Azərbaycan Respublikası Elm və Təhsil Nazirliyinin Geologiya və Geofizika İnstitutunun Gənc Alim və Mütəxəssislər Şurasının təşkilatçılığı ilə "AMEA-nın 80 illik yubileyi"nə  həsr olunan geoloq və geofizik tələbələr üçün “Geologiyada və Geofizikada fənlərarası tədqiqatlar - elmin gələcəyidir” adlı IV Ümumrespublika olimpiadası ali ixtisas təhsil müəssisələrinin III-IV kurs tələbələrinin, eləcə də I-II kurs magistrantların bilik səviyyələrini qiymətləndirmək, həmçinin gələcək peşəkar fəaliyyətlərində elmə üstünlük vermələrini stimullaşdırmaq məqsədilə təşkil olunur.

Geologiya və Geofizika İnstitutunda fəaliyyət göstərən Gənc Alim və Mütəxəssislər Şurası tələbələr üçün III olimpiada 2023-cü ildə təşkil edilmişdir. Ümummilli Lider Heydər Əliyevin anadan olmasının 100 illiyinə həsr olunan “Geologiyada və Geofizikada fənlərarası tədqiqatlar - elmin gələcəyidir” adlı olimpiada bakalavr və magistrlər arasında keçirilmişdir. Tələbələrin Yer elmlərinə həvəsini artırmaq, onların potensialını və istedadını inkişaf etdirmək, elm ilə təhsilin vəhdətindən faydalanmaq məqsədilə ərsəyə gətirilən olimpiadada 30-dən çox tələbə iştirak etmişdir. Qalib tələbələrə mükafat və diplomlar təqdim olunmuşdur.