เนื้อเพลง

Caˇ : Sl. Aˇbaw & Paw lay

Music : Hlaaung Music Studio

Video : พี่บูด

Edit : Sl. Hlakyaw { IT of AWM }

BY AWM - Akha worship Media

Jaceuq ler ma.

Nymq-mr aryamq Miqyaer guiqlanq-anr Jaceuq-eu yamq

Tiqkawv lof-aer maeqbaw gm-awr le karbeur

Noeqshaq-eu dawqtawv yurtaq jir-awr laryawq de.

Baoq huiq-eu Miqyaer-anr Jaceuq ler ma ( 2 )

Miqyaer mir khanq-euq zaqyo ( zaqmiq ) pyeuf le,

Jeqbir of-eu Miqyaer-euq zaq pyeuf le ( 2 )

Ha le lu yaq ( 3 ) Miqyaer-anr Jaceuq

Ha le lu yaq ( 3 ) A men

Dawq / Kawqsheu : Sl.Arbaw 

Car : Sl.Arbaw

Music : Hlaaung Music Studio

1. Yuifnyir cawq deuq-or, Miqyaer lafkhoer ,

Tiqpaeq zaq pyeuf-awr tiqmaernmr taef ma.

tiqda zaq pyeuf-awr, tiqgar tafle ,

tiqghaq tirghaq, nuigaq bifkar beur la.

2. Tsawrhaq pyeuf mirnae, ghaq baq-eu jeq jav taef-a,

maq tsaq-eu gar taef-aer nawr hawtsov-awr nae daefnar,

Miqyaer mirkhanq huiqlar ni maq mrnya,

Miqyaer gharduq yawshaef maq pyeuf nya.

gaq-eu cawq yuifnyir deuq-or, 

ghaq baq jeq-anr taqhaw,

Ghaq baq-eu jeq nar, maeqnaeq-awq, 

maq laeq-ir-eu ghaq maq jawr.

Maq muiq-eu jeq mr-eu tiqpov , 

Yawmuiq jeq nae daeqkaq-awr,

Aertaq-euq Miqyaer dawqkawq-anr, 

ghoer gaq-eu jeq nae gaq-yawq,

Miqyaer nuima tsaq mae. 

Bof : Sl.Aqyo

Car : Phaw Lay

By AWM

Music : Hlaaung Music Studio

MV : Hlaaung Music Studio

Nymq-mr aryamq sarka parlar luf-awr,

yawhaiq yawdoer deuq myaqlar ngae,

zaqguq-euq daefzir gardanr tsoeq ni,

Muiq-eu jaq-eu daefzir pyeuf ni,

Miqyaer-euq dawqma sarjax-anr cawtae-awr mr yawq,

Yawhaiq yawdoer baoq deuqnae taq bi uvlanr law.

zaqguq deuq-or, zaqguq aqyamq-anr , 

muiq-eu shawr-eu daefzir bi pyeuf law.

zaqguq deuq-or, zaqguq aqyamq-anr , 

Poeqsawrlawq baw-eu daefzir bi pyeuf.

zaqguq-euq daefzir gardanr tsoeq ni,

Muiq-eu jaq-eu daefzir pyeuf ni,

Miqyaer-euq dawqma sarjax-anr cawtae-awr mr yawq,

Yawhaiq yawdoer baoq deuqnae taq bi uvlanr law.

zaqguq deuq-or, zaqguq aqyamq-anr , 

muiq-eu shawr-eu daefzir bi pyeuf law.

zaqguq deuq-or, zaqguq aqyamq-anr , 

Poeqsawrlawq baw-eu daefzir bi pyeuf.

Dawq / kawqsheu : Sl. Arbaw

Car : Sl. Arbaw

Sanqbof Lavtsaq : Sl. Larcawf

Music : Hlaaung Music Studio

MV : pi bud

1. Mirtsaq tsawrhaq tsawrjeuq dawqtawv luf,

Mqbae mirbae yawsanr ghaq-anr, 

Yawzeu baw-awr , uqduq tanq ma.

2. Nuima ghawrmawr saflar ghaq dawqtawv, 

iqnan, nishawq, aqkar maq parlar-eu ghaq,

Yawshaef huiq-eu, Sanqpaq Miqyaer-anr 

Uqduq tanq ma.

Miqyaer-or ngar nawq-anr gaqnya.

Muiq-eu shawr-eu ghaq-or, 

Nawq-eu yawshaef ngaq-anr bimawr laf,

Yawjeq naluf nav maqtser 

Miqyaer-or nawq-anr loqdzaeq nya.

deur-mq diq-awr, cardawq car-awr,

Uqduq tanq ma.

Guiqlanq huiqma MiqYaer-Or

Dawq / kawqsheu : Phaw lay

Car : Phaw Lay

Music : Hlaaung Music Studio

MV : Hlaaung Music Studio

V1 Guiqlanq pyeuf-eu arnan,guiqlanq huiqma MiqYaer-O

    Guiqlanq yawdzanr-anr ngar sharnoeq khof ngae-aq,

    Siqyoeq deuq laeqhmq-awr,mirtsaq duqpov-awr nae

    ka panq ngae.

V2 Uqyaer khawf bi yaer,uqtsar bi dovlar mae,

    Saeq taq-euq siqyoeq deuq bi dehf bi gor lar-awr,

    arsiq bi lovlar ghaq Nawrmae.ˍ

  Cho; Aqdui lafkhoer,kharjav-eu dawqtawv,MiqYaer nae bae taq mae

        Jawrsar dov- eu jeq,nuisar za-euq jeq,

mrdzaq khawfdawr nya jeq

bifnaeq laf gar taqpoeq ma,safkanq khar ghawr ngae keuvni

ciqhuiq mawf mir-a,larkeuv taq-eu  yuifnyir  deuq nae-aer.

car-awr nae damq khof naeq ma, aqkar khof khawf

tiqkawv lof-aer damq khof lar ma.

Produced : AWM

Dawq / Kawqsheu : Sl. Arbaw

Car : Sl. Arbaw

Music : Hlaaung Music Studio

Mv : Hlaaung Music Studio

1. Aryamq-aq tiqkhaeq taef mae.

Maqnoeq maqduq-aer jawrgar, 

arsaq saq-eu arnan keuvlar mae. tiqnan.

2. Nawq-eu nuikhanr nawr geuf-awr,

Nawr byawq-eu lox taef-aer mr shar nar,

Daefzir heuhmq shafkhoeq lof-aer taef-a de.

Pre: Shiqbuir lanma-anr nawr taqir mawf de.

Naef saqdaq-eu jawrduq pyeuf-a.

Shiqbuir lanma nawq-eu gharduq maqngeur-a.

Miqyaer mirkhanq nawq-eu gharduq pyeuf-a.

Cho Aqmyan keuvni naqbawq bawq-eu lof-aer,

Aqmyan keuvni myavnuiv yawbaef lof-aer,

Nuima ghanr-awr nae, nawr yawdaef daef-eu laer ghae te?

Miqyaer mirkhanq-anr nawr tser le lo?

Shiqbuir lanma-anr nawr tser le lo?

Nawq-eu nuinoeq nawq-eu nuikhanr jav taef mae.

Taq noeqlaeq de.

Maqkuv 13:31 

Dawq/Kawqsheu : Sl.Maqnaqsheq

Car : Hlaaung , Sl. Arbaw , Phaw Lay

Music : Hlaaung Music Studio

MV : Hlaaung, Sl. Larcawf

Tiqjawr jir maqgaq haw jeq, tiqjawr jir maqmawr haw jeq, er.....

Mirtsaq khoertav pyeuflar luf nga...

Cawqdeuq-or yawmuiq-aer sharnoeq, laeqhmq taq ghaq maq lor, or....

Iqnan nishawq shir-eu maqsiq-a.....

Nuima lafkhoer nae, Yeqsur-anr hageuf ghaq maq-a laq,

Nawq-eu daefzir, noeqtmq khar za’ma lor,

Yanrpawr yawqde, murjur jur tserjeq yarjeq-anr,

Daefluf-eu daefzir, Yeqsur-anr a’naeq yawq,

Tiqnan sair tiqnan luq-ir ser-ir-eu jeq myaqlar luf,

Nargawr yawshuif deuq, myaqlar nga,

Aqjeq laer nawr sharnoeq le, heu mir khoertav jav-eu jeq-aq,

Maqzif-a...

Tiqnan sair tiqnan Miqyaer nae aertaq byanlar luf,

Yeqsur oeka yamq, dawqpae pae lar ngaq-a,

Yawkawr-aer noeqpar-awr nae daef yawq, 

heu mir khoertav jav-eu jeq dawqtawv byovjir khawf, 

Miqyaer-euq dawq zifmae.

Bof : Morseq

Car : Phaw Lay

Mix & Mastering : Hlaaung Music Studio (AWM)

Music Vedio : Hlaaung Music Studio (AWM)

shaqzanq lawrgawv nyiqtsaev-aer, ngar ya irpav khawf

yawhaiq lavcawv lar-eu gar, ngar, maqguv

ngaq-anr muir-eu deuq naeq-aer, tiqkawv lof-aer ngar ya can khawf.

ngaq-eu gharduq khanqlanr-eu jeq maq jav.

shaqzanq lawrgawv nyiqtsaev-aer, ngar ya irpav khawf

yawhaiq lavcawv lar-eu gar, ngar, maqguv

ngaq-anr muir-eu deuq naeq-aer, tiqkawv lof-aer ngar ya can khawf.

ngaq-eu gharduq khanqlanr-eu jeq maq jav.

Miqyaer-euq dawqkawq-aq, ngaq-euq daefzir-anr 

bya’naeq luf-eu , tsirkhmq pyeuf-awr nae,

ngar khar ir, khar lar-eu, garma dawqtawv-anr,

bya’naeq-eu yawshaef pyeuf-eu mae.

Bof : Sl. Aqyo Ghaoeqmaer 

Car : Phaw lay

Music : Hlaaung Music Studio 

Mix and mastering: Hlaaung

MV Edit : Sl. Larcawf Mazeuv

Iqbax kanluf-awr, myavbir dovluf-eu,

Miqyaer baetaq-euq tsawrhaq.

Ngoerluf-eu tersar Miqyaer ya gaq-awr, 

ghawqshaq gaq-eu baqda,

Aqyawf-euq zaqmar tiqghaq taef-aer jawrkhawf, 

Tsawrhaq zaq deuq buq-ir-eu gharduq, 

heu mir khoertav,

Yeqsur daefle-euq christmas keuvlar shaw.

Tsuifnui khof khawf christmas keuvlar shaw.

Yeqsur daefle-euq christmas keuvlar shaw.

Shaqzanq myaq-awr yawzanr-anr jawr-eu tsawrhaq gharduq,

Shaqzanq daq-awr Yeqsur mir khoertav-anr daefle-eu aryamq,

Tsuifnui khof khawf christmas keuvlar shaw. 

Yeqsur daefle-euq christmas keuvlar shaw.

Tsuifnui khof khawf christmas keuvlar shaw.