SORSOGON

Sorsogon, oh aking minamahal na tahanan

Lugar na aking pinanggalingan

Lupang napapalibutan ng dagat at kabundukan

Taglay ang kagandahang di matutumbasan

Ngunit, mas higit sa ganda ng lupa at dagat

Katangian ng tao'y pusong tapat

Sa bawat kabiguan, bayan ay iaahon

Mga mauurag at matatalinong Sorsoganon

Sa oras ng pangangailangan, pagkakaisa ang kailangan

Bawat isa’y handang magbigay ng tulong at kaalaman

Sa gitna ng unos, bayan ay hindi iiwan

Pagmamahalan at dangal ang sandigan sa buhay ng bayan

Sa pagkakaisa’t pagtutulungan, bayan ay ilalaban

Dangal at pagmamahal ang gabay sa bawat sandigan

Pagmamalasakit at bayanihan

Ang susi sa pag-unlad ng bayan