дзерачынкоўскага двухкласнага народнага вучылішча былі Мікалай Чобат і Міхаіл Кун. Захаваўся тыднёвы расклад заняткаў вучняў першага класа.

У пасляваенны час царква не дзейнічала. Вернікам патрэбна было ездзіць у Лунна. З 1997 г. праводзілася рэканструкцыя царквы.Сцены яе зроблены з чырвонай цэглы і часткова з каменя, атынкаваны. Званіца знаходзіцца ў самім будынку царквы і размяшчаецца над уваходам. Сёння Крыжаўзвіжанская царква пастаянна дзейнічае. У 2020 годзе праведзена знешняя рэканструкцыя царквы – адноўлены барабаны купалоў, а самі купалы сталі пазалочанымі.

У 2002 г. на сродкі вернікаў быў пабудаваны касцёл Божай Міласэрнасці з элементамі неаготыкі.