MISYON, BISYON, AT MGA HALIGI

HANGARIN

Isinusulong ng PAESS ang Agham Pangkaligiran bilang isang larangan ng pag-aaral sa Pilipinas sa pamamagitan ng pagpapalakas ng ugnayan ng mga lokal na organisasyon ng Agham Pangkaligiran. Layunin nitong isulong ang napapanatiling kaunlaran sa pamamagitan ng holistiko at interdisiplinaryong pananaw para sa kapakinabangan ng lokal at pandaigdigang komunidad.

PANANAW

Maging isang kinikilalang pambansang organisasyon ng mga samahan ng Agham Pangkaligiran sa Pilipinas na nangunguna sa pagbuo ng mga holistikong programang pangkapaligiran at interdisiplinaryong pag-aaral tungo sa napapanatiling kaunlaran ng bansa.

LAYUNIN

Layunin ng PAESS na isulong ang kamalayang pangkapaligiran, pagpapanatili ng kalikasan, at pakikipagtulungan ng mga mag-aaral at organisasyon ng Agham Pangkaligiran sa buong Pilipinas. Nilalayon din nitong hubugin ang mga responsableng lider-estudyante sa pamamagitan ng mga programa at inisyatibong naghihikayat ng aktibong pakikilahok sa pagtugon sa mga suliraning pangkapaligiran.

MGA KALAHOK

Ang pangunahing miyembro ng PAESS ay mga mag-aaral ng Environmental Science sa antas ng undergraduate at graduate mula sa iba't ibang unibersidad sa buong Pilipinas. Aktibo rin itong nakikipag-ugnayan sa mga kabataang lider sa larangan ng kapaligiran sa antas ng sekondarya, kabilang ang mga organisasyong tulad ng Youth for Environment in Schools Organization (YES-O) at iba pa.

Sustainable

Isinusulong ng PAESS ang isang komunidad na natutugunan ang pangangailangan ng kasalukuyan nang hindi isinasakripisyo ang kinabukasan ng susunod na henerasyon. Layunin nitong mapanatili ang balanse ng lipunan at kalikasan tungo sa napapanatiling pag-unlad.

Holistic

Binibigyang-diin ang malawak at sistematikong pag-unawa sa mga isyung pangkapaligiran upang makita ang kabuuang larawan at makabuo ng mas epektibong solusyon.

Interdisciplinary

Naniniwala ang PAESS na hindi sapat ang iisang pananaw lamang sa pag-unawa sa kapaligiran. Mahalaga ang pagsasama-sama ng iba't ibang ideya upang makabuo ng komprehensibo at angkop na mga solusyon.

Page updated

Google Sites

Report abuse