تجربتي مع بخاخ Pixi طبعاً هو له عدة استعمالات لترطيب البشرة او قبل المكياج يسهل الدمج وايضاً بعد المكياج ويستخدم بعد على الشعر والحلو فيه يناسب جميع انواع البشرة ، حبيته خفيف على البشرة وينعش ( لكن عيبه يخلص بسسرعه) " استعمالي له احطه قبل ال Night oil طبعاً بعد ما انظف بشرتي لان احب احط الزيوت على بشرة رطبه شوي يعني نديه "

بالنسبة لل Night oil صار لي استعمله شهر ونص تقريباً حبيته مره يصفي البشرة ويعطيها نظارة والحلو ان كل الفيتامينات المهمه للبشرة موجوده فيه مثلا C&E تفتح البشرة وتزيل البقع والاثار و فيتامين A يزيد من انتاج الكولاجين و يجدد الخلايا و بعد يعالج البشرة من الاكزيما و الحساسيه و الصدفيه و والجفاف ويناسب جميع انواع البشرة ، واللي حبيته اكثر ان البشره تمتصه على طول .

تجربتي مع هالمناديل المطهرة راح اكرر طلبها مره وثنين وثلاث تجنن صراحه ، تجفف الحبة وتطهرها لين تختفي تماماً بدون اي اثر ، يجي منها 55 حبة ب 16.64 SAR و 90 حبة ب 25.40 SAR ، طبعاً هي تعمل على تطهير البشرة والمسام من الاوساخ و الزيوت المتراكمه وتعالج حب الشباب وتساعد على التخلص من الرؤوس السوداء ، ومع الاستمرار تساعد في الوقاية من الحبوب قبل ظهورها.