Embedded Files
- ئەگەر خۆر هێندەی دەرگایەکی ئاسایی درێژبێت ، ئەوا هەسارەی ئۆرانۆس هێندەی تۆپێکی تێنسی سەر زەوی دەبێت.
- ئۆرانۆس حەوتەم نزیکترین هەسارەیە لە ئەستێرەی خۆرەوە و نزیکەی 2.9 ملیار کیلۆمەتر لە خۆرەوە دوورە ئەم دووریەیش نزیکەی 19 ئەوەندەی دووری زەویە لە ئەستێرەی خۆرەوە.
- ئۆرانۆس یەک خولانەوە بەدەوری خۆیدا بە نزیکەی 17 کاتژمێر تەواودەکات و بۆ تەواوکردنی یەک سوڕانەوە بەدەوری خۆردا پێویستی بە 84 ساڵی هەسارەی زەوی هەیە.
- ئۆرانۆس هەسارەیەکی گازییە و چینی توێکڵی نییە، یەکێکە لە چوار هەسارە گازییەکەی کۆمەڵەی خۆر (موشتەری – زوحەل – ئۆرانۆس - نیپتۆن) ، چینی ناوەندی ئەم هەسارەیە لە ماددەی بەستووی وەک ئاو و میسان و ئامۆنیا پێکهاتووە و ئەم ماددانە زیاتر 80% بارستایی هەسارەکەیان پێکهێناوە.
- بەرگەهەوا چڕەکەی ئۆرانۆس بە زۆری لە گازی هایدرۆجین و هیلیۆم پێکهاتووە.
- ئۆرانۆس خاوەنی 27 مانگە و هەردوو مانگی ئۆبریۆن و تیتانیا گەورەترین مانگی هەسارەکەن کە هەردووکیان لە ساڵی 1787ی زاینی لەلایەن ویلیام هێرشڵەوە دۆزرانەوە.
- هەسارەی ئۆرانۆس خاوەنی سیستەمێکی هەڵقەی لاوازە کە هەڵقەکانی نزیک هەسارەکە ڕەنگیان تاریکە و هەڵقەکانی دوور لە هەسارەکەیش ڕەنگیان ڕووناکە.
- کەشتی ئاسمانی ڤۆیەجەر 2 تاکە کەشتی ئاسمانییە کە سەردانی ئەم هەسارەیەی کردووە .
- بە هیچ جۆرێک هەسارەی ئۆرانۆس بۆ ژیان گونجاو نییە و ناتوانێت باردۆخی گونجاو بۆ ژیان دابینبکات.
- بەهەمان شێوەی هەسارەی زوحەل ئەم هەسارەیەیش شێوەی خولانەوەکەی لە خۆرهەڵاتەوە بۆ خۆرئاوایە و بە پێچەوانەی هەموو هەسارەکانی تریشەوە ئۆرانۆس بەشێوەیەکی ئاسۆی بەدەوری خۆیدا دەخولێتەوە .
Google Sites
Report abuse