Allama Iqbal Famous Poetry in Urdu | Top Shers

From among various Urdu works of Iqbal below are the select verses of Iqbal's famous poetry which we deem easily understandable and graspable.

پرندوں کی دنیا کا درویش ہوں میں

کہ شاہیں بناتا نہیں آشیانہ

---------------------

خردمندوں سے کيا پوچھوں کہ ميری ابتدا کيا ہے

کہ ميں اس فکر ميں رہتا ہوں ، ميری انتہا کيا ہے

اگر ہوتا وہ مجذوب فرنگی اس زمانے ميں

تو اقبال اس کو سمجھاتا مقام کبريا کيا ہے

---------------------

تجھے ياد کيا نہيں ہے مرے دل کا وہ زمانہ

وہ ادب گہ محبت ، وہ نگہ کا تازيانہ

يہ بتان عصر حاضر کہ بنے ہيں مدرسے ميں

نہ ادائے کافرانہ ، نہ تراش آزرانہ

نہيں اس کھلی فضا ميں کوئی گوشۂ فراغت

يہ جہاں عجب جہاں ہے ، نہ قفس نہ آشيانہ

رگ تاک منتظر ہے تری بارش کرم کی

کہ عجم کے مے کدوں ميں نہ رہی مے مغانہ

مرے ہم صفير اسے بھی اثر بہار سمجھے

انھيں کيا خبر کہ کيا ہے يہ نوائے عاشقانہ

مرے خاک و خوں سے تونے يہ جہاں کيا ہے پيدا

صلہ شہيد کيا ہے ، تب و تاب جاودانہ

تری بندہ پروری سے مرے دن گزر رہے ہيں

نہ گلہ ہے دوستوں کا ، نہ شکايت زمانہ

---------------------

Read More: Allama Iqbal Famous Poetry