BOST URTE beteko dira hasi ginenetik  eta beste urrats bat eman nahi izan dugu hori ospatzeko, gure LOGOAREN ALDAKETA. Zer esan nahi du logo berri honek? duela bost urte landatu genituen zuhaixkak, proiektuak, jada baso bidean daudela zuen  laguntzari eta jarraipenari esker; horregatik gure logoa  ADABURU BERDEZ inguratu dugu.  Bost urte hauetan denetarik egin dugu: hazi bilketa, irteera didaktikoak, kabiak jarri, erreka garbiketak, hitzaldiak, Baso Bizien Eguna, landaketak eta landaketa horien jarraipena, lur erosketak, lur lagapenak, udaletxe zein beste talde naturzaleekin harremanetan jarri, gure proiektuaren eta ekimenen zabalkundea sare sozialetan eta komunikabideetan bultzatu, webgunea sortu oinarrizko informazioa eta dokumentuak bertan gordez, Gipuzkoako Batzar Nagusietako BASOGINTZA PONENTZIAN parte hartu, DENON BASOA IRRATSAIOA sortu... eta abar luze bat. Portzierto, gustatu al zaizu logo berria? Eman " like" bat horrela bada. Eta badakizue, zuen herrian BASO BIZIAK talde bat sortu nahi baduzue, hemen gaituzue laguntzeko.

Lurraren Kultura Berria 7 ideia giltzarritan eta trantsizio ekosozialerako proposamen-sare batean oinarrituta eratzen den horizontea da. Lurrarekin orekan egoteko eta gainerako izaki bizidunekin bizitzeko proposamena. Kultura Berri bat, bizirik irautea, duintasunez bizitzea, sufrimendua saihestea eta etorkizuneko belaunaldien existentzia ahalbidetzea bideratuko diguna.