CEIP MILLADOIRO

O PVAD dentro do Proxecto Documental Integrado do Centro (¨Medicus curat natura sanat¨)

No presente curso o claustro elixiu como temática para o PDI (proxecto documental integrado) de centro os hábitos saudables, que ocupará os próximos dous cursos. Leva o título de Medicus curat natura sanat, sendo esta a máxima que adoptamos cun claro obxectivo: tratamento curricular de carácter transdisciplinar e transversal que favoreza a mellora da calidade de vida no ámbito físico e emocional nun tempo no que estimamos relevante o coidado dun mesmo e dos demais, sen olvidar que nenos/as están ao coidado das familias e, como apoio educativo, da comunidade, responsables últimos de proporcionar unha educación de calidade.

Polo tanto, a temática que nos uniu servindo como nexo transversal entre todos os niveis  serán a promoción dos hábitos saudables. Partimos do principio que ilumina a cultura maker: aprender facendo no que, a dicir verdade, non hai nada novo salvo a forma na que se presenta. Dende Freinet a Kilpatrick, pasando por Dewey e Montessori, hai máis dun século que a escola europea transita camiños de actividade e experimentación, camiños de construción da aprendizaxe nos que o alumnado ten un papel activo no seu percorrido educativo.

O PDI, a temática elexida, xira arredor do espírito científico, benestar emocional e físico, estilo e hábitos de vida saudables... puntos claves para emprender unha travesía competencial, espertando a curiosidade, preguntándonos, investigando na procura de aprendizaxes para a vida que faciliten un óptimos desenvolvemento persoal e social.

Respecto ao ámbito estrictamente deportivo, relacionado coa actividade física, a saúde e o benestar, consideramos importante que o alumnado puidera ter acceso a deportes para poder competir en torneos escolares con outros nenos e nenas de idades similares, ademáis de experimentar distintos roles na práctica deportiva como ser árbitro (no caso do badminton). 

O centro actuou coma dinamizador e facilitador para achegar iniciativas no eido físico- deportivo. Tamén foi relevante o aproveitamento da contorna para realizar actividade física con fin de que puidesen desfrutar destes espazos cun enfoque interdisciplinar e transversal (coidado e respeto do medio natural e concienciación cívica sobre a conservación dos espazos naturais da contorna).