Poesya

Sulat ng Federico Garcia

Bulan Aldo Babo Banua

Canita ca nung minuna ngaring cacu mamalitaAlang bengi patingapun alelangan nang bathalaAla canung maralumdum nune purus ngang masalaAting Aldo ampong bulan dapat batuin tala ala Ing bulan ila ning aldo deti canu miyasawa laCaniang banuang sabi catas pagtampison dang ligayaDapat qng misan a besis qng masayang pamiabe raMidinan lang sigalutan at deti pin mipate la Ding carelang pamipate at miras na qng sucdulanMeging pisac ing dalumdum ala cang ayaninaganQuetang pali na ning aldo agad neng sicmal ing bulanCaniang banuang sari catas pinacal neng pecasican Quetang cayang panga pacal me nga pisit melaso yaMisalbag lang misnang dacal quinatmu ing babo banwaAt canita ing miliari sinlag lang cayama yamaMeguing batuin a maningning ampon talang barabara Caibat ing depat ning Dios picawani nong carinanPatingapun ya ing aldo panga bengi ya ing bulanIng aldo misna yang pali ing bulan marimla nemanmalagad lang misagana qng banuang sari catasan. Medinan nang cayangganan ampon midinan resultaMayabu rang pamiabe mepupus midinan anggaDapat qng misan a besis at quilub na ning pabanuaMequit la at mipapate Bulan Aldo Babo Banua.
Photo Grab https://www.sciencefocus.com/space/why-does-the-moon-appear-white-and-the-sun-yellow/

Sariling Carinan

Metung cumung Ortelano qng gabun a tagabungcalMiguising cung ganing aldo macasadia nang almusalGatasan que ing damulag ban queta atin cung ulamAmbulang nasing marimla maniaman nacu pamangan Panga ibat ning almusal agad agad migpastul cuAticu babo damulag sinasal ya ing tundu cuSinulapo ya ing pugu cabud na mipaquirut cuQuetang acu man sasarian asacmal ne ning gamat cu Inyang ume nang sumala gulis palad quita muneBayu ya sinlag ing aldo ing damulag cu mabsi neDela cune qng sarulan canita umpisan cuneIng canacung pamanyarul qng lebutad ning marangle Iniang mapali neng aldo binabad que ing damulagQuetang sapang macalapit at migpainawa cung ditacQuingwa que ing cacung bacal pinotsa yang sari lapadCaibat minum cu qng sapa mipasno cung agad agad Oyan ing caranasan cu ortelano mang malucaYa ing bitbit cung dangalan maqui arap caring sablaPepagaral cu lang anac qng saup ning mayupayaBan magsilbi caring tau lalu na caring maluca. Uli ning catapatan cu qng Dios que cata miglalangAt mequi abe cung migsilbi qng quimutan pampisambanInia martir cu qng Dios qng tapat cung cayausanMecad qng ligaya banua atin cung sariling carinan.

Ding Bayani ning Catutuan

Enacu sa bisang tagquil qng lindayung ning poecia Arapan mu indung balen amanu ra ding mangatua Migcapilit cumu naman telanan que ining pluma Uling quikiac ing matulid arap mu nung mapipi ya Pabusten mung igulisac arapan mu ing matulid Ban canita surian mula nung ninu ring manalipit Matulid da ring memalen ding calulung pepasaquit Mitimbuan qng pipamucan ing balen tamung melipit Malambat na indung balen mimiral ing capamiasnan Epa mitdas man ing guerra pirait na qng piucuman Pirait da at piraya detang taung mangalaram Detang taung masican pu caring leyes mapaglinlang Tatangis la ding calulu caring banuang menga labas Mengaulila la matulid pauli ring lahing udas Dapot iniang miras na iti ing guera ya ing mitdas Ding calulu ilamu ring pepaisaquit qeting labuad Ninu caya ding bayani qng landas ning catuliran Ding quinampi caring Hapon mequiabe qng tulisanan Ding calulu ila mu ring matimbuang qng pipamucan Atulan mu indung Balen ding bayani ning catutuan.

Photograb - https://www.rmit.edu.au/content/dam/rmit/rmit-images/media-releases/2019/spent-convictions/scales-of-justice-law-order-1220_x_720.jpg

Page updated

Google Sites

Report abuse