Foreldrafélag Seljaskóla

Forráðamenn allra nemenda í Seljaskóla eru sjálfkrafa félagar í Foreldrafélagi Seljaskóla.  Foreldrafélagið er formlegur samstarfsvettvangur forráðamanna til að vinna saman að velferð nemenda, þar sem þeim gefst kostur á að ræða skólagöngu barna og hvaðeina sem snertir uppeldi og menntun. Félagið hefur unnið að ýmsum verkefnum með skólanum m.a. vor- og hausthátíðir. 

Netfang foreldrafélagsins er foreldrafelag.seljaskola@gmail.com

Foreldrafélagið heldur úti síðu á Facebook: Foreldrar barna í Seljaskóla

Seljaskóli er einnig á Facebook: https://www.facebook.com/seljaskoli

Einnig eru árgangar með síður á Facebook: 

Foreldrar barna í Seljaskóla fædd 2018

Foreldrar barna í Seljaskóla fædd 2017

Foreldrar barna í Seljaskóla fædd 2016

Foreldrar barna í Seljaskóla fædd 2015

Foreldrar barna í Seljaskóla fædd 2014

Foreldrar barna í Seljaskóla fædd 2013

Foreldrar barna í Seljaskóla fædd 2012

Foreldrar barna í Seljaskóla fædd 2011

Foreldrar barna í Seljaskóla fædd 2010

Foreldrar barna í Seljaskóla fædd 2009

Lög Foreldrafélags Seljaskóla

Lög Foreldrafélags Seljaskóla

Stjórn foreldrafélagsins

Stjórnin fundar að jafnaði mánaðarlega. 

Stjórn 2024-2025

• Sverrir Sigmundarson, formaður

• Egill Maron Þorbergsson, gjaldkeri

Meðstjórnendur

• Elínborg Hákonardóttir

• Guðríður Sturludóttir

• Jóhannes Guðni Jónsson

• Natalie Colceriu

• Rakel Brynjólfsdóttir

• Soffía Pálsdóttir

• Sveinborg Hlíf Gunnarsdóttir

Markmið

Hlutverk foreldrafélagsins í Seljaskóla er m.a. 

• að styðja við skólastarfið

• stuðla að velferð nemenda skólans

• efla tengsl heimilis og skóla

• hvetja til virkrar þátttöku foreldra í skólastarfi

• hagsmunagæsla, aðhald og eftirlit með skólastarfinu

Aðrar upplýsingar

Foreldrafélagið nýtur ekki fastra styrkja en aflar fjár með innheimtu félagsgjalda og ýmsum öðrum fjáröflunarleiðum. Árlega er innheimt gjald í verkefnasjóð af öllum forráðamönnum nemenda skólans. Sá sjóður stendur straum af kostnaði við skemmtanir, fræðslufundi og árgangastarf. Foreldrafélagið hefur einnig styrkt skólann með gjöfum af ýmsu tagi.

Foreldrafélag Seljaskóla á fulltrúa í SAMFOK. Samtökum foreldrafélaga og forráðamenn  í grunnskólum Reykjavíkur. Þá hefur stjórn foreldrafélags Seljaskóla náið samstarf við stjórnir foreldrafélaga annarra grunnskóla í Breiðholti. 

Foreldrafélag Seljaskóla starfar skv. 9. gr. laga um grunnskóla. Þar segir að við hvern grunnskóla skuli starfi foreldrafélag. Foreldrafélagið setur sér starfsreglur, m.a. um kosningu í stjórn félagsins og kosningu fulltrúa í skólaráð. Nánari upplýsingar um hlutverk foreldrafélaga (youtube) 

Helstu viðburðir sem félagið stendur fyrir eru:

Þó svo að foreldrafélagið hafi ekki skipulagða verkefnaskrá yfir skólaárið eru ákveðin verkefni og viðburðir sem félagið tekur að sér

• Foreldrafélagið skipuleggur föreldrarölt á föstudagskvöldum. 

• Félagið styrkir stóru upplestrarkeppnina með með fjármagni fyrir bókum og verðlaunum fyrir efstu 3 keppendurna.

• Félagið styrkir skólann og nemendur með rútusjóði.

• Samstarf foreldrafélaganna í Breiðholti. Foreldrafélög grunnskólanna fimm í Breiðholtinu er í góðu samstarfi. Félögin halda samráðsfundi með skólastjórnendum en skólarnir skiptast á að bjóða heim.

• Tekið þátt í sameiginlegu verkefnum eins og að gefa öllum grunnskólanemendum vegleg endurskinsmerki til þess að allir nemendur séu sýnilegir í umferðinni. Stjórnir nemendafélaganna sáu um dreifingu í bekki.

• Útskrift 10. bekkjar Foreldrafélagið tekur þátt í útskrift 10. bekkjar með því að bjóða upp á verðlaun og veita útskriftarnemendum gjafir.

• Eitt af verkefnum foreldrafélagsins er að sjá til þess að í hverjum bekk/hóp séu tveir til þrír bekkjarfulltrúar. Þeir eru tengiliðir stjórnar foreldrafélagsins inn í bekkina auk þess að sjá til þess að skipulögð séu bekkjarkvöld helst einu sinni á önn.

• Skipulagningu og þátttöku í fræðslufundum fyrir foreldra og forráðamenn.

• Sækja um styrki í hverfissjóð breiðholts fyrir verkefni og atburði tengdu skólastarfinu.

• Páskabingó og jólaföndur, Nemendur 7. og 10. bekkjar eru oft með veitingasölu til styrktar bekkjarferðum. Slík kvöld eru ekki hugsuð sem fjáröflunarkvöld fyrir foreldrafélagið.

Handbók foreldrafélaga grunnskóla

Heimili og skóli hafa gefið út handbækur fyrir fulltrúa foreldra á öllum skólastigum. Í þeim er lýst starfi foreldrafélaga og foreldra- og skólaráða. Hér getur þú nálgast handbókina sem pdf skjal

Bekkjarfulltrúar

Bekkjarfulltrúar eru tengiliðir við stjórn foreldrafélagsins.

Bekkjarfulltrúar allra bekkja mynda fulltrúaráð foreldrafélagsins og funda með stjórn þess minnst einu sinni fyrir áramót og einu sinni eftir áramót til að samræma störf og til að fá yfirsýn yfir foreldrastarfið í skólanum.

Bekkjarfulltrúar hafa frumkvæði að því að kalla eftir bekkjarsamkomu en bera ekki einir ábyrgð á framkvæmd hennar.

Bekkjarfulltrúar bera ábyrgð á að virkja með sér aðra foreldra til að manna þær rölthelgar sem bekknum er úthlutað.  Nánari upplýsingar um foreldrarölt

Bekkjarfulltrúar geta leitað til foreldrafélagsins með hvað sem er.