BEBICE OD KURUZE
Dok se kuruza brala, deklice su si našle najlepše lati pak su od njh pravile bebice. Od komušine su napravile trakice pak su plele kitice ili su ih frkale. Tak su im delale frizure. Unda su se ihrale da su mame, a bebice od kuruze si im bila dečica.
ČINKANJE
Dečki su si na zemli naprave dve crte udaljene par metri. Na prvi crti je bil početak. Saki igrače je mel jednaki broj gumbi (ili železni penezi, kostanji, kamenčeki) koje su hitali prema drugi crti. Un koji je hitil najbliže crti pobral si je sve ostale gumbe.
SVIRALE OD VRBE
Na proleće, dok je vrba bila v mezgi, odrezala joj se jedna grana i zgulila koža.
Za bekač se grančica zgulila glatko. Puhalo se v nju. Zvučalo je kak da nešče tuli ili beči.
Fučka se delala tak da se vrbina grančica zarezala na spust kaj se mogla povduž zvaditi srž i ostala je rupa po sredini. Dok se puhnulo, zvučala je lepo kaj frula.
Rog je bilo malo vekše sviralo. Vrbina koša se zarezivala u obliku spirale i prepikala se s trnjem. Dok se na rog puhalo čuli su se duboki tonivi.
ŠKOLICE
Deca su si s komadićem črepa nacrtala na zemlji ili asfaltu školicu. Bila je školica u obliku aviona, zvala se avijonska škola i školica slična pismu koja se zvala poštarska školica. Saki del školice bil je označen z jednim brojem. Komadić črepa se zval sreček. Njega su hitali po redu kak su išli broji, skakalo se po školici z jednom nogom i moral se zdiči sreček. Dok je jedno dete pokvarilo, išlo je drugo igrati.
ŠPRAČKE
Trebala se nojti jedna škroklica debela kaj prst , koja je bila razgranata kak slovo V. Na dva vrka škraklice se zvezala zrezana guma od sroroga beciklina, koja je na sredini mela komad kože. Z jednom rukom se držala špračka, a z drugom rukom se nategnula guma i nutri se del mali kamenček. Tak su dečki zgađali vropce i škvorce, a dok su se posvadili unda su i jedni druge zgođali.