Námskeið

Tilvalið tækifæri fyrir vinahópa að breyta til og koma á örnámskeið eða alvöru lengra námskeið í fallegu umhverfi og spennandi stað. Í litlu rauðu húsi við Dyngjuna er boðið upp á námskeið í m.a. vefnaði eða jurtalitun á sumrin. Lummur og ketilkaffi á heitri kamínunni

Tóvinnunámskeið eru haldin 5 kvöld frá 19.00-22.00 eða tvær helgar, í litlu rauðu húsi við Dyngjuna er spunninn þráður lífsins úr reyfi frá kind nágrannans við kertaljós á köldum vetrarkvöldum. Fyrstu tvö skiptin er kennt að spinna þráð frá reyfi, kemba með handkömbum og spunnið á snældu og seinni þrjú kvöldin er kennt að spinna á rokk í vinnustofunni við nútímaþægindi. Námskeiðið nýtist einnig sem framhaldsnámskeið þeim sem vilja rifja upp og læra meira.

Námskeiðið kostar 45.000.- Upplýsingar í síma 899 8770 og dyngjanlisthus@gmail.com

Lummur og ketilkaffi á heitri kamínu.

Nemendur fá reifi til að vinna með, kemba með handkömbum og spinna þráð á halasnældu og rokk. Einnig er spunnið frá plötulopa og kembum sem þær kemba í handsnúinni kembivél og lyppa.

Spuni er elsta aðferð til að koma efni í þráð og síðan í nytjamun, svo sem körfur og efni til að skýla sér með. Þetta er aðferð sem þróast hefur frá upphafi menningar frá kynslóð til kynslóðar í þúsundir ára. Þar til að á seinustu öld, að iðnbyltingin tekið við og kynslóðin er stýrir henni telur sig ekki þurfa á fornri þekkingu handanna að halda lengur. Hin almenna þekking er ekki lengur til staðar, allt er nú gert í verksmiðjum þar sem fáir kunna skil á ferlinu. Gjá hefur myndast og gömul viska tapast.

Heiðusápa Heiða í Auðsholti, Ragnheiður Guðmundsdóttir, var sumarmamma mín til margra ár. Ég ólst upp hjá ættingjum í Auðsholti í Biskupstungum öll sumur fram að þeim tíma að ég fór að vinna launaða vinnu í Reykjavík á sumrin. Ég mundi eftir sápunni sem Heiða notaði og að í sápunni var hrossa eða kindatólg. Sápan var notuð til þvotta og þegar við heimasæturnar vorum látnar þvo ullarsokka á þvottabretti þá notuðum við sápuna hennar Heiðu. Mér fannst það alltaf merkilegt að Heiða hefði gert sápuna sjálf og þegar ég bað hana um að gefa mér uppskriftina 46 árum seinna, þá var hún auðfengin.

Vefnaðarnámskeið. Lítill vefstóll er í litlu rauðu húsi við Dyngjuna-listhús, þar er hægt að fara á einkanámskeið. Uppistaðan sem er í stólnum bíður upp á ýmiskonar vefnað. Möguleiki er að gista í húsinu sem kynnt er með kamínu. Aðgangur að kennara er 3 tímar á dag.

Námskeið í jurtalitun eru haldin sem örnámskeið og lengri námskeið. Litað er úr þeim jurtum sem vaxa í nágreninu og/eða innfluttum efnum.

Námskeið með kemiskum litun eru haldin sem örnámskeið.

Strokkkerti, lifandi ljós, lifandi handverk

Að steypa strokkkerti er gamalt handverk. Kerti voru höfð til hátíðabrigða t.d. á jólum. Kóngakerti þ.e. þriggja arma kerti voru kerti vitringanna og notuð sem altariskerti á þrettándanum, degi vitringanna. Áður fyrr var notuð tólg í kertin. Brætt var tólgarstykki sem nægilegt var í kertin og hellt í strokk. Til að halda tólginni bráðinni og strokknum vel fylltum var volgu vatni hellt út í og bætt í eftir því sem gekk á tólgina, tólgin flaut ofan á og var hægt að nýta hana alla. Nútíma strokkkerti eru gerð á sama hátt nema notað er parafin/sterin í stað tólgar. Kertanámskeiðin, dagsnámskeið, haldin í okóber og nóvember. Þá gerum við bein kerti, kóngakerti og býflugnavaxkerti.

Page updated

Google Sites

Report abuse