Galicia somos nós:

   A escola ten un papel fundamental na conservación e transmisión da cultura galega. Ademais de ensinar coñecementos, axuda o alumnado a comprender a súa identidade e a valorar o lugar no que vive. Por iso, é importante que os colexios promovan o coidado do patrimonio, o uso da lingua galega e o coñecemento das tradicións.

   O patrimonio histórico, artístico e natural forma parte da nosa historia e debe ser respectado e protexido. A escola pode contribuír a este obxectivo mediante actividades que acheguen o alumnado aos monumentos, ás paisaxes e aos costumes da súa contorna.

   A lingua galega é un dos principais sinais de identidade de Galicia. Fomentar o seu uso no ámbito educativo garante que as novas xeracións a coñezan, a empreguen con naturalidade e contribúan á súa continuidade.

   Do mesmo xeito, as tradicións populares, como a música, os bailes, as festas ou a gastronomía, permiten manter vivo un legado transmitido de xeración en xeración.

   Educar no respecto polo patrimonio, pola lingua e polas tradicións significa formar cidadáns máis conscientes das súas raíces e preparados para preservar este valioso legado no futuro.