Aski sank’ayu panqara

Tumayk juyphinakar mulljiri,

lumasa yatiyawin amuchayasina,

ullaña panqaranak phanchayasina,

uñnaqampi thakhinak chimpuchiri.

Qullana chhiqawjan pacha sarayiri,

musparkañ ch’uxña muk’unkunakamaxa,

tayna wayran sarawimp pukaratawa

jallallankha payachasirinakar mulljañatati

imant’iri ch’aphinakamamp japhuyasa.

Waraqunakampi samkachasina.

Yapuchirinakan amtapa ch’amanchiri,

aski qullana sulla jachamamaxa

janchin saminakap chixnuqasina.

urt’an sarawip jaysayiri.

Wali yaqäta sanq’ay panqara.

Pachan chimpup sarantayiri.

Ch’uxña qhana wara wara

Phaxsin llijupa waljaptayiritawa.

laphinakamax qhispill chhaphiniñapataki.