استيعاب الوراثة قد يكون شيئاً صعباً على غير المتخصصين

ولكننا سنقوم بشرحها بصورة سهلة وبسيطة وممتعة على قدر الإمكان

ورغم ذلك ننصح بالتدريج في فهم كل جزء جيداً قبل الدخول في الجزء التالي له

وسنقوم بإضافة عدة أمثلة لاحقاً

الألوان الأساسية

وهي من اليمين إلى اليسار

الأحمر (#Ash_red)

لا يوجد خط واضح في الديل اللي بيبقى لونه رمادي (وعشان كده اسمه احمر رمادي)

البني (#Brown)

يوجد خط غامق واضح في اواخر الديل

الأزرق (#Blue)

(نتيجة جين اللون الأسود) يوجد خط غامق واضح في اواخر الديل

*اللون الأصلي للحمام كان اللون الأزرق ثم ظهر اللونين الاحمر والبني بعد ذلك

**الشكل الأساسي للحمام في حالة عدم وجود جينات أخرى مؤثرة على اللون هو الشكل ذو الحطين على الجناح واللي اسمهم بار (Bars)

ترتيب السيادة

الأحمر سائد على كل من الأزرق والبني

الأزرق سائد على البني ومتنحي بالنسبة للأحمر

البني متنحي بالنسبة لكل من الأحمر والأزرق

اللون ينتج من مادة اسمها #الميلانين

اللون مرتبط بالجنس

كما في أعلى الصورة:

الذكر يحمل كروموسومين جنسيين كاملين بهما موقع لجين اللون على كل منها (أعلى يسار الصورة)

بينما الأنثى تحمل كروموسوم جنسي واحد فقط كامل مماثل للذكر (أعلى يسار الصورة) يحمل جين اللون

بينما الكروموسوم الآخر غير مكتمل (أعلى يمين الصورة) ولا يحتوي على جين اللون

كما في اسفل الصورة:

جين اللون يقع في الذكر في موقعين يأخذ احداها من الأب والأخرى من الأم ويظهر أكثر لون سائد منهما

بينما في الأنثى يقع في موقع واحد فقط تأخذه من الأب سواء كان اللون السائد الظاهر عليه أو اللون المتنحي الغير ظاهر عليه ولكن بسبب عدم وجود لون آخر في الأنثى فإن اللون الوحيد الذي تأخذه من الأب هو ما يظهر عليها

ولا تأخذ الأنثى لونها من الأم أبداً

***لون الابناء الاناث مؤشر قوي عن تركيبة الأب الجينية للون

ولذلك الأناث دائماً لا تحمل إلا اللون الظاهر عليها (لون بيور)

والذكور قد تكون أيضاً لا تحمل ألوان أخرى غير الظاهرة عليها في حالة ان يكون الجينين متماثلين

وقد تحمل جين متنحي اضعف من الظاهر عليه

أمثلة:

1- الذكر البني اكيد لا يحمل ألوان أخرى

لأنه لو كان يحمل اي من اللونين الآخرين كان اللون التاني الأقوى هو اللي ظهر بدل البني

2- الذكر الأزرق قد لا يحمل ألوان أخرى غير الأزرق الظاهر عليه في حالة ان يكون الجينين متماثلين (أزرق)

أو قد يحمل جين بني الأضعف منه فلا يظهر عليه

ولكن يستحيل أن يحمل لون أحمر وإلا كان ظهر عليه بدل الأزرق

3- الذكر الأحمر إما أن أنه لا يحمل جينات ألوان أخرى

أي يحمل جين أزرق أو جين بني ولكن لا يظهر الجين الآخر لأن الجين الأحمر أقوى منهم

4- الأنثى البنية لا تحمل ألوان أخرى والأنثى الزرقاء لا تحمل ألوان أخرى والأنثى الحمراء لا تحمل ألوان أخرى

نمط الجناح له اربع أشكال

وهما كما في الصورة رقم 1:

(T-Chek , Chek , Bar , Bareless)

تي تشك (T-Chek) وهو اكثرهم سيادة

تشك (Chek) متنحي للتي تشك وسائد على الباقي

بار (Bar) وهو النمط الأصلي في الحمام وهو متنحي عن السابقين وسائد على المتبقي

بارلس أو عديم البار (Bareless) وهو متنحي للثلاثة السابقين

جينات النمط

كما تظهر في الصورة رقم 2 فهي تأخذ نفس الأسماء وتقع على نفس الموقع في الكروموسوم

وعلى عكس جينات اللون فهي جينات #غير_مرتبطة_بالجنس

يعني الذكر يحمل 2 كروموسوم على كل منهم جين خاص بالنمط

وكذلك الانثى

ويظهر على الذكر أو الانثى صفات الجين السائد فيهما

ويرمز لكل جين بالرسم كما موضح في الصورة

الخريطة الجينية (Genotype) للشكل الظاهري للنمط

كما في صورة رقم 3

يحمل الطائر نسختين من جين النمط ويظهر عليه اكثرهما سيادةً

ولذلك نجد الطائر (سواء ذكر أم انثى)

التي تشك: من الممكن أن يكون حاملاً لنسختين من جين التي تشك أو نسخة واحدة من التي تشك واخرى من اي من الجينات الاقل سيادة الاخرى

التشك: قد يحمل نسختين متماثلتين من جين التشك او نسخة من جين التشك مع نسخة من الجينات الاخرى الاقل سيادة (ما عدا التي تشك طبعاً)

البار: قد يحمل نسختين من جين البار او نسخة من جين البار واخرى من جين البارلس

البارلس:

يجب حتى تظهر صفة البارلس ان تكون النسختين من جين البارلس فقط ولا يوجد اي نسخة من جينات النمط الأكثر سيادة

ولذلك البارلس هو من اندر الانماط الظاهرية الموجودة

***جين النمط يقع على نفس كروموسوم جين الانتشار ومتقاربين ومرتبطين وراثياً إلى حد ما ولكن للتسهيل سيتم شرح جين الانتشار Spread منفصلاً

رموز جين النمط

لشكل الأساسي الاستنادرد اللي هو البار واخد رمز C

البارلس اللي هو متنحي واخد رمز c (الحرف الصغير لأنه متنحي عن الباقي)

نيجي بقى للتشك واخد رمز C+

والتي تشك واخد رمز CT

جين الانتشار جين سائد

الرموز

جين انتشار: S - بدون جين انتشار +

اليسار Blue bar

اليمين Blue spread

جين الانتشار هو مبدأياً جين #سائد و #غير_مرتبط_بالجنس

جين بيحول لون كامل جسم الحمامة إلى اللون الأساسي لها

وعشان تكون دقيق بيحول لون كامل جسم الحمامة إلى (((لون البار اللي على الديل)))

كما في الصورة 2

يعني بيحول اللون الـ #Blue إلى ... اسود #spread_Blue أو بيتسمى #Black عادي

(لأن لون بار ديل الحمام البلو بيكون اسود)

بيحول اللون الـ #Brown إلى ... بني #spread_Brown

(لون بار الديل)

بيحول اللون الـ #Ash_red إلى .......

لا مش احمر لون بار الديل

لأنك لو قريت الدرس الأول كويس هتلاقي ان الأش ريد ملوش بار على ديله عكس الأزرق والبني

بيبقى لون الديل محمر باهت كده :)

فبيبقى الـ #Spread_Ash_Red ليه اسم تاني كده وهو #solid_mealy

جين الانتشار غير مرتبط بالجنس

يعني ليه نسختين على كل من الذكر والانثى كما في الصورة 3

وكمان سائد يعني بمجرد ما الفرد يحمل نسخة واحدة سبريد فبيبقى سبريد

في حين ان الفرد ليه لون واحد ده قد يكون سبريد نقي يعني شايل نسختين سبريد أو سبريد هجين يعني شايل نسخة سبريد ونسخة لأ

نراجع... الشكل الظاهري اسمه Phenotype

التركيب الجيني اسمه Genotype

ولاحظوا رموز كل جين في كل بوست ومعناه عشان ده اللي هنحل بيه ونشتغل بيه ان شاء الله

نيجي بقى للعلاقة ما بين جين الانتشار وجين النمط بتاع الجناح

جين الانتشار بيخفي تأثير جين نمط الجناح

يعني جين الانتشار على فرد ازرق هيخللي كل جسمه اسود

في وسط السواد ده هيبان اذا فيه خطين ولا تشيك ولا تي تشك ولا بارلس!!!

لا طبعاً

ظاهرياً مش باين أنماط للجناح

لكن جينياً بيبقى موجود جين النمط في اي من حالاته الاربعة وممكن يبان في الابناء بعد كدة سواء جيل اول او تاني

فرق شكل الفرد بين الـ تي تشيك و الانتشار

الاتنين جناحهم اسود في البلو وبني في البراون- إيه الفرق!!!

انظر صورة 4 للفرق

اللي على اليمين spread واللي على الشمال T-Chek

ملحوظة

*الفرد اللي يحمل جينين انتشار بيكون اغمق من الفرد اللي عنده جين واحد فقط

*وفيه استثناء صغير كده بس مش هنذكره دلوقتي عشان اللخبطة

هو جين يقوم بتخفيف لون جسم الحمام (ما عدا الأبيض طبعاً)

كما في الصورة رقم1

حيث تظهر بعض الالوان الغير مخففة وأسفل منها اللون المخفف لها

بعض تسميات اللون المخفف

في صورة2

وهي من اليمين لليسار:

أحمر متنحي (سيتم شرحه قريباً إن شاء الله) => أصفر متنحي (أكول)

أحمر ترابي (آش ريد) => أصفر ترابي (كريمي)

أزرق => سيلفر

بني (مش في الصورة) => كاكي

أسود (مش في الصورة) => دن

***ناتج تخفيف البني والأسود قد يكونوا متشابهين كثيراً في المظهر وقد يحدث خلط في التفريق بينهم

جين التخفيف هو جين مرتبط بالجنس

كما موضح في صورة3

أي يحمل الذكر نسختين من الجين وتحمل الأنثى نسخة واحدة منه

(((تذكر: جين اللون أيضاً مرتبط بالجنس)))

وكذلك هو جين #متنحي

أي يجب أن تتوفر نسختين من جين التخفيف في الذكر حتى يظهر تأثيره

ولأنه مرتبط بالجنس فيكفي ان يكون المكان الوحيد في الأنثى حاملاً لجين التخفيف كي يظهر تأثيره

(((تذكر: جين التخفيف متنحي عكس جين الانتشار فهو سائد)))

يعني الانثى يا ديلوت يا مش ديلوت

الذكر ممكن يكون دايلوت نقي او مش دايلوت بس حامل دايلوت او مش دايلوت خالص

رمز جين التخفيف:

d لانه متنحي

والغير مخفف D+

****يوجد ارتباط جيني في نقل جين اللون مع جين التخفيف

درجات جين التخفيف

***في الواقع توجد درجات من جين التخفيف:

تخفيف عادي dilute d

تخفيف شديد extreme dilute dex

باهت pale dp

بدون تخفيف D+

*في حالة وجود الجينين يكون جين التخفيف العادي سائد على جين التخفيف الشديد ويكون جين التخفيف الشديد متنحي

ترتيب السيادة:

بدون تخفيف>الباهت>تخفيف>تخفيف شديد

**تأثير جين الـpale على الالوان:

تأثيره على الأزرق والبني ضعيف جداً وقد لا يتم تفريقه عن اللون العادي

تأثيره على الأحمر ملحوظ ويكون درجة لون وسط بين الأحمر العادي والدايلوت وكذلك يؤثر على اللون #البرونز (هنبقى نقول انواع البرونز في المستويات اللي بعد كده اذا كملنا بإذن الله)

**تأثير الـ extreme dilute بيكون زي الـ dilute بس افتح منه وبيأثر على الأزرق والبني والأحمر

هو جين مسؤول عن إظهار لون أحمر غامق (قريب للبني) على الفرد بصرف النظر عن جينات اللون اللي عنده

يعني لو فرد جيناته ازرق وبني المفروض يبقى لونه ازرق

انما لو هو هو اتحمل عليه جينين أحمر متنحي هيبقى لونه اللي ظاهر لينا اللون الأحمر ده

جين الأحمر المتنحي هو جين (((متنحي))) --- واضحة أهي

يعني لازمله نسختين من الجين حتى يظهر

ولو نسخة واحدة يبقى الفرد حامل أحمر متنحي ولكن لا يظهر عليه

وهو جين (((غير مرتبط بالجنس)))

يعني الذكر يحمل نسختين والانثى تحمل نسختين برضه

جين الأحمر المتنحي مش بس بيخبي اللون الاصلي

ده بيخبي اللون والنمط ولو فيه جين انتشار كمان بيخبيه

وميظهرش في الفرد غير اللون ده في كل ريشه

(((تذكر: خدنا قبل كده ان جين الانتشار بييخبي النمط)))

الفرق بين جين الأحمر المتنحي وجين الانتشار في الصورة

اللون الأكول (أصفر متنحي)

هو اللون المخفف من اللون الأحمر المتنحي بحيث يجب أن تجتمع في الفرد الصفتين

هو مشابه لجين الأحمر المتنحي Recessive Red اللي قلناه قبل كده

جين مسؤول عن تعطيل انتاج أي ألوان أو صبغات على الفرد بصرف النظر عن جينات اللون اللي بيحملها

مما ينتج عنه لون أبيض

يعني لو فرد جيناته ازرق وبني المفروض يبقى لونه ازرق

انما لو هو هو اتحمل عليه جينين أبيض متنحي هيبقى لونه اللي ظاهر لينا اللون الأبيض ده

من الاسم كده هو جين (((متنحي)))

يعني لازمله نسختين من الجين حتى يظهر

ولو نسخة واحدة يبقى الفرد حامل أبيض متنحي ولكن لا يظهر عليه

وهو جين (((غير مرتبط بالجنس)))

يعني الذكر يحمل نسختين والانثى تحمل نسختين برضه

جين الأبيض المتنحي مش بس بيخبي اللون الاصلي

ده بيخبي اللون والنمط ولو فيه جين انتشار كمان بيخبيه

وميظهرش في الفرد غير اللون الأبيض في كل ريشه

(((تذكر: خدنا قبل كده ان جين الاحمر المتنحي وجين الانتشار بييخبوا النمط برضه)))

***وزي ما قلنا مش دي الحالة الوحيدة للون الأبيض

لون عين الفرد الأبيض المتنحي

يتميز الفرد الأبيض المتنحي بـ (((العين بكمة)))

ستتم الإضافة تباعاً بإذن الله...

ستتم الإضافة تباعاً بإذن الله...

ستتم الإضافة تباعاً بإذن الله...

حاسبة وراثة ألوان الحمام النسخة العادية

حاسبة وراثة ألوان الحمام النسخة المتقدمة

الهدية التانية برنامج Pigeon Planner

وهو برنامج لتسجيل جميع بيانات الحمام لديك

ثم بضغطة زرار واحد تجد جميع البيانات

من سلالة ونوع ولون والاب والام والرقم واللون والمواصفات وشجرة النسب

والاقارب من اخوة اشقاء وغير اشقاء والتزاوج مع الحمام الآخر والنسل بتواريخه

وتواريخ وعدد مرات مرض الحمامة والعلاج الذي استخدمته

كما يقوم بعمل العديد من الاحصائيات كعدد الحمام الاجمالي وعدد ونسبة الذكور والاناث والزغاليل

بالإضافة إلى الأدوات الرائعة المتعلقة بالسباقات مثل:

حاسبة السرعة - حاسبة المسافة - ادارة نقاط السباق

وكمان ممكن تحط الصورة بتاعة كل حمامة

غير انه مجاني تماماً يعني ولا مسروق ولا معموله كراك

وكمان بالعربي او بالانجليزي على حسب راحتك

لينكات التحميل

(آخر إصدار نزل من البرنامج حتى موعد نشر هذا الموضوع)

لتحميل ملف تسطيب للويندوز

https://launchpad.net/pigeonplanner/3.6/3.6.2/+download/Pigeon_Planner-3.6.2.exe

لتحميل مفل بورتابل يعمل على الويندوز بدون تسطيب (فك الضغط واشتغل على طول) وممكن تشغله من على الهارد او الفلاشة وتخليه معاك طول

https://launchpad.net/pigeonplanner/3.6/3.6.2/+download/pigeonplanner-3.6.2-win32.zip

لينك الموقع لو حابب تدور على إصدارات أحدث ممكن تكون نزلت بعد نشر هذا الموضوع

http://www.pigeonplanner.com/download

الشرح على الصور:

متابعة الشرح:

========

*طريقة ادخال البيانات هي:

1- من اليسار في الخانة الصغيرة تكتب سنة الخلفة مثلاً 2017

2- تضغط على علامة الصح وتختار حالة الطائر من حيث نشط ام ميت ام معار لشخص آخر او غيره مع السماح بكتابة تعليق على بعض هذه الخيارات

3- الخانة المجاورة للتاريخ (الخانة الكبيرة) تكتب فيها رقم الدبلة ان وجدت او ان لم توجد دبلة تكتب رقم مسلسل للطائر مثل 1, 2, 3, .... (أرقام أو ممكن حروف انجليزية مع الأرقام ولكن لا يكتب فيها حروف عربية وإلا عمل مشاكل في البرنامج)

4- في خانة اللون تكتب لون الطائر ونمطه

5- في الخانة اللي تحت التاريخ تكتب اسم الطائر لو مسميه, لو مش مسميه اكتب فيها اللون برضه

6- اختار ذكر ام انثى او اذا كان ما زال صغير ولا تعلم جنسه على وجه الدقة اختار يافع وبتغيره بعد كده بعد البلوغ من عمل كليك يمين على الطائر ثم اختيار تحرير

7- في خانة السلالة بتكتب هو بلدي ام هزاز ام ........... وهي بتدخل اوتوماتيك في القايمة ممكن تختار الانواع اللي انت كنت مدخلها قبل كده من السهم اللي جنب الخانة بدل ما تكتبها تاني

8- خانة الاب والام: لو مش متسجلين عندك قبل كده سيبهم فاضيين ولو متسجلين هتدوس على علامة العدسة هتجيلك قايمة اختارهم منها فهتدخل ارقامهم اوتوماتيك

9- في المعلومات الاضافية تكتب المواصفات بتاعة الطائر او جيناته او اي حاجة انت عايز تكتبها

10- ممكن تدوس على صورة الحمامة على اليسار وتختار صورة الحمامة بتاعتك كمان تبقى في قلب الملف وتظهر جنب بياناته

* في حالة تسجيل حمامة عندها دبلة و كل شئ و لاكن الاب و الام غير متسجلين و ليس عندهم دبل:

لست في حاجة الى تسجيل الاب او الام الغير موجودين عندك واللي متعرفش بياناتهم ايه

انما الاب والام اللي عندك بتدخل بياناتهم عادي زي اي حمامة وممكن تسيب خانة الاب والام فاضية او تكتب فيهم مثلاً "أب زاجل" "انثى رومي" بس لازم تكتب اي سنة في خانة السنة عشان يسجل معاك

جاري استكمال الإضافات على الموضوع وتحسين تنسيقه..........................