Nyhende

Årsmøte 2026

Årsmøte 2026 i Voss Ungdomshall måndag 16.03.26 kl 18.00

Ingjerd Dymbe Anda held foredrag om Hustveitgarden

Kaffiøkt

Vanlege årsmøtesaker:

Årsmelding
Rekneskap
Budsjett og arbeidsplan 2026
Val

Frivilligbørsen

Stiftinga Bergsliminne var med på "Frivilligbørsen" i Voss Kulturhus onsdag 28. januar. Tilskipinga var i regi av Frivilligsentralen og Voss herad, og om lag 20 frivillige lag deltok for å skaffa seg gjensidige samarbeidsavtalar.

Bergslistiftinga skreiv avtalar med: Voss Elveklubb, Voss Musikklag, Voss IL Turn og Voss Husflidslag. Til gjenyting ynskjer dei fire laga foredrag, guiding og samkome på Bergslitræet.

Torunn Høie, Wenche Løno og Laila Rynning Veum representerte SB.

Godt nytt år

Sjølv om det er nokre månader til sesongopning på Bergslitræet, er planlegginga allereie i gang.
Første opne søndag på Bergslitræet vil vera søndag 31. mai 2026. Designar Per Finne skal vera utstillar i Galleri Træet i andre høgda på Bergslitræet sesongen 2026. Opning av utstillinga søndag 7. juni.

Vonar gamle og nye medlemer vil vera med å støtta Bergslistiftinga i arbeidet med å ta vare på Bergslitræet, fødestaden og barndomsheimen til kunstnarbrørne Knud og Brynjulf Bergslien også i 2026 - og bruka både huset og hagen til ein sosial møteplass på søndagar i sommarsesongen.

I tillegg til film og omvisning på Bergslitræet planlegg også styret ymse små kulturelle innslag på einskilde søndagar i løpet av sesongen.

I byrjinga av september er det markering av kulturminnedag på Bergslitræet. I år er temaet "Kulturarv i fare".

Spleisen til filmen om Brynjulf Bergslien og Ryttarstatuen går sin gang. Både små og større bidrag vert teke
imot med takk. Sjå meir nfo på heimesida vår.

Me i styret gler oss til ein ny sesong på Bergslitræet om nokre månader.

Styret

Google Sites

Report abuse