កម្មវិធីបណ្តុះបណ្តាល

គោលបំណងនៃវគ្គសិក្សា

វគ្គបណ្តុះបណ្តាលនេះគឺជាមួយនៃចំណេះដឹងហិរញ្ញវត្ថុសម្រាប់សហគ្រាសធុនតូច និងមធ្យមដែលបានផ្តោតសំខាន់លើជំនាញនៃការរៀបចំថវិកា និងគ្រប់គ្រងថវិការបស់សហគ្រាស។ ក្រៅពីនេះ វគ្គនេះក៏បានដើរតួនាទីយ៉ាងសំខាន់ក្នុងការបង្កើត និងសម្រេចបាននូវយុទ្ធសាស្រ្តអាជីវកម្មដ៏ល្អមួយ សម្រាប់អនុវត្តរបស់សហគ្រាសដើម្បីលើកកម្ពស់នូវប្រសិទ្ធភាពនៃប្រើប្រាស់ហិរញ្ញវត្ថុក្នុងគោលបំណងលើកកម្ពស់ផលចំណេញ និងស្ថេរភាពរបស់អាជីវកម្មលើ (ទីផ្សារ, ប្រកួតប្រជែង, ហិរញ្ញវត្ថុ និងប្រតិបត្តិការ)។ វគ្គសិក្សានេះនឹងបង្ហាញពីរបៀបដែលថវិកាអាចបង្កើនប្រសិទ្ធភាពប្រតិបត្តិការអាជីវកម្មរបស់អ្នក។ ជាពិសេស វាផ្តល់នូវឧបករណ៍ថវិកាដូចខាងក្រោមនេះ៖

• មូលដ្ឋានគ្រឹះនៃការរៀបចំផែនការយុទ្ធសាស្ត្រ និងការអនុវត្តផែនការយុទ្ធសាស្ត្រ

• ផែនទីយុទ្ធសាស្ត្រ, ពីយុទ្ធសាស្ត្រទៅសកម្មភាពអនុវត្ត, ការជ្រើសរើសម៉ាទ្រីស និងការកំណត់គោលដៅ

• បច្ចេកទេសសម្រាប់រៀបចំការប៉ាន់ស្មានកាន់តែត្រឹមត្រូវ ប្រាកដនិយម និងអាចទុកចិត្តបាន។

• ការត្រួតពិនិត្យ និងឧបករណ៍វិភាគគម្លាតនៃការអនុវត្តលើចំណូល ថ្លៃដើម និងចំណាយប្រតិបត្តិការ

• ការកំណត់ចំណុចស្រង់ដើម, គោលដៅប្រាក់ចំណេញ និងព្យាករណ៍ហិរញ្ញវត្ថុ

• ការរៀបចំផែនការលក់, ផែនការទីផ្សារ, ផែនការបុគ្គលិក, ផែនការប្រតិបត្តិការ និងផែនការវិនិយោគ (CAPAX)

• ការធ្វើផែនការនិងកាលវិភាគផលិតកម្ម ឬទិញសន្និធិ និងការចំណាយពាក់ព័ន្ធ

• គំរូហិរញ្ញវត្ថុដែលបង្ហាញពីទំនាក់ទំនងរវាងគ្រប់ផ្នែកនៃអាជីវកម្ម (របាយការណ៍ស្ថានភាពហិរញ្ញវត្ថុ, របាយការណ៍លទ្ធផល និងលំហូរសាច់ប្រាក់)

មាតិកាវគ្គសិក្សា

វគ្គទី១៖ សហគ្រិន និងហិរញ្ញវត្ថុសម្រាប់អាជីវកម្ម

• • ចក្ខុវិស័យ, បេសកកម្ម, ទិសដៅ និងគោលបំណងអាជីវកម្ម

  • កិច្ចដំណើរការនៃការរៀបចំផែនការសកម្មភាពអាជីវកម្ម

  • មូលដ្ឋានគ្រឹះនៃសកម្មភាពហិរញ្ញប្បទាន, វិនិយោគ និង ប្រតិបត្តិការ

វគ្គទី២៖ មូលដ្ឋានគ្រឹះនៃការអានរបាយការណ៍ហិរញ្ញវត្ថុ

• គណនេយ្យគឺជាភាសានៃអាជីវកម្ម

• របាយការណ៍ស្ថានភាពហិរញ្ញវត្ថុ ឬតារាងតុល្យការ

• របាយការណ៍លទ្ធផល ឬរបាយការណ៍ចំណេញខាត

• របាយការណ៍លំហូរសាច់ប្រាក់

• អនុបាតហិរញ្ញវត្ថុគន្លឹះ (ចំណេញ, លំហូរសាច់ប្រាក់, ប្រសិទ្ធភាព និងបំណុល)

វគ្គទី៣៖ គណនេយ្យគ្រប់គ្រង/ គណនេយ្យថ្លៃដើម

• ការវិភាគចំណុចស្រង់ដើម/រួចខ្លួន និងការវិភាគគម្លាតប្រាក់ចំណេញដុល

• ប្រាក់ចំណេញ

• ថ្លៃដើម

• ការផ្លាស់ប្តូរបរិមាណលក់

វគ្គទី៤៖ ការរៀបចំថវិកា និងផែនការចាប់ផ្តើមអាជីវកម្ម(អនុវត្តជាក់ស្តែង)

• ផែនការចាប់ផ្តើមអាជីវកម្ម និងការប្រមូលដើមទុន

• ការវិភាគចំណុចស្រង់ដើម/រួចខ្លួន

• រៀបចំផលិតផល/សេវាកម្ម, តម្លៃ, ថ្លៃដើម និងគម្លាតប្រាក់ចំណេញ

• ការព្យាករណ៍ការលក់

• របាយការណ៍ចំណេញខាត

• ផែនការប្រតិបត្តិការ (OPEX)

• ផែនការបុគ្គលិក

• ផែនការទីផ្សារ

• ផែនការវិនិយោគទ្រព្យសកម្ម (CAPEX)

• លំហូរសាច់ប្រាក់

• គោលការណ៍គ្រប់គ្រងសន្និធិ, គណនីត្រូវសង និងគណនីត្រូវទារ

• តារាងតុល្យការ ឬរបាយការណ៍ស្ថានភាពហិរញ្ញវត្ថុ

• ពិនិត្យលើអនុបាត

ការអនុវត្តជាក់ស្តែងលើការរៀបចំផែនការថវិការបស់អាជីវកម្ម និងបទបង្ហាញរបស់ក្រុមនីមួយៗ

កម្រងឯកសារបណ្តុះបណ្តាល

កម្រងសំណួរសម្រាប់វគ្គបណ្តុះបណ្តាល

គំរូអ៉ិចសែល Ms. Excel និងលំហាត់សម្រាប់អនុវត្តក្នុងថ្នាក់