A NOSA HISTORIA

Así comezou todo...

A nosa historia comezou no medio da pandemia, cando o mundo parecía estar detido, pero nós, sen saber, xa íamos empezar a escribir a nosa propia aventura. Xa nos coñeciamos, grazas a amizades en común, pero foi naqueles días de confinamento cando realmente comezamos a conectar de forma especial.

O que comezou como unha simple charla, entre risas e anécdotas, acabou converténdose en algo máis que unha amizade. Días de conversas e mensaxes interminables fixeron que fóra imposible non caer na tentación de saber máis un do outro.

Pódese dicir que a pandemia nos fixo descubrir que, mesmo en tempos inusitados, o amor pode atoparse de maneiras inesperadas. Aínda que ao principio as conversacións eran sobre todo para pasar o tempo, pronto nos fixemos imprescindibles. Non precisabamos de grandes citas nin de escenarios románticos, só de cada un para o outro.

E así, entre risas, chistes e moitas horas de conexión (e un par de esquecidas xogadas de parchís), fomos creando un lazo que agora estamos a celebrar, rodeados de moita ilusión e alegría.

A pedida...

A nosa historia de amor alcanzou un dos seus momentos máis especiais durante a nosa viaxe a Cuba. Despois de meses soñando con ese viaxe, finalmente chegamos á illa, e o que ía ser unha experiencia inesquecible, converteuse nun recordo que gardamos no corazón para sempre.

"Foi no Malecón, cunha das vistas máis impresionantes de toda a cidade, cando decidín dar o paso máis importante da nosa vida xuntos. Co sol esvaéndose no horizonte e a brisa mariña envolvéndonos, deixei que os sentimentos falasen por min e abrín o meu corazón, alí, coas mellores vistas da cidade como testemuña."

— Rubén

Cada vez que pechamos os ollos, volvemos a aquel instante, co mar ante nós e a certeza de que estabamos tomando a mellor decisión das nosas vidas.

Page updated

Google Sites

Report abuse