Мен 02.12-20.12.2025 күн аралығында №6 орта мектеп интернатында сыныптан тыс іс-тәжірибесінен өттім. Маған 5"а" сыныбы берілді. Мен осы 3 апта  бойы талдау және диагностикалық жұмыстар жүргіздім.

Менің бір күнім:

02.12 – 06.12: аралығында мен 5 «А» сыныбының сынып жетекшісі Ильгедаева Мария апаймен және оқушылармен таныстым. Сынып жетекшісінен оқушылардың тізімін алдым. Педагогикалық іс-тәжірибемнің алғашқы күнінде 5 «А» сыныбына «Бірлік пен ынтымақ құндылығы» атты тәрбие сағатын өткіздім. Оқушылармен жақсы қарым-қатынас орнатып, уақытты тиімді пайдалана алдым.

Негізгі жұмысым сабақ материалдарын түсіндіру, күрделі тақырыптарды меңгеруге көмектесу және алған білімдерін бекіту болды. Сабақ барысында оқушылардың тапсырмаларды орындауын бақылап, қателіктерін түзетуге және білімдерін толықтыруға бағытталған кеңестер бердім. Түрлі оқыту әдістерін қолдана отырып, олардың оқу материалдарын терең түсінуін қамтамасыз еттім. Барлық тапсырмалар уақытылы және сапалы орындалды.