A caixa das emocións
Xustificación
Como mestras e mestres todos os días vemos moitas mostras de emocións no alumnado: a tristeza ao dicir adeus á familia poloa mañá, a ilusión de saír ao patio a xogar, a frustración e o enfado cando as cousas non van por onde pensaban... Dende ben pequenos os alumnos/as son quen de identificar moitas emocións e comezar a recoñecelas cando aparecen neles mesmos ou nos demais.
Sabemos que é na infancia cando se constrúen as bases para unha vida equilibrada e con este proxecto pretendemos dar oportunidades ao alumnado do centro para que poida entrenar as súas habilidades emocionais: coñecerse ,coñecer aos demais e poñerse na súa pel (fomentando a empatía) , repectar as diferenzas, crear recursos que os preparen para este mundo tan plural e poñer o noso gran de area para mellorar a nosa contorna ...
O desenvolvemento emocional implica aprender que son as emocións e os sentimentos, comprender como e por que suceden, recoñecer as emocións propias e as dos demais e desenvolver maneiras efectivas de manexalas. Segundo Simon Ward, "Non hai ningún aspecto da aprendizaxe que non involucre emocións (...) involucrar emocións positivas é probablemente un dos compoñentes máis vitais da aprendizaxe".
Traballar competencias emocionais pode mellorar a motivación e o gusto do alumnado por aprender, mellorar o rendemento escolar e a súa preparación para a vida. Por exemplo, cando se enfrentan a un examen, poden sentir medo, ansiedade ou frustración, pero se saben xestionalos de forma competente, o seu rendemento verase favorecido. Ademais, enriqueceranse como persoas e axudaralles nas súas relacións sociais.
Esta temática, pode ser traballada en todas as asignaturas, tanto en infantil como en primaria, so temos que pensar e preparar vínculos , entre o que traballamos na aula e o noso proxecto.
OBXECTIVOS
Descubrir a importancia das emocións e os sentimentos
Concienciar a nenas e nenos sobre as súas emocións e pensamentos sobre o seus estados de ánimo
Coñecer e nomear as nosas emocións en diferentes situacións, entendéndoas coma respostas humanas necesarias para un equilibrio emocional
Desenvolver a capacidade de recoñecer, comprender e expresar os propios sentimentos
Explorar os nosos comportamentos aceptando o que nos gusta e o que non nos gusta de nos mesmos e dos demais
Expresar sentimentos e emocións dun xeito adecuado a través da linguaxe verbal e non verbal
Desenvolver a capacidade de percibir e comprender as emocións e os sentimentos das demais persoas.
Empatizar coas emocions dos demais
Desenvolver nos nenos e nenas unha disposición adecuada para identificar, regular e controlar os impulsos emocionais
Entrenar na resolución de conflictos.
Fomentar o optimismo e o pensamento positivo.
Facilitar unha mellor autoconciencia das necesidades, capacidades e limitacións
Sensibilizarse ante as diferenzas individuais e a discapacidade
Recoñecer a diversidade das persoas coma algo enriquecedor
Desenvolver a autonomía e satisfacción persoal
Contribución ao desenvolvemento das COMPETENCIAS
Competencia social
Reforzar a identidade dos interlocutores por medio do intercambio de información persoal.
Que o alumnado sexa quen de relacionarse axeitadamente e comportarse cívicamente
Expresar as ideas propias e escoitar as dos demais, aprendendo deles e con eles
Compartir actividades con compañeiros/as doutras idades
Manter unha actitude positiva cara o traballo e o grupo
Competencia Lingüística
Ler textos informativos diferenciando a idea principal e as ideas secundarias
Producir textos propios a partires da busca de información
A través de dramatizacións e lectura de contos, desenvolver a comprensión e expresión lectora, así como a expresión oral
Participar nas diversas situacións comunicativas orais de xeito construtivo, respectando as normas que fan posible a comunicación
C. Aprender a aprender
Planificar as tarefas para realizar o proxecto
coñecer e confiar nas posibilidades de cada un para realizar as tarefas encomendadas
Valorar o traballo ben feito buscando o mellor resultado posible
Saber transformar a información en coñecemento propio
Seleccionar e organizar os materiais
C. iniciativa e espíritu emprendedor
Traballar na aula e na biblioteca de forma cooperativa
Desenvolver iniciativas e tomar decisións na planificación do traballo
C. Dixital
Recoñecer diversos formatos de comunicación
Utilizar axeitadamente os recursos dixitais para realizar unha busca específica e facer un uso crítico dos mesmos.
Cominicar a información obtida traballando nun entorno colaborativo.
Realizar presentacións da información utilizando recursos dixitais
Citar as fontes de onde se obtivo a informacion
Buscar, obter, procesar e comunicar información transformándoa en coñecemnto
C. Ciencia e tecnoloxía
Favorecer procesos de razoamento e desenvolver a atención
Competencia artística e cultural :
Facilitar a expresión de opinións, gustos e emocións que producen diversas manifestacións culturais coma poden ser os contos e dramatizacións