PMS
Notice Board
ਪੋਸਟ–ਮੈਟ੍ਰਿਕ ਸਕਾਲਰਸ਼ਿੱਪ
2023–24
ਸਾਲ 2023–24 ਦੇ ਪੋਸਟ–ਮੈਟ੍ਰਿਕ ਸਕਾਲਰਸ਼ਿੱਪ ਦੇ ਮਿਤੀ 10.3.2024 ਤੱਕ ਪ੍ਰਾਪਤ ਫਾਰਮਾਂ ਦੇ Sanctioned, Pending, Rejected ਅਤੇ Permanently Rejected ਕੇਸਾਂ ਦੀ ਸੂਚੀ ਪ੍ਰਾਪਤ ਹੋ ਗਈ ਹੈ ਜੋ ਹੇਠਾਂ ਦਿੱਤੀ ਗਈ ਹੈ। ਜਿਨ੍ਹਾਂ ਵਿਦਿਆਰਥੀਆਂ ਦੇ ਕੇਸ Sanctioned ਹਨ ਅਤੇ ਬੈਂਕ ਖਾਤਿਆਂ ਵਿਚ 40% ਸਕਾਲਰਸ਼ਿੱਪ ਦੀ ਰਾਸ਼ੀ ਆ ਗਈ ਹੈ ਉਹ ਤੁਰੰਤ ਆਪਣੀ ਸਕਾਲਰਸ਼ਿੱਪ ਦੀ ਰਾਸ਼ੀ ਯੂਨੀਵਰਸਿਟੀ ਦੇ ਖਾਤੇ ਵਿਚ ਜਮ੍ਹਾ ਕਰਵਾਉਣ। ਨਹੀਂ ਤਾਂ ਉਨ੍ਹਾਂ ਨੂੰ ਅਗਲੇ ਸਮੈਸਟਰ ਦੀ ਪ੍ਰੀਖਿਆ ਵਿਚ ਦਿੱਕਤ ਪੇਸ਼ ਆ ਸਕਦੀ ਹੈ। ਇਹ ਰਾਸ਼ੀ ਸਟੇਟ ਬੈਂਕ ਆਫ ਇੰਡੀਆ ਦੀ ਕਿਸੇ ਵੀ ਬ੍ਰਾਂਚ ਵਿਚ ਹੇਠਾਂ ਦਿੱਤੇ ਬੈਂਕ ਚਲਾਨ ਫਾਰਮ ਰਾਹੀਂ ਜਮ੍ਹਾ ਕਰਵਾਈ ਜਾ ਸਕਦੀ ਹੈ। ਚਲਾਨ ਫਾਰਮ ਦੀ ਇਕ ਕਾਪੀ ਵਿਭਾਗ ਦੀ ਲੇਖਾ–ਸ਼ਾਖਾ ਵਿਚ ਦਸਤੀ ਜਮ੍ਹਾ ਕਰਵਾਈ ਜਾਵੇ ਜਾਂ ਨਿਗਰਾਨ (ਲੇਖਾ), ਸੈਂਟਰ ਫਾਰ ਡਿਸਟੈਂਸ ਐਂਡ ਆਨਲਾਈਨ ਐਜੂਕੇਸ਼ਨ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੇ ਪਤੇ ਤੇ ਰਜਿਸਟਰਡ ਡਾਕ ਰਾਹੀਂ ਭੇਜੀ ਜਾ ਸਕਦੀ ਹੈ। ਜੇਕਰ ਰਾਸ਼ੀ State Bank Collect ਤੇ ਆਨਲਾਈਨ ਜਮ੍ਹਾ ਕਰਵਾਈ ਜਾਂਦੀ ਹੈ ਤਾਂ ਉਸਦਾ ਇਕ ਪ੍ਰਿੰਟ–ਆਊਟ ਵਿਭਾਗ ਦੀ ਲੇਖਾ–ਸ਼ਾਖਾ ਵਿਚ ਜਮ੍ਹਾ ਕਰਵਾਉਣਾ ਪਵੇਗਾ। ਚਲਾਨ ਫਾਰਮ ਦੇ ਉਪਰ ਮੋਬਾਇਲ ਨੰਬਰ ਅਤੇ ਪੋਸਟ–ਮੈਟ੍ਰਿਕ ਸਕਾਲਰਸ਼ਿੱਪ ਦੀ ਆਈ.ਡੀ. ਜਰੂਰ ਲਿਖੀ ਜਾਵੇ।
ਵਿੱਤ ਅਫਸਰ ਵੱਲੋਂ ਪ੍ਰਾਪਤ ਪੱਤਰ ਰਾਹੀਂ ਲਿਖਿਆ ਗਿਆ ਹੈ ਕਿ ਜਿਨ੍ਹਾਂ ਵਿਦਿਆਰਥੀਆਂ ਵੱਲੋਂ ਅਜੇ ਤੱਕ ਪੋਸਟ–ਮੈਟ੍ਰਿਕ ਸਕਾਲਰਸ਼ਿੱਪ ਦੀ 60% ਰਾਸ਼ੀ ਜਮ੍ਹਾ ਨਹੀਂ ਕਰਵਾਈ ਗਈ ਉਨ੍ਹਾਂ ਪਾਸੋਂ 10 ਦਿਨਾਂ ਦੇ ਅੰਦਰ ਅੰਦਰ ਸਬੰਧਤ ਰਾਸ਼ੀ ਉਗਰਾਹ ਲਈ ਜਾਵੇ। ਇਸ ਲਈ ਸੂਚਿਤ ਕੀਤਾ ਜਾਂਦਾ ਹੈ ਕਿ ਜਿਨ੍ਹਾਂ ਵਿਦਿਆਰਥੀਆਂ ਦੇ ਖਾਤੇ ਵਿਚ ਪੋਸਟ–ਮੈਟ੍ਰਿਕ ਸਕਾਲਰਸ਼ਿੱਪ ਦੀ 60% ਰਾਸ਼ੀ ਆ ਗਈ ਹੈ ਉਹ ਸਬੰਧਤ ਰਾਸ਼ੀ ਤੁਰੰਤ ਯੂਨੀਵਰਸਿਟੀ ਦੇ ਖਾਤੇ ਵਿਚ ਜਮ੍ਹਾ ਕਰਵਾ ਦੇਣ।
ਜਰੂਰੀ ਸੂਚਨਾ
ਨੋਡਲ ਅਫਸਰ ਵੱਲੋਂ ਹੇਠ ਅਨੁਸਾਰ ਪ੍ਰਾਪਤ ਪੱਤਰ–1 ਅਤੇ ਪੱਤਰ–2 ਰਾਹੀਂ ਸੂਚਿਤ ਕੀਤਾ ਗਿਆ ਹੈ ਕਿ ਸਾਲ 2023–24 ਦੇ ਵਿਦਿਆਰਥੀਆਂ ਲਈ ਡਾ. ਅੰਬੇਦਕਰ ਪੋਰਟਲ 24.6.2024 ਤੱਕ ਖੁੱਲ੍ਹਾ ਹੈ। ਜੋ ਵਿਦਿਆਰਥੀ ਪੋਸਟ–ਮੈਟ੍ਰਿਕ ਸਕਾਲਰਸ਼ਿੱਪ ਦਾ ਲਾਭ ਲੈਣ ਤੋਂ ਰਹਿ ਗਏ ਹਨ ਜਾਂ ਜਿਨਾਂ ਵਿਦਿਆਰਥੀਆਂ ਨੇ ਫਾਰਮ ਜਮ੍ਹਾ ਨਹੀਂ ਕਰਵਾਏ; ਉਹ ਵਿਦਿਆਰਥੀ ਅਪਲਾਈ ਕਰਕੇ ਸਕਾਲਰਸ਼ਿੱਪ ਦੇ ਫਾਰਮ 24.6.2024 ਤੱਕ ਵਿਭਾਗ ਵਿਖੇ ਜਮ੍ਹਾ ਕਰਵਾ ਸਕਦੇ ਹਨ। ਇਸ ਤੋਂ ਬਾਅਦ ਸਾਲ 2023–24 ਸੈਸ਼ਨ ਲਈ ਪੋਰਟਲ ਨਹੀਂ ਖੋਲ੍ਹਿਆ ਜਾਵੇਗਾ। ਚੈਕ ਲਿਸਟ ਅਤੇ ਹੋਰ ਸਬੰਧਤ ਫਾਰਮ ਹੇਠਾਂ ਪ੍ਰਾਪਤ ਹਨ।
ਇਕ ਹੋਰ ਸੂਚਨਾ ਪ੍ਰਾਪਤ ਹੋਈ ਹੈ ਕਿ ਸਾਲ 2023–24 ਵਿਚ ਜਿਹੜੇ ਵਿਦਿਆਰਥੀ ਕਿਸੇ ਨਾ ਕਿਸੇ ਕਾਰਨ ਪੋਸਟ–ਮੈਟ੍ਰਿਕ ਸਕਾਲਰਸ਼ਿੱਪ ਅਪਲਾਈ ਨਹੀਂ ਕਰ ਸਕੇ ਜਾਂ ਜਿਨ੍ਹਾਂ ਦੇ ਕੇਸ ਪੈਂਡਿੰਗ ਜਾਂ ਰੱਦ ਹੋ ਗਏ ਹਨ, ਉਹ ਆਪਣੀ ਟਿਊਸ਼ਨ ਫੀਸ/ਪ੍ਰੀਖਿਆ ਫੀਸ ਬਿਨਾਂ ਕਿਸੇ ਜੁਰਮਾਨੇ ਤੋਂ ਜਮ੍ਹਾ ਕਰਵਾ ਸਕਦੇ ਹਨ। ਸੋ ਅਜਿਹੇ ਵਿਦਿਆਰਥੀ ਤੁਰੰਤ ਆਪਣੀ ਫੀਸ ਵਿਭਾਗੀ ਵੈਬਸਾਈਟ 'ਤੇ ਉਪਲਬਧ ਬੈਂਕ ਚਲਾਨ ਫਾਰਮ ਨਾਲ ਬੈਂਕ ਵਿਚ ਜਮ੍ਹਾ ਕਰਵਾਉਣ ਜਾਂ SBI Fee Collect ਤੇ ਆਨਲਾਈਨ ਜਮ੍ਹਾ ਕਰਵਾ ਕੇ ਇਕ ਕਾਪੀ ਵਿਭਾਗ ਵਿਖੇ ਜਮ੍ਹਾ ਕਰਵਾਉਣ ਜਾਂ ਰਜਿਸਟਰਡ ਡਾਕ ਰਾਹੀਂ ਵਿਭਾਗ ਵਿਖੇ ਭੇਜਣ।
ਜਿਨ੍ਹਾਂ ਵਿਦਿਆਰਥੀਆਂ ਵੱਲੋਂ ਸਾਲ 2023–24 ਲਈ ਪੋਸਟ–ਮੈਟ੍ਰਿਕ ਸਕਾਲਰਸ਼ਿੱਪ ਆਨਲਾਈਨ ਅਪਲਾਈ ਹੀ ਕੀਤਾ ਗਿਆ ਹੈ ਅਤੇ ਫਾਰਮਾਂ ਦੇ ਦੋ ਸੈੱਟ ਵਿਭਾਗ ਵਿਚ ਜਮ੍ਹਾ ਨਹੀਂ ਕਰਵਾਏ ਜਾਂ ਜਿਨ੍ਹਾਂ ਵਿਦਿਆਰਥੀਆਂ ਨੇ ਆਨਲਾਈਨ ਅਪਲਾਈ ਕੀਤਾ ਹੈ ਪਰੰਤੂ ਕਿਸੇ ਕਾਰਨ ਕੇਸ ਸੈਂਕਸ਼ਨ ਹੋਣ ਤੋਂ ਵਾਂਝੇ ਰਹਿ ਗਏ ਹਨ, ਲਈ ਸ਼ਡਿਊਲ ਅਨੁਸਾਰ ਮਿਤੀ 28.6.2024 ਤੱਕ ਆਖਰੀ ਮੌਕਾ ਦਿੱਤਾ ਜਾ ਰਿਹਾ ਹੈ। ਇਥੇ ਇਹ ਦੱਸਣਾ ਯੋਗ ਹੋਵੇਗਾ ਕਿ ਜਿਨ੍ਹਾਂ ਵਿਦਿਆਰਥੀਆਂ ਨੇ ਪਹਿਲਾਂ ਆਨਲਾਈਨ ਅਪਲਾਈ ਕਰਕੇ ਫਾਰਮਾਂ ਦੇ ਦੋ ਸੈੱਟ ਵਿਭਾਗ ਵਿਖੇ ਵੀ ਜਮ੍ਹਾ ਕਰਵਾ ਦਿੱਤੇ ਸਨ ਪਰੰਤੂ ਉਨ੍ਹਾਂ ਦੇ ਕੇਸ ਸੈਂਕਸ਼ਨ ਨਹੀਂ ਹੋਏ ਭਾਵ ਪੈਂਡਿੰਗ ਹਨ, ਉਹ ਵੀ ਫਾਰਮਾਂ ਦੇ ਦੋ ਸੈੱਟ ਦੁਬਾਰਾ ਜਮ੍ਹਾ ਕਰਵਾਉਣ ਤਾਂ ਜੋ ਉਨ੍ਹਾਂ ਦੇ ਕੇਸ ਸੈਂਕਸ਼ਨ ਲਈ ਭੇਜੇ ਜਾ ਸਕਣ। ਸਾਲ 2023–24 ਦੇ ਮਿਤੀ 25.6.2024 ਤੱਕ ਦੇ ਪੈਂਡਿੰਗ ਕੇਸਾਂ ਦੀ ਸੂਚੀ ਵੀ ਪ੍ਰਾਪਤ ਹੋਈ ਹੈ। ਸਮੂਹ ਵਿਦਿਆਰਥੀ ਸੂਚੀ ਵਿਚ ਆਪਣੀ ਸਕਾਲਰਸ਼ਿੱਪ Id Find ਕਰਕੇ ਚੈੱਕ ਕਰ ਲੈਣ ਕਿ ਕਿਤੇ ਉਨ੍ਹਾਂ ਦਾ ਨਾਮ ਪੈਂਡਿੰਗ ਸੂਚੀ ਵਿਚ ਤਾਂ ਨਹੀਂ। ਜੇਕਰ ਕਿਸੇ ਵਿਦਿਆਰਥੀ ਦਾ ਨਾਮ ਪੈਂਡਿੰਗ ਸੂਚੀ ਵਿਚ ਹੈ ਤਾਂ ਉਸਨੂੰ ਫਾਰਮਾਂ ਦੇ ਦੋ ਸੈੱਟ ਦੁਬਾਰਾ ਜਮ੍ਹਾ ਕਰਵਾਉਣੇ ਪੈਣਗੇ।
ਦੁਬਾਰਾ ਫੇਰ ਸਪੱਸ਼ਟ ਕੀਤਾ ਜਾਂਦਾ ਹੈ ਕਿ ਜਿਨ੍ਹਾਂ ਵਿਦਿਆਰਥੀਆਂ ਦੀ ਪੈਂਡਿੰਗ ਸੂਚੀ ਵਿਚ ਸਕਾਲਰਸ਼ਿੱਪ ਆਈ.ਡੀ. ਹੈ, ਉਹ ਮਿਤੀ 28.6.2024 ਤੱਕ ਵਿਭਾਗ ਵਿਚ ਚੈੱਕ ਲਿਸਟ ਅਨੁਸਾਰ ਸਕਾਲਰਸ਼ਿੱਪ ਦੇ ਦੋ ਸੈੱਟ ਜਮ੍ਹਾ ਕਰਵਾਉਣ। ਇਹ ਆਖਰੀ ਮੌਕਾ ਹੈ। ਇਸ ਤੋਂ ਬਾਅਦ ਪੋਰਟਲ ਨਹੀਂ ਖੁਲ੍ਹੇਗਾ। ਇਸ ਸਬੰਧੀ ਕਿਸੇ ਸਹਾਇਤਾ ਜਾਂ ਪੁੱਛ–ਗਿੱਛ ਲਈ ਮੋਬਾਇਲ ਨੰਬਰ 9914220048 ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
ਜਰੂਰੀ ਸੂਚਨਾ
Hello Guys ! ਨੋਡਲ ਅਫਸਰ (ਪਮਸ) ਵੱਲੋਂ ਪੱਤਰ ਭੇਜਿਆ ਗਿਆ ਹੈ। ਉਨ੍ਹਾਂ ਪੰਜਾਬ ਸਰਕਾਰ ਪਾਸੋਂ ਪ੍ਰਾਪਤ ਸਾਲ 2022–23 ਦੇ ਜਿਨ੍ਹਾਂ ਵਿਦਿਆਰਥੀਆਂ ਦੇ ਆਧਾਰ ਬੈਂਕ ਖਾਤਿਆਂ ਨਾਲ ਸੀਡਡ ਨਾ ਹੋਣ ਕਰਕੇ ਸਕਾਲਰਸ਼ਿੱਪ ਦੀ ਰਾਸ਼ੀ ਵਿਦਿਆਰਥੀਆਂ ਦੇ ਸਬੰਧਤ ਖਾਤਿਆਂ ਵਿਚ ਜਮ੍ਹਾ ਨਹੀਂ ਹੋ ਰਹੀ, ਦੀ ਸੂਚੀ ਭੇਜੀ ਹੈ। ਇਸ ਸੂਚੀ ਵਿਚ 143 ਵਿਦਿਆਰਥੀ ਡਿਸਟੈਂਸ ਐਜੂਕੇਸ਼ਨ ਨਾਲ ਸਬੰਧਤ ਹਨ। ਸੂਚੀ ਵਿਚ ਵਿਦਿਆਰਥੀਆਂ ਦਾ ਬੈਂਕ ਖਾਤਾ ਨੰਬਰ, IFSC Code ਅਤੇ ਆਧਾਰ ਕਾਰਡ ਨੰਬਰ ਵੀ ਦਰਸਾਇਆ ਗਿਆ ਹੈ। ਪੱਤਰ ਵਿਚ ਇਹ ਵੀ ਲਿਖਿਆ ਗਿਆ ਹੈ ਕਿ ਸਰਕਾਰ ਵੱਲੋਂ 2022–23 ਦੀ ਸਕਾਲਰਸ਼ਿੱਪ ਦੀ ਰਾਸ਼ੀ ਜਲਦੀ ਹੀ ਵਿਦਿਆਰਥੀਆਂ ਦੇ ਬੈਂਕ ਖਾਤਿਆਂ ਵਿਚ ਪਾਈ ਜਾਵੇਗੀ। ਵਿਦਿਆਰਥੀ ਆਪਣੀ ਸਕਾਲਰਸ਼ਿੱਪ ਆਈ.ਡੀ. ਨਾਲ ਇਸ ਸੂਚੀ ਵਿਚ Find ਕਰ ਲੈਣ ਅਤੇ ਜਿਨ੍ਹਾਂ ਵਿਦਿਆਰਥੀਆਂ ਦਾ ਇਸ ਸੂਚੀ ਵਿਚ ਨਾਮ ਹੈ, ਉਹ ਤੁਰੰਤ ਆਪਣਾ ਆਧਾਰ ਬੈਂਕ ਖਾਤੇ ਨਾਲ ਸੀਡਡ ਕਰਵਾਉਣ। ਅਜਿਹਾ ਨਾ ਕਰਨ ਦੀ ਸੂਰਤ ਵਿਚ ਜੇਕਰ ਕੋਈ ਵਿਦਿਆਰਥੀ ਸਕਾਲਰਸ਼ਿੱਪ ਤੋਂ ਵਾਂਝਾ ਰਹਿ ਜਾਂਦਾ ਹੈ ਤਾਂ ਉਹ ਖ਼ੁਦ ਜ਼ਿੰਮੇਵਾਰ ਹੋਵੇਗਾ। ਆਪ ਜੀ ਦੀ ਸੁਵਿਧਾ ਲਈ ਪੱਤਰ ਅਤੇ ਸੂਚੀ ਗਰੁੱਪ ਅਤੇ ਵਿਭਾਗੀ ਵੈੱਬਸਾਈਟ ਤੇ ਪਾਏ ਜਾ ਰਹੇ ਹਨ।