Njihuni me ekipin tonë👨‍🍳 

👨‍🍳 Shef i Kuzhinës

Me mbi 25 vite përvojë në gastronomi, Shefi i Kuzhinës Bashkim Breznica është shtylla kryesore e Gimi Restaurant. 

Përveç përgatitjes së picave, ai është përgjegjës për koordinimin e punës në kuzhinë, kontrollin e cilësisë së ushqimit dhe orientimin e ekipit. Këshillat, përvoja dhe mënyra e tij e punës janë një udhërrëfyes i përditshëm për të gjithë stafin e kuzhinës, duke ndikuar drejtpërdrejt në ruajtjen e cilësisë që karakterizon restorantin tonë. 

Për të, gatimi nuk është vetëm një profesion, por një pasion i ndërtuar ndër vite.

👨‍🍳Kuzhinier

Me një përvojë që fillon që nga mosha 15-vjeçare, Mergim Breznica ka ndërtuar një rrugëtim të gjatë në fushën e gastronomisë, duke punuar si kamarier dhe kuzhinier. Sot ai numëron rreth 15–18 vite përvojë praktike dhe është përgjegjës për menaxhimin e përditshëm të restorantit.

Ai kujdeset për organizimin e punës, mbarëvajtjen e shërbimit dhe mikpritjen e çdo mysafiri, duke u siguruar që çdo vizitë në Gimi Restaurant të shoqërohet me cilësi, profesionalizëm dhe atmosferë familjare.

👨‍🍳Specialiste e Kuzhinës Tradicionale 

Prej rreth 9 vitesh, Safete Breznica është përgjegjëse për përgatitjen e ushqimeve tradicionale në Gimi Restaurant. Me përkushtim dhe kujdes në çdo detaj, ajo përgatit specialitete si pasuli, gullashi, musaku dhe gatime të tjera tradicionale që vlerësohen nga mysafirët tanë.

Përvoja, dashuria për gatimin dhe respektimi i recetave tradicionale bëjnë që çdo pjatë të ruajë shijen autentike dhe cilësinë që karakterizon Gimi Restaurant. Përkushtimi i saj është një pjesë e rëndësishme e traditës familjare që vazhdojmë të ofrojmë çdo ditë.

👨‍🍳 Kuzhiniere

Prej tre vitesh, Besarta Bajrami është një pjesë e rëndësishme e ekipit të Gimi Restaurant. Ajo luan një rol të rëndësishëm në përgatitjen e kuzhinës dhe në shërbimin e ushqimit për mysafirët tanë, duke u kujdesur që çdo pjatë të prezantohet me cilësi dhe përkushtim. 

Me energjinë pozitive, buzëqeshjen dhe përkushtimin e saj, Besarta kontribuon çdo ditë në mbarëvajtjen e punës dhe në krijimin e një përvoje të këndshme për çdo mysafir që na viziton.

👨‍🍳Shankist 

Albert Bytyqi është pjesë e ekipit prej 6 vitesh. Ai është përgjegjës për përgatitjen e kafesë dhe pijeve, kujdesin për rregullin dhe menagjimin e sallës të restorantit, si dhe për ofrimin e një shërbimi cilësor për mysafirët. Sipas nevojës, ai angazhohet edhe në shërbimin e ushqimit, duke kontribuar në mbarëvajtjen e punës së përditshme.

Mirësjellja, komunikimi i afërt dhe mikpritja e ngrohtë e veçojnë Albertin, duke bërë që çdo mysafir të ndihet i mirëpritur dhe i vlerësuar gjatë çdo vizite në Gimi Restaurant.