About Us
HKUST Hall
科大一共有 9 個 Undergraduate Hall，而只有 Hall I 至 Hall V 有學生會，我哋 House One 更加係當中歷史最悠久嘅，而今年就係 House One 嘅 29th Anniversary!每個 House 都有各自嘅主題顏色，我哋 House One 嘅代表顏色就係黑色!而我哋 House One 嘅吉祥物就係獨角獸同埋獅子!
Hall I 喺咁多個 Hall 之中最接近學術大樓，位置可以話係 UG Hall 之中最好，由 Hall I 10 樓出發，行去學術大樓都只係一條直路，十分方便，大家就算上朝早堂瞓遲咗都冇有怕啦!而且行去學術大樓係全程有瓦遮頭，就算落大雨住 Hall I 嘅大家都完全冇影響，唔使帶遮出入咁麻煩。同埋 Hall I 位置係 UG Hall 之中最高，望到最靚最大嘅海景，朝早仲可以睇到日出㗎!雖然 Hall I 係最早建成嘅，但係近年已經重新裝修咗，所以所有設 施、房間、走廊、Common Room 等等都非常新簇!
全線雙人房
Hall I係冇三人房㗎，全部都係闊落嘅雙人房！係屬於你同你roommate嘅房，一人一邊夠曬公平。仲唔洗上上落落碌架床咁麻煩！空間感十足，舒服又乾淨，絕對係休息嘅好地方！
最大common room
Common room係hall life最重要嘅元素！所以一個大嘅common room就啱曬你喇！日頭可以同班friend係度望住個海景chill吓打吓機，夜晚就係度打吓邊爐談吓心，絕對係大家培養感情嘅好地方！
Front Garden
House One有成百幾二百個members，梗係要個夠大嘅地方容納曬佢哋啦！House One大部分functions都會係呢度搞㗎，一落樓就可以參加活動，同啲members一齊玩，真係夠曬方便！仲有呀！好彩嘅話可以係呢度見到靚靚彩虹，好天嘅時候係度影相都好靚㗎！
宿一宵
逢星期一至五同埋星期日十點半至一點都會有Exco喺房間負責經營宿一宵，係呢段時間所有hall resident 肚餓都可以嚟買嘢食同埋吹吓水!
大海景
無論係房，common room，front garden定係九樓，你都可以欣賞到絕妙嘅海景。有時會有埋晚霞同朝霞，真係會睇到唔捨得走㗎