«Рускай мове дай разгрузку - размаўляй

па-беларуску»

Дзень у нашай школе пачаўся з акцыі “Размаўляй са мной па-беларуску: маё любімае беларускае слова”, дзе ўсе жадаючыя маглі напісаць на рознакаляровых папяровых кветках дарагія для іх словы на роднай мове. Акцыя выклікала сапраўдны інтарэс сярод вучняў 1-11 класаў, падтрымалі іх і настаўнікі.

Паводле праведзеных падлікаў, самае любімае беларускае слова вучняў, настаўнікаў школы– матуля. Таксама ўдзельнікі акцыі многа разоў назвалі такія словы, як калі ласка, кветка, сонейка, бульба, мова.

У гэты святочны для вучняў і настаўнікаў дзень у фае школы гучала вясёлая беларуская музыка. На перапынках для вучняў 4 класаў дэманстраваліся мультыплікацыйныя фільмы на беларускай мове.

Быў праведзены конкурс чытальнікаў “Гучы, роднае слова” сярод 1-4 класаў, дзе чыталіся вершы на беларускіх аўтараў. І хочацца верыць, што тыя вучні, якія душой дакрануліся да твораў беларускіх пісьменнікаў, будуць імкнуцца, каб роднае слова гучала ў вяках.

Сярод 4-х класаў прайшла школьная Алімпіяда па беларускай мове.