Cada pinga conta
Xustificación
A auga é un elemento que está necesariamente presente nas nosas vidas e resulta indispensable para a saúde e o benestar das persoas así como para a preservación do medio ambiente. Ningún ser vivo pode sobrevivir sen auga.
A auga está nas billas, na lavadora, nas botellas de auga, nos charcos, nos regatos ou nas fontes. Pero, ás veces, non se ten conciencia da súa necesidade e de que forma parte do noso corpo e dos alimentos que saboreamos cada día.
Precisamos que haxa un cambio de actitude con respecto ao uso deste recurso, por iso temos que crear no alumnado e no resto da comunidade educativa hábitos de respecto cara a auga e suscitar a reflexión sobre diferentes cuestións relacionadas con ela :
Como pode ser que no século XXI haxa no mundo persoas que non teñen acceso a unha fonte segura de auga potable?
A que é debido que cada ano se produzan máis desastres naturais relacionados coa auga?
Por que cada vez máis a miúdo se producen secas que agravan a situación das plantas e os animais, diminuíndo as colleitas e favorecendo a proliferación dos incendios forestais ?
Ademais, queremos afondar en aspectos como o ciclo da auga, as fontes de auga na nosa contorna, a auga como fonte de enerxía, a contaminación das augas, os usos terapéuticos da auga ... e outras que irán aparecendo ao longo do curso.
Tamén reflexionaremos sobre a importancia da auga na literatura, pois aparece en contos, poemas, cancións, adiviñas, refráns
Basearémonos nos coñecementos previos do alumnado e crearemos situacións que permitan pescudar diferentes fontes e empregar o procedemento cintífico para xerar novos coñecementos.
Obxectivos
Descubrir os diferentes usos da auga.
Dar a coñecer as propiedades da aug
Descubrir e profundizar no coñecemento do ciclo da auga e a súa importancia no ciclo da vida
Distinguir os diferentes ecosistemas acuáticos e as adaptacións dos seres vivos ao medio acuático
Ampliar vocabulario relativo a seres vivos que vivan no río ou no mar (algas, peixes ...)
Coñecer profesións que teñen relación coa auga
Observar a importancia da auga para o clima e a configuración da paisaxe. Visitar o canón do Sil
Coñecer os diferentes tipos de precipitacións e os seus efectos sobre o medio ambiente
Entender a importancia da auga nos seus diferentes estados para manter o equilibrio medioambiental
Coñecer os principais indicadores do cambio climático e os seus efectos
Fomentar valores de respecto polo medio ambiente e solidariedade no uso dos recursos que permitan unha mellor sustentabilidade
Aprender a xestionar o uso da auga de forma responsable.
Realizar estudios sobre o consumo de peixe
Disfrutar do ocio na agua de maneira responsable e respectuosa co medioambiente. / Deportes acuáticos
Coñecer os usos terapéuticos da auga: termalismo. Visitar algunha das pozas de augas termais
Coñecer os diferentes medios de transporte acuático ao longo da historia
Realizar experimentos nos que se demostren as diferentes propiedades da auga e as suas aplicacions.
Estudiar a forza hidráulica, descubrimiento e uso a través da historia. Visitar unha presa hidroeléctrica
. Coñecer os diferentes procesos de tratamento da agua: depuración e potabilización. Visitar unha depuradora
Coñecer os diferentes mecanismos de extracción da agua para consumo humano
Estudiar a relación das diferentes culturas coa auga en relación cos mitos e lendas
Deseñar situacións que posibiliten que o alumnado organice, amplie e enriqueza os coñecementos sobre a contorna social e cultural
Utilizar as TICs e a lectura como fonte de consulta e como recurso para o logro das aprendizaxes.
Crear espazos e actividades motivadoras, no contexto da escola, que inciten a saber mais.
Adoptar hábitos de traballo en grupo, favorecendo a comunicación.
Favorecer actividades de expresión oral en público.
Contribución ao desenvolvemento das Competencias
Competencia en comunicación lingüística:
Achegando un vocabulario específico relacionado coa auga. Procurando tarefas de comprensión a través do descubrimento, e de expresión a hora de expoñer o aprendido diante dos compañeiros.
Competencia no coñecemento e a interacción co mundo físico:
Proporcionando coñecementos sobre a auga nos diferentes estados, contextos, localizacións xeográficas e situacións medioambientais. Así mesmo, tomar conciencia da grande importancia da auga para o noso planeta e do aforro deste recurso.
Tratamento da información e competencia dixital:
Promovendo a investigación do alumno/a por medio dos diversos recursos informáticos, Tics. Tamén nos vai permitir a preparación das exposicións, a través de Power Point, actividades LIM, etc
Competencia social e cidadá:
Xa que é un medio eficaz para facilitar a integración e fomentar o respecto, contribuíndo ao desenvolvemento da cooperación, a igualdade e o traballo en equipo.
Competencia cultural e artística:
Recoñecendo a importancia que tivo a auga ao longo da historia para o asentamento das grandes culturas, así como a importancia da auga para o desenvolvemento de Galicia: lavadoiros,fontes, muíños, pozas termais, centrais hidroeléctricas, portos pesqueiros, industrias conserveiras e navais,
Expresar os coñecementos adquiridos a través de debuxos, paneis, teatro ou cantigas.
Competencia de aprender a aprender:
Ofrecendo recursos para a planificación da súa propia actividade , así como a posibilidade de utilizar os medios informáticos na procura de información. O eixe dos proxectos documentais é fomentar o interese por saber máis, aprender a acceder aos coñecementos, a como organizalos e xestionalos, é dicir, aprender a aprender.
Competencia de autonomía e iniciativa persoal:
Na medida en que o alumno/a se enfronta a situacións nas que é o protagonista da súa propia aprendizaxe e a actividades globais onde as súas decisións repercuten no logro dos obxectivos do seu propio equipo.
Competencia emocional:
En tanto que as diferentes actividades permiten fomentar o espírito de superación, de colaboración e de esforzo.