Embedded Files
E-Dixgal é unha iniciativa impulsada pola Xunta de Galicia a través do Espazo Abalar, destinada a transformar a educación mediante a integración de tecnoloxías dixitais nas aulas. Esta plataforma ofrece recursos, ferramentas e contidos educativos en liña para facilitar o ensino e a aprendizaxe nos centros educativos galegos de Educación Primaria e Secundaria.
Características
Características
- Recursos dixitais interactivos: Materiais didácticos adaptados ao currículo galego, con contidos multimedia e actividades dinámicas.
- Aula virtual: Espazo para xestionar tarefas, compartir documentos e impulsar a colaboración entre alumnado e profesorado.
- Seguimento personalizado: Posibilidade de avaliar o progreso do alumnado e adaptar as estratexias docentes.
- Accesibilidade: Deseño inclusivo e compatible con distintos dispositivos (ordenadores, tablets).
Obxectivos
Obxectivos
- Impulsar a innovación educativa a través da tecnoloxía.
- Ofrecer unha educación de calidade e equitativa en toda Galicia.
- Preparar o alumnado para os retos dixitais do século XXI.
Equipamento
Equipamento
Todo o alumnado participante dispón dun PC Portátil que pode ser utilizado tanto en modo portátil como en modo tableta.
O equipo cedido ao alumnado do proxecto, é para uso persoal e educativo, é dicir, o alumnado empregará o equipo para seguir o proceso de ensino aprendizaxe e para realizar as tarefas educativas indicadas polo profesorado, ou calquera outra actividade educativa pertinente.
Para os docentes estará dispoñible un portátil, en cada clase hai un panel dixital interactivo e multitáctil e un armario para a carga dos equipos, ademais de rede Wifi en todo o centro.
Page updated
Google Sites
Report abuse