´"DE EVA A MARUXA"
O alumnado de 4º de ESO traballou nun proxecto colectivo organizado polo Consello da Muller Noca do Concello de Pontevedra en unha exposicion que visibiliza a mulleres artistas. Noso alumnado reinterpretou obras de artistas europeas.
A exposición preséntase a través de 24 paneis, 12 xogos interactivos que ofrecen un percorrido pola relación das mulleres coas distintas formas de expresión das artes plásticas (pintura, escultura, ilustración, muralismo, fotografía...), tanto desde a perspectiva de ser representadas como desde a de ser creadoras.
Inclúense artistas que, ao longo da historia, destacaron en diversos ámbitos —moitas delas descoñecidas para a maioría da sociedade—, ao tempo que se propón unha análise crítica sobre como foron representadas as mulleres na arte ao longo do tempo. Desta reflexión xorde o título da mostra: De Eva a Maruxa, que simboliza a evolución da muller como obxecto representado á muller como suxeito creador. Eva, a figura bíblica nacida da costela de Adán, foi a miúdo retratada como símbolo do pecado e da culpabilidade feminina, nunha visión misóxina imposta pola relixión e a cultura patriarcal, e reproducida na arte. En contraposición, Maruxa Mallo representa a muller artista, creadora libre, feminista e transgresora, que reivindica o seu espazo no mundo da creación.
