کڵاودیۆس بەتڵیمۆس، ئەستێرەناسی یۆنانی، مۆدێلێکی بڵاوکردەوە کە تیایدا زەوی لە چەقی کۆمەڵەی خۆردا بوو و ئەستێرەی خۆر و هەموو تەنەکانی تر بەدەوریدا دەسوڕانەوە.

نیکۆڵاس کۆپەرنیکۆس، توانی مۆدێلێکی نوێ بڵاوبکاتەوە کە ئەستێرەی خۆر کەوتبووە چەقی کۆمەڵەی خۆرەوە. توانی دوای سەدان ساڵ مرۆڤ لە مۆدێلە هەڵەکەی کڵاودیۆس بەتڵیمۆس ڕزگاربکات.

بۆ یەکەمجار، گالیلۆ گالیلی و تۆماس هاریۆت توانیان لە ڕێگای تلیسکۆبەکانیانەوە پەڵە ڕەشەکانی سەر ئەستێرەی خۆر ببینن.

لەم ماوەیەدا پەڵە ڕەشەکانی سەر ڕووی خۆر کەمبوونەوە بۆ نزمترین ئاست و خۆر زۆر ناچالاک بوو، چاخێکی سەهۆڵینی بچووک سەرجەم جیهانی گرتەوە.

بۆ یەکەمجار لێکۆڵەرەوان دوای خۆرگیران لەو ساڵەدا ناوچەی کۆرۆنای خۆریان بینی.

بۆ یەکەمجار لە مێژوودا، ئاژانسی ناسا پرۆگرامی پایۆنیری ڕاگەیاند کە پێکهاتبوون لە چەند کەشتییەکی ئاسمانی کە لەو ساڵانەدا هەڵدرانە بۆشایی ئاسمان و لە خولگەی زەویەوە لە خۆریان دەکۆڵیەوە.

ئاژانسی ناسا بە هاوکاری حکومەتی ئەمەریکا و ئەڵمانیا، دوو کەشتی ئاسمانیان بەناوەکانی هێلیۆس 1 و هێلیۆس 2 ڕەوانەی نزیک خولگەی عەتارد کرد بەمەبەستی لێکۆڵینەوە لە ئەستێرەی خۆر و چینی کۆرۆنای ئەستێرەکە.

ئاژانسی ناسا کەشتیەکی ئاسمانی بەناوی (سۆلار ماکزیمەم میشن) ڕەوانەی بۆشایی ئاسمان کرد بۆ لێکۆڵینەوە لەو تیشکە جیاوازانەی کە لە ئەستێرەی خۆرەوە بە بۆشاییدا بڵاودەبنەوە.

ئاژانسی جاکسای یابانی کەشتیەکی ئاسمانی ڕەوانەی بۆشایی ئاسمان کرد بۆ لێکۆڵینەوە لە ئەستێرەی خۆر.

هەریەکە لە ئاژانسی ناسای ئەمەریکا و ئی ئێس ئەی ئەوروپا کەشتی ئاسمانی (SOHO)یان ڕەوانەی بۆشایی ئاسمانکرد بۆ لێکۆڵینەوە لە خۆر و بەرگەهەوا و تەقینەوەکانی. ئەم پڕۆگرامە زۆرترین زانیاری بە مرۆڤ گەیاندووە و هەرچەندە هەموو ئەرکی کەشتیەکە بۆ دوو ساڵ بوو بەڵام تا ئێستایش هەر کاردەکات.

کەشتیەکی ئاسمانی ئاژانسی ناسا بەناوی جێنێسیس لە ئەستێرەی خۆر نزیکبووەوە و چەند نموونەیەکی لە باکانی خۆر کۆکردەوە و لە ساڵی 2004 نموونەکانی گەیاندەوە بە زەوی.

ئاژانسی ناسا پرۆگرامی ستریۆی جێبەجێکرد کە پێکهاتبوو لە دوو کەشتی ئاسمانی کە لەخولگەی زەویەوە لە ئەستێرەی خۆری دەکۆڵیەوە و بەهۆی ئەم گەشتەوە بۆ یەکەمجار مرۆڤ دەیتوانی ڕاستەوخۆ تەماشای هەموو سەر رووی ئەستێرەی خۆر بکات.