वाचन हे अष्टावधानी असणे आवश्यक आहे. :-   अर्थतज्ञ, प्राचार्य. डॉ. विनायक गोविलकर  

आपला व्यवहार आणि आपण करत असलेला दैनंदिन अभ्यास यातून  आपले  विकसित होणारे अनुभवक्षेत्र तसे पाहता मर्यादित असते ते अधिक व्यापक करण्याचे काम ग्रंथ करीत असतात. वाचनाचे उद्दिष्ठ काय? वाचन कशासाठी? हा विचार करतांना `इच्छा आणि गरज’  ‘बुध्दची भूक  व मनाची भूक’   यातील फरक  समजणे आवश्यक आहे.बुध्दी कार्यप्रवण नसते तर  भावना कार्यप्रवण  असते. विचार, भावना, वर्तन जेव्हा एकत्रित येतात   तेव्हा वाचनाने   ज्ञानप्राप्ती होते . ज्ञानप्राप्ती हे  मुलभूत उद्दिष्ठ असले तरी  ते पुरेसे नाही असेही ते म्हणाले कारण  वाचन  केले  जात असतांना   वाचन हे  मनापासून  असणे आवश्यक आहे.  मनामध्ये  आनंदतरंग, भावतरंग येत असतील तर तर त्या वाचकाला  ज्ञानप्राप्ती होऊन अनुभूती प्राप्त होते. ही   अनुभुती म्हणजेच  अष्टावधानी वाचन होय.यासाठी वाचन हे अष्टावधानी असणे आवश्यक आहे. असे प्रतिपादन अर्थतज्ञ डॉ. विनायक गोविलकर यांनी व्यक्त केले.

मविप्र समाजाचे ऍड. नामदेवराव माधवराव ठाकरे वाणिज्य, व्यवस्थापन, आणि संगणकशास्त्र महाविद्यालयात भारताचे माझी राष्ट्रपती, भारतरत्न डॉ.ए.पी.जे. अब्दुल कलाम यांच्या जयंती प्रंसगी  वाचन प्रेरणा दिनानिमित्त आयोजित कार्यक्रमात ते बोलत होते. यावेळी त्यांनी कलाम यांच्या आयुष्यातील व्यक्तीगत आणि व्यावसायिक संघर्ष, अग्नी, आकाश, पृथ्वी, त्रिशुल, नाग या  क्षेपणास्त्रांची जडणघडण, स्वतंत्र भारताचे तंत्रज्ञान , जागतिक शस्त्रस्पर्धा  आणि विज्ञान,  आपल्या देशाचा विकास कशा पध्दतीने  व्हावा या बाबतची संकल्पना, तिला  दिलेले मूर्त स्वरुप याविषयी सविस्तर विवेचन केले.

       अध्यक्षीय मनोगतात महविद्यालयाचे प्राचार्य डॉ.रवीद्रकुमार पाटील यांनी  ज्ञानसंपन्न   व माहिती समृध्द  समाज घडविण्यासाठी  विद्यार्थी हा महत्वाचा घटक आहे. त्यासाठी  वाचनसंस्कृतीचा प्रचार , प्रसार  व विकास  हा विद्यार्थ्यामध्ये रुजविणे आवश्यक आहे. त्यांचा व्यक्तीमत्व विकास आणि एकूणच जीवनातील यशासाठी मजबूत आधार निर्माण करण्याचे कार्य  वाचनाद्वारे होणार आहे असे प्रतिपादन त्यांनी केले.

 कार्यक्रमाचे प्रास्ताविक विद्यार्थी विकास मंडळ अधिकारी प्रा. विभावरी पाटील यांनी केले. त्यांनी डॅा.ए.पी.जे. अब्दुल कलाम यांच्या आठवणींना उजाळा देत त्यांच्या जीवनातील प्रेरणादायी  प्रसंग सांगत वाचनाचे महत्व विषद केले.

 यावेळी ग्रंथालय विभागाच्यावतीने  3 दिवसीय ग्रंथप्रदर्शनाचे आयोजन करण्यात आले आहे. जास्तीत जास्त विद्यार्थ्यांनी प्रदर्शनास  भेट द्यावी असे आवाहन कार्यक्रमाचे संयोजक–ग्रंथपाल आनंद जाधव यांनी केले.

 यावेळी व्यासपीठावर  उपप्रचार्य प्रा.ज्ञानेश आहेर उपस्थित होते. कार्यक्रमास सर्व विभाग प्रमुख, सर्व प्राध्यापक,  शिक्षक व शिक्षकेतर वर्ग व  विद्यार्थी वर्ग  उपस्थित होते.  कार्यक्रमाचे सूत्रसंचालन प्रा.रुपाली वाघचौरे यांनी केले. आभार प्रदर्शन प्रा. सरोज दिक्षा यांनी केले.

 15 ऑक्टोबर   2022