Projekt EMPS
Projekt i financuar nga Agjencia Kombëtare të Kërkimit Shkencor dhe Inovacionit (AKKSHI)
Programi Kombëtar i Kërkimit dhe Zhvillimit (PKKZH) - 2023-2024
Qëllimi i projektit është të rrisë kërkimin shkencor dhe aplikimin e tij në fushën e Pedagogjisë së Specializuar, duke përmirësuar efektshmërinë e programeve universitare dhe të arsimit parauniversitar në fushën e mësimdhënies së specializuar, me fokus të veçantë tek mësimdhënia e specializuar e muzikës
Muzika mund të ndikojë pozitivisht tek nxënësit me nevoja të veçanta në fushën e menaxhimit të sjelljes; rritjes së vetëvlerësimit dhe reduktimit të ankthit . Me qëllim që shkolla të rrisë mundësinë e ofrimit të një mësimdhënie sa më efektive dhe jo vetëm integrim të pjesshëm të fëmijëve me nevoja të veçanta, duhen bërë përpjekje për rritjen e kapaciteteve të burimeve njerëzore të brendshme të shkollave si mësuesve të muzikës, apo të artit pamor, grupit psiko-social të shkollave, etj, për të kompletuar ndihmën ndaj fëmijëve. Kështu kryerja e studimeve në fushë për të matur shkencërisht ndikimin që ka muzikoterapia në zhvillimin e përgjithshëm psiko-motor dhe social të nxënësve me nevoja të veçanta; eksplorimi i metodave muzikore speciale dhe matjes së impaktit të tyre në zhvillim; hartimi i një manuali të integruar trajnimi, që sjell metodat efektive muzikore dhe indikatorët matës të zhvillimit, si për mësuesit e muzikës ashtu edhe për mësuesit ndihmës/të specializuar dhe mësues të tjerë, do të synojnë të jenë nëpërmjet këtij projekti, zgjidhje për rritjen e efktshmërisë në mësimdhënien e specializuar në institucionet tona arsimore. Studimi do të ketë për qëllim evidentimin e situatës aktuale dhe nevojat e mësuesve në lidhje me përdorimin e artit dhe specifikisht muzikës si mjet për zhvillimin e fëmijëve me nevoja të veçanta, si edhe praktikat efektive të zbatimit të edukimit muzikor special në zhvillimin psiko-motor të fëmijëve me nevoja të veçanta. Ky studim do të synojë mbledhjen e sa më shumë të dhënave në lidhje me 1) situatën aktuale në vend në drejtim të mësimdhënies së specializuar duke eksploruar masën në të cilën edukimi muzikor përdoret për të ndihmuar në zhvillimin e përgjithshëm të fëmijëve me nevoja të veçanta. 2) Gjithashtu studimi do të thellohet në trajtimin e rëndësisë që ka muzika në këtë zhvillim, metodat efektive të përdorura në nivel ndërkombëtar, si edhe do të synojë të paraqesë përfundime shkencore në lidhje me ndikimin që ka muzika në zhvillimin psikomotor dhe social të këtyre fëmijëve. Në studim do të përfshihen mësues të muzikës, mësues mbështetës/të specializuar, mësues të tjerë lëndorë, apo edhe staf psiko-social nga shkollat gjithë përfshirëse dhe ato speciale në nivel kombëtar. Për mbledhjen e të dhënave stafi i kërkuesve shkencorë të projektit dhe studentët e përfshirë në të, do të përdorin pyetsore dhe intervista, si edhe të dhëna dytësore. Studimi do të përdorë metoda mikse studimore dhe do t’i shërbejë rritjes së nivelit të kërkimit shkencor në fushën e Pedagogjisë së Specializuar
Projekt i financuar nga Agjencia Kombëtare të Kërkimit Shkencor dhe Inovacionit (AKKSHI)
Programi Kombëtar i Kërkimit dhe Zhvillimit (PKKZH) - 2023-2024
Objektivi specifik
1. Rritja e kërkimit shkencor në fushën e pedagogjisë së specializuar nëpërmjet studimit dhe ndarjes së rezultateve shkencore në përdorimin e edukimit muzikor në fushën e pedagogjisë së specializuar.
Objektivi specifik 2. T'u ofrojë mësuesve të muzikës, mësuesve ndihmës dhe mësuesve të tjerë, studentëve dhe kërkuesve të tjerë, metodat dhe materialet e disponueshme të mësimdhënies së muzikës dhe matjes së zhvillimit psiko-motor dhe social të nxënësve me nevoja të veçanta, si dhe të rrisë kapacitetin e tyre për mësimdhënie efektive të specializuar.
Eliona Lici eliona.lici@univlora.edu.al për informacione të detajuara
Fakulteti i Shkencave Humane, Universiteti "Ismail Qemali", Vlorë
