Embedded Files
- ئەگەر خۆر هێندەی دەرگایەکی ئاسایی درێژبێت ، ئەوا هەسارەی نیپتۆن هێندەی تۆپێکی تێنسی سەر زەوی دەبێت.
- نیپتۆن هەشتەم نزیکترین هەسارەیە لە ئەستێرەی خۆرەوە و نزیکەی 4.5 ملیار کیلۆمەتر لە خۆرەوە دوورە ئەم دووریەیش نزیکەی 30 هێندەی دووری زەویە لە ئەستێرەی خۆرەوە.
- نیپتۆن یەک خولانەوە بەدەوری خۆیدا بە نزیکەی 16 کاتژمێر تەواودەکات و بۆ تەواوکردنی یەک سوڕانەوە بەدەوری خۆردا پێویستی بە 165 ساڵی هەسارەی زەوی هەیە .
- نیپتۆن هەسارەیەکی گازییە و چینی توێکڵی نییە ، یەکێکە لە چوار هەسارە گازییەکەی کۆمەڵەی خۆر (موشتەری - زوحەل - ئۆرانۆس - نیپتۆن)، چینی ناوەندی ئەم هەسارەیە لە تێکەڵەیەکی گەرم و چڕی ماددەکانی وەک ئاو و میسان و ئامۆنیا پێکهاتووە.
- بەرگەهەوا چڕەکەی نیپتۆن بە زۆری لە گازی هایدرۆجین و هیلیۆم و پێکهاتووە.
- نیپتۆن خاوەنی 13 مانگە و مانگی تریتۆن گەورەترین مانگی ئەم هەسارەیەیە و هەموو ڕووەکەی بە سەهۆڵ داپۆشراوە و لە ڕووی جیۆلۆجیشەوە مانگێکی چالاکە.
- شەش هەڵقەی تەنک و تاریک دەوری هەسارەی نیپتۆنی داوە.
- کەشتی ئاسمانی ڤۆیەجەر 2 تاکە کەشتی ئاسمانییە کە سەردانی ئەم هەسارەیەی کردووە .
- بە هیچ جۆرێک هەسارەی نیپتۆن بۆ ژیان گونجاو نییە و ناتوانێت باردۆخی گونجاو بۆ ژیان دابینبکات.
- لە دوای ئەوەی کۆمەڵەی گەردوونناسانی جیهان (IAU) پلۆتۆی خستە ڕیزی هەسارە بچووکەکانەوە ، ئەم هەسارەیە بوو بە هەشتەم و کۆتا هەسارەی کۆمەڵەی خۆر.
Google Sites
Report abuse