قصتنا 

بسم الله الرحمن الرحيم والصلاة والسلام على اشرف الانبياء والمرسلين اما بعد .. 

نقدم لكم اذاعة الصف الاو.... نمزح معكم 😅

قصتنا باختصار او بالمعنى الاصح قصتي .. انا اخصائية تغذية بعد ما تخرجت الوظائف كانت قليييلة جداً او يمكن مافيه بعد .. اول ما استلمت شهادتي قدمت على التطوع الصحي والحمدلله قبلوني بمستشفى حكومي .. انا حابه مجالي وتعمقت اكثر بعد التطوع وحبيته اكثر واكثر 😍 

شفت المرضى وعرفت احتياجاتهم وكيف يتم اعداد كل طبق وكيف طورنا بعض الاشياء لعيون رضى المرضى " الله يشفيهم " وحسيت ليه ما افتح شي اساعد الناس انهم ياخذون الاكل الي يحبونه بدون ما يحرمون نفسهم لاني ضد الحرمان بالاكل .. 

جربته اثناء دراستي على بعض المعارف وضبطت معنا ولله الحمد والمنة من قبل ومن بعد .. 

والحين تشوفون مشروعي البسيط كاليمو المشتق من ( كالوري ليموزين " تكسي الطاقة " ) بمعنى انه الطاقة تحتاج ليموزين عشان توصلنا وهو ( الاكل ) 

شكراً لكم ❤️

اختكم : 

ليان المهوس 

اخصائية تغذية 

2024 jun